FILIPI 3:17 - AMÜSÜH HÜM CL Bible (BSI)

¹⁷ Keoniorübo, I kheahkhiang, tüsho isanü nüsa kilim jihkhi yakli yande sherünü lachonü mütsanang.

FILIPI 3:17 Iomraidhean Croise

MUNGSHIKHÜN 37:37

Areak mükihkhi mihtsürü mütsanang, tüsho alungkirü kheahyukang; tümüde ju mihtsürü arübe kuhi mungtsü lah.

ROMRÜ KILIM PAULNÜ ATHRÜTKHI KIHÜM HUHTANYU 16:17

Keoniorübo, nüsa ki thsangyukhi akin-yakzan azhihde achamnak tüsho küpkhuk rhimorü mütsanpü nüsa ki tuthsukchoh; arü kheaknü chamkhiang.

1 KORINT 10:32

Jihudarü, Greekrü yungsho Thrünpuh borü sheshe jing dümükheshih–

1 KORINT 11:1

Inü Khrista kheahkhikhi nangde, I kheahkhiang.

1 KORINT 4:16

I kheahkhirü kamang de inü nüsa ki tuthsukchoh.

FILIPI 4:9

Nüsanü I kheaknü tümü anikhitde, leangkhide, sode tüsho ngüdünü rhimoang; tüsho Thrünpuh mungtsü nüsa lung labah.

1 TESALONIKA 1:6

Nüsa ju isa tüsho Atungpuh kheahkhirü kamdo, tümüde nüsa thsünü ching lachoki Amüsüh Menü asühshihde thiyusheak leangkhi;

2 TESALONIKA 3:14

Isanü ha kihüm ching thakhi anipü khürünü reanglosho, ju mihtsürü kheahyukang tüsho api achih ngüshihpü thsüde api ki tümü düthsü.

2 TESALONIKA 3:7

Künangde isa kheahkhibanü nüsa küdah thsüde mükheahlah; nüsa lung isa lachoki yomuhde alakhi yung,

2 TESALONIKA 3:9

Ju isa alim müla dükhinü yung, tüshe akheahkhishihpü isa rhimo ching nüsa kilim amütsan khülang jihpü thsükheah.

1 TIMOTHI 4:12

Nü athunuchoki shenü she mükhemükim düthsüshih, tüshe akinrübo ki thiyu thakhi, rhimokhi, amuzho, akin tüsho atsangkhitkhi ching amütsan laang.

IBRI 13:7

Nüsa ki Thrünpuh yu tharü nüsa limberübo lümkhitang; arü rhangdung ching akuk ngükhi lümakheahang, tüsho arü akin kheahkhiang.

1 PETER 5:3

nüsa bukkhüp zojihkhi junode yung, tüshe namfimihnu boto ki amütsan laang.