FILIPI 4:3 - AMÜSÜH HÜM CL Bible (BSI)

³ Tüsho harü liberübo rungpü nüsa rukhüh rhimorü ki she inü keokhichoh, tümüde arünü Klement tüsho rhangdung hüm ching mungbo thrüta lakhi püpürü I lung rukhüh rhimorü lung thiyusheak-atsü ching banthsangde rhimodo.

FILIPI 4:3 Iomraidhean Croise

MUNGSHIKHÜN 69:28

Arübo rhangdung hüm chingnü nankhita bahshang tüsho thiyuro-lungkirü lung düthrütshih.

ABEKHIT 32:32

Kheakü muzhobah arü neak bahjang; jude yungsho, nünü athrütkhi hüm chingnü I nankhita bahang.”

ISAIA 4:3

Sherübo Zion ching tukloa la tüsho Jirusalem ching rhangdung thsungkheak thrütyukbah lanü amüsüh de ajibah.

EZEKIEL 13:9

Arükchih michihbo ngürü tüsho akeangyu müchitrü wukihrübo kheak I khahnü azhihbah. Arübo I mihtsürü kiuthsü-binkiu lung mübe yungsho Israel yamkhün thrütlangkhi ching mübe, yungsho Israel lomi ching müyüzah. Judüki I Wuto Atungpuh de nüsanü mükheahbah.

DANIEL 12:1

“Ju kim ching nü mihtsürü kümrü, yunirü ato Maikel asürübah. Trükshihbo lakhi kim ching küyimkishe mülakhi thsünü kim khülang labah. Tüshe ju kim ching nü mihtsürübo Thrünpuh hüm ching thrüta larü khümkhitbah.

LUKNÜ ATHRÜTKHI THIYUSHEAK-ATSÜ HUHTANYU 10:20

Judüalalashe mebonü nüsa ki anikhi dünkheaknü dasühachih, tüshe yinmi ching nüsa mungbo thrütkhi dünkheaknü asühachihang.”

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

ROMRÜ KILIM PAULNÜ ATHRÜTKHI KIHÜM HUHTANYU 16:12

Atungpuh rhimo ching larü Tryphaena tüsho Tryphosa ki salüm jihang, Atungpuh lung mürangde arhimokhi amuzho Persis ki salüm jihang.

ROMRÜ KILIM PAULNÜ ATHRÜTKHI KIHÜM HUHTANYU 16:9

Khrista ching isa rukhüh rhimorü Urbana, tüsho inü muzhokhi Staki ki salüm jihang.

FILIPI 1:12

Keoniorübo, nüsanü mükheahshihnekhi ju, I ki tümü dünjikheanü atsütsü thiyusheak-atsü khin tsahshihdo,

FILIPI 1:16

Ashubuh junü I thiyusheak-atsü chilopü ha ching zojihlah de mükheahbah amuzhonü rhimochoh;

FILIPI 1:27

Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah.

FILIPI 1:5

akhuhbe nimungnü khihni khiungde nüsanü thiyusheak-atsü ching rungachihkhi thsungkheak makshe jihchoh.

FILIPI 1:7

Inü nüsa alala thsungkheak lümpü alungki lah, tümütüsho inü nüsa I mulong ching hanlah, tümüde I rihyam ching lachoki tüsho thiyusheak-atsü chilopü le mütsanmükhipü ching I lung nüsa alala amüthsüm shihcham lurü ah.

FILIPI 4:2

Inü Euodia tüsho Syntake ki keoniorü nangde Atungpuh lung arihang de mushuchoh.

KOLOSI 1:7

nüsa thsung thsüde thiyuro lakhi Khrista tankihrü isanü amuzhokhi yamlarü Epaphra kheaknü nüsanü asokhi nangde,

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 17:8

Khülangki nünü angükhi shiwüh ju, kheaküa jude müla, tüsho alokhünbit chingnü akhiukbah anihbuh dükheakpung ching yübah. Alomi ching larübo alomiküp thrünbah rhangdung hüm ching mung thrüta mülarünü shiwüh ngüchoki amüyinsahbah, tümütüsho api khülangki lakhi, kheaküa jude müla, tüshe arülobah.

AMIKHEAKAKHIUKKHI 20:12

Tüsho inü asherü, ato tüsho anini, kiulongthsü-binkiu miki zhipde ngü, tüsho hümbo khimshuh-a lakheah. Hüm püpü, rhangdung hüm she khimshuh-a lakheah. Tüsho arünü arhimokhi yande hüm ching thrüta lakhinü asherübo mahkhap.

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.

AMIKHEAKAKHIUKKHI 3:5

Shepünü akuk ngüchonü arü nangde amüye yihbah. Inü küyimkishe rhangdung hüm chingnü api mung nankhita mübah, tüshe I Buh tüsho api yunirübo miki inü api mung khipkhitbah.