FILIPI 3:20 - AMÜSÜH HÜM CL Bible (BSI)

²⁰ Tüshe isa mihkhung jua yinmi ching lah, tüsho ju chingnü isanü akhümkhitrü, Atungpuh Jisu Khrista aleangchoh.

FILIPI 3:20 Iomraidhean Croise

MUNGSHIKHÜN 16:11

Nünü I ki rhangdung limro huhbah; nü lakhi ching khiukde asühachih lah; nü khah tsülimpeang lünnü reangkeampü lah.

MUNGSHIKHÜN 17:15

I thsungkheak a, inü nü miro thiyuro-lungki ching ngübah; küyimki I asürübanü nü jak ngükhi hode I reangkeambah.

MÜCHITMUDU 15:24

Lümlung larü mihtsürünü ashepü limro lim yungde rhangdung limro lim bede awutukhi ching tsahchoh.

MATHI 19:21

Jisunü api ki alo, “Nünü banthsangde kamnesho, yüang, nü yamalobo yinbah zhochihrü kilim jihang, tüsho yinmi ching nü rahpung labah; tüsho arang, I dunglim yanang.”

LUKNÜ ATHRÜTKHI THIYUSHEAK-ATSÜ HUHTANYU 12:21

Jumonü shepünü nihbuh thsungkheak lakhit zomukhungchonü, Thrünpuh kilim alarü yung.”

LUKNÜ ATHRÜTKHI THIYUSHEAK-ATSÜ HUHTANYU 14:14

Tüsho nü müngühmühi labah, tümütüsho arünü nü müshaklokhuk; tümüde thiyuro-lungkirü arhang kamlochoki nü shaklobah.”

YUNIRÜBO RHIMO 1:11

tüsho tha, “Galilee mihtsürübo, tümüde nüsanü thüning lim kheahde zhipla? Shepü nüsa mikinü thüning lim bekihkheanü, nüsanü Jisu yinmi ching yüde angükhi nangde, api junangde arübah.”

1 KORINT 1:7

junangde isa Atungpuh Jisu Khrista amikheak akhiukpü nüsanü aleangkhi ching me thsambah tümü ching she nüsa muzholüm;

1 KORINT 15:48

Asungthulung mihtsürü lakhi nangde, sherü asungthulung yoanü ju ruk ah; tüsho yinmi mihtsürü lakhi nangde, sherü yinmi yoanü ju ruk ah.

2 KORINT 4:18

Tümütüsho isanü ngüde alakhi kukruk yung, tüshe amüngükhi kukrukbo kheak kheahchoh; tümüde ngüde alakhibo anükhühkheak labah, tüshe tümü müngünü lünnü alabah.

2 KORINT 5:8

Isa mulong tode lah, tüsho isanü pang kheaknü chamkhibah Atungpuh lung thüyam ching lapü mulonglah.

GALATIA 4:26

Tüshe Jirusalem akube zuzu lah, tüsho alibe ju isa abe ah.

EFISIA 2:19

Jumonü kheaküa nüsa hanrübo tüsho tsotsahrübo yung tüshe amüsührübo tüsho Thrünpuh yamkhünbo lung rukhüh mihkhung,

EFISIA 2:6

tüsho api lung isa asürüshih, tüsho Jisu Khrista lung yinmi kiulongthsübo ching binshih,

FILIPI 1:10

junangde tümü atsübeanü nüsanü mütsankhitbah tüsho tsangkhitde Khrista nimung khiungde areak mükihde,

FILIPI 1:27

Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah.

KOLOSI 1:5

thiyuro thiyusheak-atsü yu ching nüsanü akhuhlim sokhi yinmi ching nüsa thsungkheak zojihkhi mulonglam dünkheaknü,

1 TESALONIKA 1:10

tüsho apinü ashe chingnü arhang kamloshihkhi, bukakhiuk arüpü chingnü isa bekhitpü lakhi Jisu, api tsührü yinmi chingnü arükhi aleangpü arü küdahnü isa ki thiyusheak jihchoh.

1 TESALONIKA 4:16

Tümütüsho Atungpuh ju thiyukhüm jihkhi zhide, yunirü-atobuh düsheak thsüde, tüsho Thrünpuh yo hulipungpung mütde yinmi chingnü akibah. Tüsho Khrista ching shea larü akhuhde asürübah;

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.