FILIPI 3:19 - AMÜSÜH HÜM CL Bible (BSI)

¹⁹ Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

FILIPI 3:19 Iomraidhean Croise

MUNGSHIKHÜN 17:14

O, Atungpuh , hadürü mihtsürü ha rhangdung ching shihcham larü, jika lakhi nü lakhitnü bukthsüshihkhi khah chingnü I khümkhitang. Arü tsührübo kheak arü reangkeamchoh, tüsho arünü arü tsührübo khilim lakhit thsakhama zochoh.

MUNGSHIKHÜN 52:1

O wuto mihtsürü, tümüde amütsü thsungkheak nü kükheangcho? Thrünpuh tsükhi lünnü lah.

JEREMIA 44:17

Ju müthri, isa le isa jipürübo, isa kiulongthsürübo tüsho atorübonü Juda kiutobo tüsho Jirusalem kiudunglimrobo ching rhimokhi nangde, yinmi kiulongthsübe ki rhümthüneabe kingaünde tüsho anihbe ki yukhu bukkihde lüpdükhi isanü athakhi rhimobah. Junangde isa tsühyungpü suhde, tüsho lalim tsüde alakheah, tüsho kuhi amütsü tümü müngü.

EZEKIEL 13:19

Barli müyikhüh tüsho yikhap dütrekhüh dün nüsanü I mihtsürü bolung I müneanjihdo. I mihtsürü ki akeangyu thaa anishihde, nüsanü müshepü larü laksahdo tüsho mülapü larü lashihdo.

EZEKIEL 34:3

Nüsanü amüdang tsühchoh, nüsanü shihnamkhim phuyuchoh, nüsanü ashih kihkhi laksahchoh; tüshe nüsanü namfimihnu müyimkip.

HOSEA 4:7

Arü küdükhüh hihde akamkhea, judükhüh arünü I azhihde neak yihbeakdo; jumonü inü arü müretah achihbe ching müthrijihbah.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

MIKA 3:5

Atungpuhnü I mihtsürü bephülaprü wukihrübo dünkheak ha thachoh, sherünü tümükhüh atsühpü lachoki “Mungtsü” zhicho, tüshe sherünü arü mün ching tümü muyukjihnü arü azhihde thirithsü thakhitjihchoh.

MALAKI 1:12

Tüshe nüsanü Atungpuh dükhüm müneana lah tüsho ha tsühyungbe mükhemükimkhi ah de thade nüsanü ju müneanjihchoh.

MATHI 16:23

Tüshe apinü rholobah Peter ki tha, “I dunglim yüang, Arimri! Nü a I ki jingmükhelung ah; nü lüm ching lakhibo ju Thrünpuh kilimnü yung, tüshe mihtsürü kilimnü lah.”

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

LUKNÜ ATHRÜTKHI THIYUSHEAK-ATSÜ HUHTANYU 12:19

Tüsho inü I me ki thabah, “Me, nünü kam ahihdo thsungkheak kukruk hihde zolah; nü zuzu thsang; tsühang, yungang tüsho asühang.” ‘

LUKNÜ ATHRÜTKHI THIYUSHEAK-ATSÜ HUHTANYU 16:19

“Alarü mihtsürü khülang mürümmuchu khim tüsho atsüdak khimzhingzhing phuyubah nimung aban müthangmüsün ching lakheah.

LUKNÜ ATHRÜTKHI THIYUSHEAK-ATSÜ HUHTANYU 18:4

Apinü anükhüh kheak jude müthsü; tüshe anükhüh labah apinü aküdah thsüde tha, ‘Inü Thrünpuh mütre yungsho mihtsürü ki akinashu müjih-a lalashe,

ROMRÜ KILIM PAULNÜ ATHRÜTKHI KIHÜM HUHTANYU 16:18

Tümüde hadürü mihtsürübonü isa Atungpuh Khrista mütankihchoh, tüshe arü buk thsungkheak ah, tüsho arü yu atsü tüsho atsankhinü amülim mülarü mihtsürü mulongbo thsungyukchoh.

