FILIPI 3:21 - AMÜSÜH HÜM CL Bible (BSI)

²¹ Apinü anihbuh yakzan bukkhüp lüpdükhi hande arükhukkhi wu hode isa reangmüzahkhi pang müthrijihbah tüsho müretahkhi api pang nangde akamshihbah.

FILIPI 3:21 Iomraidhean Croise

KHÜNBOLUNGKHÜN 1:11

Isanü nü khilim shotoyinchinü amükhipbe thsübah suna nüpübo thsüjihbah.

ISAIA 25:8

Judüki Atungpuh Thrünpuhnü alala miro kheaknü chike nanjihbah, tüsho api mihtsürü masühkhi alomi alala chingnü lude atsobah, tümüde Atungpuhnü asukdo.

ISAIA 26:19

Isa mihtsürü shea larü arhang kamlobah, arü mibo asürübah. O asungthulung ching larübo, asürang tüsho asühachihkhi khün thsang! Tümüde nü yo ayinke ju yapsu ayinke nangde lah, tüsho alominü shea larü yankhitbah.

HOSEA 13:14

Inü arü Ashe-lomi ching rhokhitba de? Inü arü Ashe chingnü rhokhitba de? O Ashe, nü arüm-tukthsübo küching la? O Ashe-lomi, nü athsümünim küching la? I mük kinü amuzho jika lah.

MATHI 17:2

Ju ching arü miki api jak müthriabah. Api miro ju ani nangde tah, tüsho api khimmihbo ayinatrüm nangde yinde kam.

MATHI 22:29

Jisunü arü ki alo, “Nüsanü amüsühyu yungsho Thrünpuh wu mümükheahde lakmihdo.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

ROMRÜ KILIM PAULNÜ ATHRÜTKHI KIHÜM HUHTANYU 8:29

Sherü Thrünpuhnü mokhita lanü, api tsührü nangde akampü büthsüde zochoh, junangde keoniorü ahihdo bolung api tsührü ju akhuhbuh thsübah.

KOLOSI 3:4

Küyimki isa rhangdung lakhi, Khrista akhiukbanü, nü she müretahkhi ching api lung akhiukbah.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

AMIKHEAKAKHIUKKHI 1:8

Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”