FILIPI 3:2 - AMÜSÜH HÜM CL Bible (BSI)

² Khihnubo, amütsü rhimorü, shih thsümünimrü aheangang.

FILIPI 3:2 Iomraidhean Croise

MUNGSHIKHÜN 119:115

I kheaknü chamkhiang, nüsa amütsü rhimorübo, tümüde inü I Thrünpuh yukhüm zobah!

MUNGSHIKHÜN 22:16

Khihnubonü I mükamdoa lah; mihbukmuyuk botonü I sündoa lah. Arünü I khahbo le I jingbo chinkhitshih.

MUNGSHIKHÜN 22:20

I rhangdung nukshang chingnü, I shoto rhangdung khihnu wu chingnü bekhitang.

MÜCHITMUDU 26:11

Khihnunü nihbuhnü amülümkhi lim rholokhi nangde makharünü nihbuh makhakhi rhimolochoh.

MATHI 24:10

Tüsho judüki ahihkhühnü akin ching tuklobah, khülangnü khülang thsungyukachihbah tüsho thraneanachihbah.

MATHI 7:15

“Arükchih wukihrübo dünkheak kümkangang; arünü namfimihnu küp yihbah nüsa kilim arüchoh tüshe alung ching a arübo ju amütsü rimrebo ah.

MATHI 7:6

“Tümü amüsühanü khihnubo kilim düjih; yungsho nü yo sünsobo kheaknu miki düzojih, jude thsüsho arünü jurü arü jing khüp jungbah tüsho rholobah nü adütre kamde ayihthünakbah.

ROMRÜ KILIM PAULNÜ ATHRÜTKHI KIHÜM HUHTANYU 2:28

Mihtsürü ju amikheak lang a sho, yungsho amikheak shih tsütabahkhi lang a sho Jihudarü yung.

2 KORINT 11:13

Tümüde hadürü mihtsürübo ju arükchih amüsüh-thsangyurübo, mülapyukrübo, Khrista yo amüsühthsangyurübo de müthria huhchoh.

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

GALATIA 5:15

Tüshe nüsanü nguhachihde tüsho tsühachihsho, khülangnü khülang mütsühkhamachihpü thsüde kümkangang.

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

1 TIMOTHI 1:19

akin düküngang tüsho lümkhi müsühde zoang. Mihtsürü khürünü lümkhi bahyukkhinü arü akin thsümünimdo.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

2 PETER 2:22

Thiyuro müchitmudu yande arü kheak dünjido: “Khihnunü apinü amülümkhi lim rholode yüchoh,” tüsho, “Kheaknu dretonü kemüyihbah akhimniuhniuh ching awuhpung lim alode yüchoh.”

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

AMIKHEAKAKHIUKKHI 2:9

Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.