ROMRÜ KILIM PAULNÜ ATHRÜTKHI KIHÜM HUHTANYU 6:21

Dale tüsho kheakü nüsanü achihde alakhi rhimokhi chingnü nüsa tümü alü thsüde? Jurübo akheam ju ashekhi lah.

1 KORINT 3:3

tümüde nüsa kheakü khiungde shih kilim lah. Tümütüsho nüsa bolung mükthsü tüsho rukachih lachoki, nüsa shih kilim yung de tüsho mihtsürü yancho nangde yakli huhchoh yung de?

1 KORINT 5:2

Tüsho nüsa kükheanglah. Nüsanü ju müthri tüzhobe yung de? Nüsa bolung shepünü ha rhimokheanü yihkhita bahang.

1 KORINT 5:6

Nüsa kükheangkhi ju atsü yung. Phaüm anikhühnü yikhap abümnü lamshihchoh de nüsanü mümükheah de?

2 KORINT 11:12

Arü kükheangküyang rhimo ching isa nangde rhimochoh de atharü zhipdopü inü tümü rhimochonü mutukzhakde arhimobah.

2 KORINT 11:15

Jumonü api yamlarübonü she thiyuro-lungki yamlarübo ah de müthria huhchoki ju jakso yung. Akheam ching arü rhimonü athülünkhi ngübah.

GALATIA 6:13

Tümütüsho tsütabahrünü she yakzan muzochoh tüshe nüsa shih ching arünü kükheangpü thsüde arünü nüsa tsütabahshihpü künlah.

FILIPI 2:21

Arü alalanü Jisu Khrista thsungkheak yungde arü nihbuh künkhi yimchoh.

KOLOSI 3:2

Alomi ching lakhi kukrukbo kheak yungde, akulim lakhi kukrukbo kheak nüsa lümkhibo zoang.

2 TESALONIKA 1:9

Arübo athsümünim tüsho Thrünpuh miki tüsho api wu müretah chingnü chamkhia bahkhi thsünü labah,

2 TESALONIKA 2:12

junangde thiyuro mükinde amütsü rhimo ching asührü alala bahyukbah.

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

1 TIMOTHI 6:5

tüsho thiyuro mülade tüsho akinkhi ju alarü kampü limro ah de alümkhi mihtsürü dükeak atsangachih akhiukshihchoh;

2 TIMOTHI 3:4

rükmütsü, adüngakhi mülakhi, shilode alümrü, Thrünpuh muzhorü yungde shihkünkhi muzhorü,

JAKOB 4:16

Tüshe nüsanü kheakü kükheangde lülüshishichoh. Hadürü kükheangkhi alala amütsü ah.

2 PETER 2:1

Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah.

2 PETER 2:13

Arünü arhimokhi dün arü kilim athsümünimnü athrihlobah. Arü asüharapü lakhi ju arü pangnü akünkhi reangkeamshihpü animuro tümütümü she arhimopü lah.

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

JUDNÜ ATHRÜTKHI KIHÜM HUHTANYU 1:10

Tütüshe harü mihtsürübonü arünü manikhitkhi azhihde asukchoh; tüsho shiwüh lüm nangde arünü amükheahkhinü arü thsümünimchoh.

JUDNÜ ATHRÜTKHI KIHÜM HUHTANYU 1:16

Harübo ju jijineahneahrü tüsho mührü müdamrü, nihbuh amütsü künkhi yanchoh, thiyu-tode kükheangchoh, alü thsüpü mihtsürü thsungyukchoh.

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

AMIKHEAKAKHIUKKHI 18:7

Anihbenü müretah-a lukhi tüsho müthangmüsün ahorikhi nangde, alibe kilim ju ruk adüna thsümüchi tüsho tüzhopü jihang. Tümütüsho anihbe mulong ching alibenü thachoh, ‘I kiulongthsüberü thsüde binlah; I a khimoberü yung, I küyimkishe mütüzho,’

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

1 SAMUEL 2:29

Dale küde thsah inü thiyukhüm jihkhi laksah-a kingaünkhi tüsho jihchungkhibo kheak mükhütde kheahcho, tüsho I mihtsürü Israelrünü kingaünkhi atsüdakbe shihcham lude nüsa shih kihde I kheaknü nü tsührübo ki wüntre jihcho?’