FILIPI 4:5 - AMÜSÜH HÜM CL Bible (BSI)

⁵ Nüsa arümkheamachihkhi alalanü mükheahshang. Atungpuh thüninde lah.

FILIPI 4:5 Iomraidhean Croise

MATHI 6:25

“Jumonü inü nüsa ki thachoh, nüsa tümü tsühba yungsho tümü yungba (yungsho nüsa pang kheak tümü phuyuba) de nüsa rhangdung thsungkheak mulong düsansan. Rhangdung ju tsühyungbe kheaknü adungtobe tüsho pang ju khimmih kheaknü adungtobe yung de?

MATHI 6:34

Jumonü shido thsungkheak mulong düsansan, tümüde shidonü shido thsungkheak mulong sansanbah. Nimung aban küpkhuk suhde lah.

LUKNÜ ATHRÜTKHI THIYUSHEAK-ATSÜ HUHTANYU 21:34

“Tüshe nüsa kurhangang, jude yungsho aniojikhi, müshangmuru, ha rhangdung mulong sansannü nüsa mulong mülangrüpdo alabah, tüsho ju nimung nüsa phuhpü müthsübitde arübah.

1 KORINT 16:22

Khürü Atungpuh thsungkheak amuzho mülasho, api muthrumüneanshang. O Atungpuh, arang!

1 KORINT 6:7

Dükde amütsankhi ju nüsa bolung atsangachih lakhinü amukuk kamabahdo. Tümü thsükhi amülimpü müthsü le? Tümü thsükhi mülapyukkhipü müthsü le?

1 KORINT 8:13

Jumonü tsühyungbe ju I keoniorü angakshihbe a sho, inü küyimkishe mütsüh, jude yungsho inü I keoniorü angakshihbah.

1 KORINT 9:25

Jukthülahrü abannü zangrü danyukkhi chingnü ahorichoh. Arü ju adükheakbe kuthran ngüpü rhimochoh, tüshe isa a müdükheakbe lah.

2 KORINT 10:1

I Paulnü, Khrista amuzho tüsho azhihayih hode nüsa ki mushuchoh–nüsa ki a I azhihayihdo, tüshe nüsa kheaknü atrütsho müküplah!

2 TESALONIKA 2:2

müchityu yungsho thiyusheak, yungsho isa kilimnü kihüm thsüa la, Atungpuh nimung arüdo de athakhi hode nüsa nahde mulong dajan yungsho arhungangüm mülabeah.

TITA 3:2

she dün amütsü masukpü, mungtsü tüsho müyamrü thsüpü tüsho alala ki thiyuro azhihayih huhpü arü ki lümkhitshang.

IBRI 10:25

khürünü susu thsüde alakhi nangde isanü rukhüh mukhungpü mutuklonü, tüshe Atungpuh nimung thüninde arükhi nüsanü ngülale khülangnü khülang tuthsukachihanü.

IBRI 10:37

Amüsühyunü thachoh, “Tümütüsho anükhühkheak labah, shepü arüde lanü mashude arübah;

1 PETER 1:11

Khrista thsünüpü tüsho jushu müretah lapü müchitchoki, arü kheak lakhi Khrista Menü ahuhkhi yande küdürü mihtsürü yungsho tümü kim labaki de arünü yimakheah.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

AMIKHEAKAKHIUKKHI 22:20

Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu!

AMIKHEAKAKHIUKKHI 22:7

Tüsho kheahang, I nahde arüchoh.” Shepünü ha hüm müchitkhi yubo zochonü müngühmühi.