FILIPI 4:8 - AMÜSÜH HÜM CL Bible (BSI)

⁸ Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

FILIPI 4:8 Iomraidhean Croise

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

2 SAMUEL 1:23

Saul tüsho Jonathan, amuzhodakkhi tüsho atsüdak! Rhangdung lachoki tüsho ashechoki ane mazü; ane müleangtopü kheaknü athribe lakheah, ane kekhüzübo kheaknü sühmüh lakheah.

2 SAMUEL 23:3

Israel Thrünpuhnü asukdo, Israel Lungtonü I ki thado: Shepünü mihtsürü kurungkheak thiyuronü yakzan shuhchonü, Thrünpuh wüntrekhi chingnü yakzan shuhchonü,

MUNGSHIKHÜN 82:2

Nüsanü külokhüh thiyuro mülade mahkhapba, tüsho mihbukmuyuk ki jakkheahba?

MÜCHITMUDU 11:1

Mulungkide akearakhi ju Atungpuh kilim athraneanbe lah, tüshe thiyuronü adünkhi ju api asühpü lah.

MÜCHITMUDU 12:4

Yamkhünberü atsü ju ayamkhünbuh kuthran ah, tüshe mungchih lakhi yamkhünberü a api robo ching ashuhkhi ruk ah.

MÜCHITMUDU 16:11

Thiyuro adünara tüsho akeara Atungpuh yo; qiuqiu ching adünkhibo alala api rhimo lah.

MÜCHITMUDU 20:7

Thiyuro-lungki mihtsürünü nihbuh thiyuro ching tsahchoh; api dunglim atsührübo müngühmühia lah.

MÜCHITMUDU 31:10

Athülünkhi yamkhünberü shenü angükhukba? Alibe thülünkhi ju mürezhingzhing kheaknü alü ah.

MÜCHITMUDU 31:29

“Aliberü ahihdonü tsüde rhimodo, tüshe nünü arü kiholah.”

MÜCHITMUDU 31:31

Anihbe khah-rhimo sangaso alibe kilim jihang, tüsho anihbe rhimonü chipiripitbo ching alibe shishang.

KHÜNBOLUNGKHÜN 5:16

Api yu thakhi khide niunglah, tüsho api a alala tsülah. Ha I tsübuh tüsho api I müyambuh, O Jirusalem tsührü liberübo.

ISAIA 26:7

Thiyuro-lungki limro arihlah; O Thiyuro labuh Khülang, nünü thiyuro-lungki limro arihde kamshih.

MATHI 22:16

Tüsho arünü api kilim arü jingyanrü bolung Herod borü yüshihde tha, “Thsangyurü, nü thiyuro, tüsho thiyuro ching Thrünpuh limro thsangyuchoh de isanü mükheahlah; yungsho nünü she dünkheak kümkanga müla; tümüde nünü mihtsürü kheyuka müla.

MARK 6:20

tümütüsho Herodnü api thiyuro tüsho amüsüh mihtsürü thsükhinü Johan tre, tüsho api kümdo. Kim aban api dünkheak sobah khide phümüsüpa lalashe apinü anihbuh ki anipü kün.

LUKNÜ ATHRÜTKHI THIYUSHEAK-ATSÜ HUHTANYU 16:15

Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

LUKNÜ ATHRÜTKHI THIYUSHEAK-ATSÜ HUHTANYU 2:25

Judüki Jirusalem ching mihtsürü khülang amung Simeon lakheah, tüsho ha mihtsürü thiyuro-lungki tüsho shuhmülanga jihrü Israel khümkhitkhi kheahde, tüsho api kheak Amüsüh Me lakheah.

LUKNÜ ATHRÜTKHI THIYUSHEAK-ATSÜ HUHTANYU 23:50

Tüsho kheahang, kiuthsübinkiu ching kheyukrü, mihtsürü atsü tüsho thiyuro larü amung Josep lakheah.

JOHAN 7:18

Shepünü nihbuh kilimnü asukchonü nihbuh müretah yimchoh; tüshe shepünü I thiyibuh müretah yimchonü thiyuro, tüsho thiyuro mulungkikhi tümü müla.

YUNIRÜBO RHIMO 10:22

Tüsho arünü tha, “Kornelia, wühkenobuh, alungki tüsho Thrünpuh trekhi mihtsürü, Jihudarü trükshih alalanü tsülah dükhi, amüsüh yunirünü khuhlanga huhbah nü api yam ching arüshihpü tüsho nünü athakhi anipü nü kilim thiyi.”

YUNIRÜBO RHIMO 22:12

“Ju kiuto ching akin ching mulong jihde isa yakzan mihyuanikhi mihtsürü ju ching lakhi Jihudarü alalanü wüntre jihkhi amung Anania,

YUNIRÜBO RHIMO 6:3

Jumonü keoniorübo, nüsa bolung mung atsü larü, Amüsüh Me tüsho lümlungnü mide alarü isanü ha rhimo ching zojihpü thsüde nüsa bolungnü mihtsürü thüne mokhitang;

ROMRÜ KILIM PAULNÜ ATHRÜTKHI KIHÜM HUHTANYU 13:13

isanü animung lakhi nangde rhimoanü–kushimkhi yungsho amüshangkhi, müzammüram yungsho mümüsühkhi, rukachihkhi yungsho mükthsükhi yung.

