FILIPI 3:9 - AMÜSÜH HÜM CL Bible (BSI)

⁹ tüsho yakzan yande I küdahnü thiyuro-lungki kamkhi yung tüshe Khrista ching akin hode akin kheak ningkihkhi Thrünpuh kilimnü arükhi thiyuro-lungkinü I api kheak ngübah;

FILIPI 3:9 Iomraidhean Croise

THRÜNTAN 7:23

Junangde apinü alomi kheak rhangdung lakhi alala: mihtsürü tüsho shiwühbo, abüde atsahbe tüsho thüning wuhnu dükheakshih. Noa tüsho api lung sangkung ching larü lang aninga lakheah.

1 KIULONG THSÜRÜ 8:46

“Arünü nü azhihde neak yihbeaksho–tümüde neak müyihbeakrü sheshe müla–tüsho arü kheak nü bukakhiukde thiriri kilim jihba, junangde arübo aramrü thsüde thiriri lomi ching limshu yungsho aphüni ching hande tsosho;

2 KIUTHSÜYUKHEAN 32:25

Tüshe Hezekianü anihbuh kheak yihnüpü rhimokhi yande malo, tümüde api mulong kükheangde alakheah. Jumonü bukakhiukkhi api le Juda tüsho Jirusalem kheak arü.

2 KIUTHSÜYUKHEAN 32:31

Kheaküshe, Babilonrü limburü, lomi ching amütsan rhimokhi dünkheak keokhikeorashihpü arünü athiyikhi she, api mulong ching lakhi alala apinü mükheahpü thsüde rükakiakheahpü Thrünpuhnü api kheaknü akhin.

MUNGSHIKHÜN 14:3

Arü alala tsophülapdo, arü alala rukhüh athsümünim lah; atsü rhimorü khülang she müla.

MUNGSHIKHÜN 143:2

Nü yamlarü kheak mahkhappü ching düyüzah, tümüde nü miki rhangdung lakhi sheshe thiyuro-lungki müla.

MUNGSHIKHÜN 19:12

Tüshe shenü nihbuh mülimkhi ngükhitkhukla? Rama lakhi alakmihkhibo chingnü I müsühjang.

T H S AN GYU T H S AN GR ARÜ 7:20

Tsükjide shahde neak müyihbeakde atsü rhimopü alomi kheak khide thiyuro larü müla.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

JEREMIA 23:6

Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “Atungpuh ju isa thiyuro-lungki.”

JEREMIA 33:16

Ju nimungbo ching Juda khümkhitbah tüsho Jirusalem sühakhim ching labah. Tüsho arünü tamde ajipü mung ha: “Atungpuh ju isa thiyuro-lungki.”

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

MATHI 9:13

Yüang tüsho ha amütsan anikhitang: Inü mihmüthsüm lunelah, tüsho laksah-a kingaünkhi yung. Tümütüsho amüsührü yungde amüneanrü jipü I arükheah.”

ROMRÜ KILIM PAULNÜ ATHRÜTKHI KIHÜM HUHTANYU 1:17

Tümüde ju ching Thrünpuh thiyuro-lungki ju akin chingnü akin hode akhiuka lah; ha thrüta lah, “Shepü thiyurolungkianü akin hode arhang alabah.”

ROMRÜ KILIM PAULNÜ ATHRÜTKHI KIHÜM HUHTANYU 10:10

Tümüde mihtsürünü api mulongnü kinchoh, junangde alim mütsando tüsho api münküpnü alokhichoh tüsho api khümkhit.

ROMRÜ KILIM PAULNÜ ATHRÜTKHI KIHÜM HUHTANYU 16:7

I keoniorü tüsho rukhüh aramrübo Andronika tüsho Junia ki salüm jihang; ane ju amüsüh-thsangyurü bolung amükheahkhi tüsho I müngüh Khrista ching lakheah.

ROMRÜ KILIM PAULNÜ ATHRÜTKHI KIHÜM HUHTANYU 5:21

junangde neaknü ashekhi ching yakzan shuhkhi ruk, isa Atungpuh Jisu Khrista hode mihmüthsümnü lün rhangdung lim thiyuro-lungki yande yakzan shuhbah.

ROMRÜ KILIM PAULNÜ ATHRÜTKHI KIHÜM HUHTANYU 8:1

Jumonü kheaküa Jisu Khrista ching larü thsungkheak abahyukkhi müla.

ROMRÜ KILIM PAULNÜ ATHRÜTKHI KIHÜM HUHTANYU 8:3

Tümüde mihnü yiuhyiuhde akamshihkhi hode yakzannü müthsükhukkhi, neak kingaün jihpü neak larü nangde api tsührü thiyide, neak bahyukpü Thrünpuhnü rhimo,

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

2 KORINT 5:17

Jumonü khürü Khrista ching lasho, api aso thrünlokhi ah; awünbe hode tsodo, kheahang, aso arüdo.

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

GALATIA 2:16

yakzan yande arhimokhinü mihtsürü khülang ju alim mükamshih, tüshe Jisu Khrista kheak kinkhi hode ah de mükheahlah. Jumonü isa she Khrista kheak kinkhi hode alim kampü thsüde Jisu Khrista kheak kinchoh, tüsho yakzan rhimokhinü yung, tümütüsho yakzan rhimokhinü sheshe alim mükamshih.

YUZÜNGTHALO 27:26

“‘Shepünü ha yakzan tüsho thsangyukhibo manibanü muthrumünean thsang.’ Tüsho mihtsürü alalanü athabah, “Amen!”

FILIPI 3:6

mulong sümsüm yandüa borü thsümüchirü; thiyuro-lungki yandüa yakzan bukkhüp amudopü müla.

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

TITA 3:5

isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit,

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

JAKOB 3:2

Tümüde isa alalanü hihde lakmihchoh, tüsho mihtsürü khülang apinü athakhi ching mülakmihsho api athülünkhi mihtsürü, pang she abümnü adanyukpü kukkhi lah.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

1 JOHAN 3:4

Neak yihbeakrü abannü yakzan thsümünimkhi amülim lah; neak ju yakzan thsümünimkhi ah.