FILIPI 4:6 - AMÜSÜH HÜM CL Bible (BSI)

⁶ Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.

FILIPI 4:6 Iomraidhean Croise

1 KIULONG THSÜRÜ 8:28

Nü yamlarünü tamkhüntamnükhi tüsho zhoshekhi kheahyukjang, O Atungpuh I Thrünpuh, khihni nü yamlarünü azhikhi tüsho tamkhüntamnükhi sojang;

2 KIUTHSÜYUKHEAN 32:20

Judüki kiulongthsüpuh Hezekia tüsho Amoz tsührü wukihbuh Isaianü ha dünkheaknü tamkhüntamnü tüsho yinmi lim zhi.

MUNGSHIKHÜN 51:15

O Atungpuh , I münküp khimshuhjang, tüsho inü nü shibah.

MUNGSHIKHÜN 55:17

Arelim, yapsulim tüsho animuro inü tamkhüntamnübah, tüsho achangnü azhibah, tüsho apinü I düsheak sobah.

MUNGSHIKHÜN 55:22

Atungpuh kheak nü hahmülang zojang, tüsho apinü nü tsunglobah; apinü küyimkishe thiyuro-lungkirü matrütshih.

MUNGSHIKHÜN 62:8

Kim alala ching api kheak kinang, nüsa mihtsürübo; nüsa küpkhuk alala api ki thaang; Thrünpuh ju isa thsungkheak tsoyukpung.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 16:3

Nü rhimobo Atungpuh kilim shuhmülanga jihang, tüsho nü lümkhibo akuk ngübah.

KHÜNBOLUNGKHÜN 2:14

O I müthrithrümpü, lungto dükeak ching, ajikpung awung-düpheak ching, inü nü miro kheahanü, inü nü düsheak soanü; tümüde nü düsheak niunglah, tüsho nü miro tsülah.

JEREMIA 32:16

Inü shothsühüm Neria tsührü Baruk kilim jihshu, inü Atungpuh ki tamkhüntamnü:

JEREMIA 33:3

I ki jiang tüsho inü nü ki alobah, tüsho nünü mümükheahkhi ato tüsho aramyu nü ki thabah.

DANIEL 3:16

Shadrak, Meshak tüsho Abednego arünü kiulongthsüpuh ki alo, “ O Nebukednezar, hadürü ching nü miki isanü alopü yihnüpü müla.

DANIEL 6:10

Mütsan-hüm kheak ju dokihdo de Danielnü mükheahkheah she, apinü mutuklode api yam ching yü, küpü Jirusalem limpeang akube khiungshak ching ayinripitbo lakhea, tüsho apinü püpüki rhimokhi nangde api Thrünpuh ki tamkhüntamnüde api shijihpü nimung chingnü mahsam ki khukning.

MATHI 10:19

Tüshe arünü nüsa ramchoki nüsanü küde athaba yungsho tümü thaba de mulong düsansan. Tümütüsho nüsanü tümü thabeanü ju kim ching nüsa kilim jihbah;

MATHI 13:22

Ayangrung ching hiukhi ju, shepünü thiyu sobah alomi mulong sansan tüsho lakhit asühkhinü thiyu ju khüpsahshihcho, tüsho aso masochonü api ah.

MATHI 6:34

Jumonü shido thsungkheak mulong düsansan, tümüde shidonü shido thsungkheak mulong sansanbah. Nimung aban küpkhuk suhde lah.

MATHI 6:8

Arü nangde düla, tümüde nüsanü api ki mükheangyide nüsa yihnüpü lakhi nüsa Abuhnü mükheahlah.

LUKNÜ ATHRÜTKHI THIYUSHEAK-ATSÜ HUHTANYU 10:41

Tüsho Jisunü alibe ki alo, “Martha, Martha, rhimo hihkhi dünkheaknü nü mulong kipathsükdo tüsho küpkhukdo;

LUKNÜ ATHRÜTKHI THIYUSHEAK-ATSÜ HUHTANYU 12:22

Tüsho apinü ajingyanrübo ki tha, “Jumonü inü nüsa ki thachoh, nüsa rhangdung thsungkheak tümü tsühba yungsho nüsa pang thsungkheak tümü phuyuba de mulong düsansan.

LUKNÜ ATHRÜTKHI THIYUSHEAK-ATSÜ HUHTANYU 12:29

Jumonü nüsanü tümü tsühba tüsho tümü yungba de mulong düsansan.

LUKNÜ ATHRÜTKHI THIYUSHEAK-ATSÜ HUHTANYU 18:1

Judüki arünü kamruhroro tamkhüntamnüpü tüsho mulong müninipü thsangyude api jingyanrübo ki Jisunü shihdanglimyu tha.

LUKNÜ ATHRÜTKHI THIYUSHEAK-ATSÜ HUHTANYU 18:7

Thrünpuhnü apinü amokhitkhi animung tüsho are api ki zhirü mahmükhapjihba de? Apinü arü ki aruhba de?

1 KORINT 7:21

Ajichoki nü azhorü lakhea de? Masühde düla. Tüshe nü zuzu ngükhuka lasho, jude laang.

1 KORINT 7:32

Inü nüsa mulong sansan chingnü zuzu kamshihnelah. Yamkhün mükamkhi mihtsürünü künangde Atungpuh asühshihbanü de Atungpuh rhimo dünkheak mulong sansanchoh;

2 KORINT 1:11

Nüsanü she tamkhüntamnü hode isa rungbeah, junangde ahihkhühnü tamkhüntamnü alojihde isa ki müngühmühi mülüjihkhi thsungkheak isa thsung thsüde ahihkhühnü makshe jihbah.

EFISIA 5:20

isa Atungpuh Jisu Khrista mung chingnü lüpdükhi thsungkheak Abuh Thrünpuh kilim kamruhroro makshe jihang.

EFISIA 6:18

Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang.

KOLOSI 3:15

Tüsho nüsa pang khülang ching jikhi, Khrista mungtsünü nüsa mulongbo ching yakzan shuhshang. Tüsho makshe jihde laang.

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

KOLOSI 4:2

Makshe jihkhi ching kurhangde, müdüchingde tamkhüntamnüpü ching düküngang;

1 TIMOTHI 2:1

Akhuhbe ching inü atuthsukkhi ju mihtsürü alala thsungkheak mushukhi, tamkhüntamnükhi, amushujihkhi, tüsho makshe-jihkhi–

1 TIMOTHI 5:5

Alibe shepü atsütsü khimoberü la, tüsho langzü lanü, anihbenü Thrünpuh kheak mulonglam zoshang tüsho azhing ayin mutukzhakde mushude tamkhüntamnüshang;

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

1 PETER 5:7

Nüsa lümthsünübo alala api ki zojang, tümüde apinü nüsa kümchoh.

1 SAMUEL 1:15

Tüshe Hannanü alo, “Yung, I tungpuh, I sükde küpkhukkhi liberü ah; inü yukhu yungsho müshangmurube tümü muyung, tüshe Atungpuh miki I küpkhuk thade tamkhüntamnüde alakheah.

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.

1 SAMUEL 7:12

Judüki Samuelnü lung khülang lubah Mizpa tüsho Shen dükeak khim, tüsho ju Ebenezer de ji; tümüde apinü tha, “ Ha khiungde Atungpuhnü isa rungdo.”