ROMRÜ KILIM PAULNÜ ATHRÜTKHI KIHÜM HUHTANYU 13:3

Tümüde yakzanshuhrübo ju atsü rhimorü ki mihtrebe yung tüshe amütsürü ki ah. Shepü thiyukhümsühmüh lanü nünü api ki mütrebea de? Junangde nünü tümü atsüanü rhimoang, tüsho apinü nü shijihbah,

ROMRÜ KILIM PAULNÜ ATHRÜTKHI KIHÜM HUHTANYU 14:18

shepünü hanangde Khrista tankihchonü Thrünpuh kilim aleangkhikhukbe tüsho mihtsürünü am de thachoh.

ROMRÜ KILIM PAULNÜ ATHRÜTKHI KIHÜM HUHTANYU 2:29

Shepü alunglim lanü api Jihudarü ah tüsho atsütsü tsütabahkhi ju mulong tüsho me ah tüshe atsütsünü yung. Api mungshi ju mihtsürü kilimnü yung tüshe Thrünpuh kilimnü lah.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 KORINT 13:7

Kheakü nüsanü amülim tümü mürhimopü isanü Thrünpuh ki tamkhüntamnüchoh. Rükakheahkhi isanü kukdo de mihtsürünü angüshihbe yung tüshe isa mukukzamkhi nangde lalashe nüsanü tümü alimanü arhimobah.

2 KORINT 6:8

wüntre tüsho wüntre mülakhi ching, isa mükhemükim tüsho shijih. Isa akeangyu tharü khejih, tüshe thiyuro lah;

2 KORINT 8:18

Isanü api lung thiyusheak-atsü thsangyuthsangrakhi ching borübo alalanü athukhi keoniorü thiyichoh;

2 KORINT 8:21

tümüde isanü mükkheahkih lakhi ju Atungpuh miki lang yungde mihtsürü miki she wüntre lapü lah.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

EFISIA 4:25

Jumonü arükchih lakhi bahbah mihbüm abannü yamhingrü ki thiyuro thaang, tümüde isa rukhüh kheyukrü ah.

EFISIA 5:9

(tümüde ayinatrüm sangaso ju atsü, alungki tüsho thiyuro alala ching ngüchoh),

EFISIA 6:14

Jumonü thiyuronü nü chim rümang, tüsho thiyuro-lungki treangkhümbe yukbah zhipang,

YUZÜNGTHALO 16:20

Nünü küju thiyuroanü ju yimang, junangde nü rhangdung labah tüsho Atungpuh nüsa Thrünpuhnü ajihkhi lo yamrüplurüp lubah.

FILIPI 3:1

Akheam ching, I keoniorübo, Atungpuh lung asühang. Nüsa kilim ju rukhüh thrütlopü I küpkhuk müla, tüsho ha nüsa kümrü lah.

KOLOSI 4:5

Nü kim tsüde ahoride, amükinrü ki lümlung lade rhimoang.

1 TESALONIKA 4:12

junangde nimung aban nü rhangdung lakhinü aleangkheakrü wüntre ngübah tüsho she kheak she nü düthsün angüde müla.

1 TIMOTHI 2:2

isanü akinrü thsüde, tüsho wüntre lakhi alala ching akhimahe tüsho mungtsü rhangdung lapü thsüde kiulongthsürübo tüsho thiyukhümsühmüh larü thsungkheak mushujihbeah.

1 TIMOTHI 3:11

Aliberübo she junangde yakli atsü, müjipjiprararü, tüsho adanyukkhi, alala ching thiyuro labeah.

1 TIMOTHI 3:4

Apinü yambuk tsüde kümkhukbeah, limro alala ching tsührübo azhihayih tüsho wüntrekhi ching zobeah;

1 TIMOTHI 4:12

Nü athunuchoki shenü she mükhemükim düthsüshih, tüshe akinrübo ki thiyu thakhi, rhimokhi, amuzho, akin tüsho atsangkhitkhi ching amütsan laang.

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

1 TIMOTHI 5:2

azoberübo ki berübo nangde, akheamrü aliberübo ki niurübo nangde, alala atsangkhitkhi ching rhimoang.

TITA 1:8

tüshe hanrü-mürührü, atsü muzhorü, nihbuh banthsangkhi, alungki, amüsüh, tüsho nihbuh danyukrü labeah;

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

TITA 2:2

Azobuhrü mihtsürü ki arümkheampü, mulong jihpü, kurhangpü, tüsho akin ching, amuzho ching, tüsho rünkhiungpü ching düküngpü thsangyuang.

TITA 2:7

Lüpdükhi ching atsü rhimode arü ki amütsan huhang. Nü thsangyukhi ching thiyuro mulong jihkhi

TITA 3:14

Atsütsü yihnüpü thsungkheak rungpü thsüde isa mihtsürübonü atsü rhimopü anikhitbeah; arünü alü mülakhi rhangdung mülabeah.

IBRI 11:2

Tümüde ha hode adüso mihtsürübonü Thrünpuhnü amülüjihkhi leangkhi.

IBRI 13:18

Isa thsungkheak tamkhüntamnüjang, tümüde lüpdükhi ching wüntre lade arhimopü mulongde isa lümkhi müsühlah de isanü mütsanlah.

JAKOB 1:27

Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.

JAKOB 3:17

Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 2:12

Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.

2 PETER 3:1

Amuzho müyamrübo, kheakü ha nüsa kilim I yo kihüm mahnepü ah. Inü ane chido nüsa lümkhi kurhangpü lümkhitloshihde thrütdo;

1 JOHAN 3:18

Azürübo, isanü thiyu yungsho asukachihkhi ching amuzho mülanü tüshe rhimo tüsho thiyuro ching laanü.

1 JOHAN 3:3

Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.

RUTH 3:11

Ruth, mulong düsansan, nünü amulongkhi nangde inü alala rhimobah, tümüde kiuto ching larü alalanü nü athülünkhi liberü ah de mükheahlah.