FILIPI 4:9 - AMÜSÜH HÜM CL Bible (BSI)

⁹ Nüsanü I kheaknü tümü anikhitde, leangkhide, sode tüsho ngüdünü rhimoang; tüsho Thrünpuh mungtsü nüsa lung labah.

FILIPI 4:9 Iomraidhean Croise

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 8:10

Rukhühnü lümkhi thsang, tüshe ju akeangkeang kambah; thiyu thaang, tüshe ju müzhip, tümüde Thrünpuh isa lung lah.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

MATHI 7:21

“Yinmi ching labuh I Buh lümkhi rhimorü kheak hode I ki, ‘Atungpuh, Atungpuh,’ de ajirü abannü yinmi kiulongthsü ching müyüzah.

LUKNÜ ATHRÜTKHI THIYUSHEAK-ATSÜ HUHTANYU 6:46

“Tümüde nüsanü I ki Atungpuh, Atungpuh de jichoh, tüshe inü nüsa ki thakhi mürhimocho?

LUKNÜ ATHRÜTKHI THIYUSHEAK-ATSÜ HUHTANYU 8:21

Tüshe apinü arü ki tha, “Sherünü Thrünpuh yu anibah ju rhimochonü I be tüsho I keoniorübo ah.”

JOHAN 13:17

Nüsanü harü mükheahde rhimosho nüsa asühpü.

JOHAN 15:14

Inü nüsa ki thiyukhüm jihkhibo nüsanü rhimosho nüsa ju I müyamrübo ah.

JOHAN 2:5

Abenü yamlarübo ki tha, “Apinü nüsa ki tümüpürü thachonü, ju rhimoang.”

YUNIRÜBO RHIMO 9:6

tüshe asürang tüsho kiuto ching yüzahang, tüsho tümü rhimobeanü nü ki thabah.”

ROMRÜ KILIM PAULNÜ ATHRÜTKHI KIHÜM HUHTANYU 15:33

Mungtsü Thrünpuh nüsa alala lung laang. Amen.

ROMRÜ KILIM PAULNÜ ATHRÜTKHI KIHÜM HUHTANYU 16:20

junangde mungtsü Thrünpuhnü nahde nüsa jing khüp Arimri zünakbah. Isa Atungpuh Jisu Khrista amüthsüm nüsa lung laang.

1 KORINT 10:31

Jumonü nüsanü tsühtsüh she tüsho yungyung she, yungsho tümüpürü rhimobanü, alala Thrünpuh müretahpü rhimoang.

1 KORINT 14:33

Tümütüsho Thrünpuh ju neamneamruru yo yung tüshe mungtsü Thrünpuh ah. Amüsührü borübo alala ching,

1 KORINT 4:16

I kheahkhirü kamang de inü nüsa ki tuthsukchoh.

2 KORINT 13:11

Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah.

YUZÜNGTHALO 5:1

Tüsho Mosanü Israelrü alala jibah arü ki tha, “O Israel, yakzanbo tüsho thiyuzüngbo inü nüsa ki khihni thakhi aniang, junangde nüsanü jurü yande arhimopü kümkangang.

FILIPI 3:17

Keoniorübo, I kheahkhiang, tüsho isanü nüsa kilim jihkhi yakli yande sherünü lachonü mütsanang.

FILIPI 4:7

Tüsho anikhitkhi alala kihode alakhi Thrünpuh mungtsünü Jisu Khrista ching nüsa mulong tüsho lümkhibo aheangbah.

1 TESALONIKA 1:6

Nüsa ju isa tüsho Atungpuh kheahkhirü kamdo, tümüde nüsa thsünü ching lachoki Amüsüh Menü asühshihde thiyusheak leangkhi;

1 TESALONIKA 2:14

Keoniorübo, nüsa ju Judea ching Jisu Khrista lung Thrünpuh borübo kheahkhirü kamdo; tümüde Jihudarü hode arü thsünükhi nangde nüsa nihbuh lomi mihtsürü hode ju ruk thsünüdo,

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

2 TESALONIKA 3:4

Tüsho nüsa dünkheak isanü Atungpuh kheak mulongram lah, junangde isanü thiyukhüm jihkhi nüsanü rhimochoh, tüsho mutuklode arhimobah.

2 TIMOTHI 4:22

Atungpuh nü me lung lashang. Nü lung amüthsüm laang.

JAKOB 1:22

Tüshe thiyu yande arhimorü thsang, tüsho nüsa küdahnü mülapyukde asorü lang düthsü.

2 PETER 1:10

Jumonü keoniorübo, nü jikhi tüsho mokhitkhi mütsanpü alü künang, tümüde nünü ha rhimosho küyimkishe nü mülakphah.

1 JOHAN 3:22

tüsho isanü tümüpürü kheangbanü isanü api kilimnü leangkhichoh, tümütüsho isanü api yuzüngbo zochoh tüsho api asühbe rhimochoh.