FILIPI 3:10 - AMÜSÜH HÜM CL Bible (BSI)

¹⁰ junangde inü api tüsho arhang kamlokhi wu mükheahbah tüsho api shekhi ching api ruk kamde thsünükhi ching shihcham lubah,

FILIPI 3:10 Iomraidhean Croise

JEREMIA 9:23

Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

MATHI 20:23

Apinü arü ki tha, “Nüsanü I pung chingnü ayungbah, tüshe I khah tsülim yungsho huzulim binpü a inü amülübe yung, tüshe harü ju I Buhnü athsakhamjihrü thsungkheak lah.”

JOHAN 10:18

Shenü she I kheaknü muluchoh, tüshe I küdahnü jihchoh. Jihabahpü I wu lah, tüsho ju lulopü I wu lah. Ha yukhüm I Buh kilimnü aleangkhikheah.”

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

ROMRÜ KILIM PAULNÜ ATHRÜTKHI KIHÜM HUHTANYU 8:17

tüsho isa ju tsührübo a sho, yamrüplurüp lurü ah–api müretahkhi ching isanü shihcham lupü thsüde isanü api thsünükhi shihcham lusho, Thrünpuh yamrüplurüp lurü tüsho Khrista lung rukhüh yamrüplurüp lurü thsübah.

ROMRÜ KILIM PAULNÜ ATHRÜTKHI KIHÜM HUHTANYU 8:29

Sherü Thrünpuhnü mokhita lanü, api tsührü nangde akampü büthsüde zochoh, junangde keoniorü ahihdo bolung api tsührü ju akhuhbuh thsübah.

ROMRÜ KILIM PAULNÜ ATHRÜTKHI KIHÜM HUHTANYU 8:36

Ha thrüta lah, “Nü dünkheaknü isa nimung amuyung laksah; isa ju alaksahpü lakhi namfimihnunu nangde khejih.”

2 KORINT 1:10

apinü ashepü akhito chingnü bekhit, tüsho isa bekhitchoh; isanü api kheak kinchoh junangde kheaküshe apinü isa bekhitchoh.

2 KORINT 1:5

Tümüde isanü Khrista thsünükhi ching suhdahde chamachihkhi nangde, Khrista hode isanü mulong shukheampü ching suhdahde chamachihchoh.

2 KORINT 13:4

Tümüde api sühmüh mülakhi ching yümkih, tüshe Thrünpuh wu hode lah. Tümüde isa api lung sühmüh müla, tüshe nüsa lung rhimokhi chingnü Thrünpuh wu hode isa api lung labah.

GALATIA 2:20

I Khrista lung yümkih tüsho kheaküa I müla, tüshe Khrista I kheak lah. Pang ching I rhangdung lakhi ju, I muzhobuh tüsho I thsungkheaknü api jihabahbuh Thrünpuh tsührü lung akin hode lah.

GALATIA 6:17

Kheakünü rünbah mihtsürü shenü she I küpkhuk düjihshih; tümüde inü I pang kheak Jisu yo areakbo hanlah.

EFISIA 4:13

isa alala akin arihako tüsho Thrünpuh tsührü mükheahkhi mukhiungyi khiungde, tüsho Khrista trungdung akekhitkhi ching mihzo mükamyi khiungde;

FILIPI 3:8

Jisu Khrista I Tungpuh de amükheahkhi ching khide athülün lakhinü inü lüpdükhi kukshahkhi khechoh. Tümüde api dünkheaknü alala kukshahkhi inü thsünü, tüsho jurü sünit khejihchoh, junangde inü Khrista alü thsübah

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

KOLOSI 2:13

Tüsho nüsa sherü neak tüsho shih tsütamübahkhi ching shea lakhea, Thrünpuhnü isa neakbo alala bahjihde api lung arhang lashih;

KOLOSI 3:1

Nü Khrista lung arhang kamlokheasho, Thrünpuh khah tsülim Khrista bina lapung, akulim kukrukbo yimang.

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

2 PETER 1:13

I ha pang ching la khiungdüa, inü nüsa ki lümkhitshihkhi ju dükdü ah de inü lümchoh,

1 JOHAN 2:3

Tüsho isanü api yuzüngbo zosho isanü api mükheahpü ha hode amütsanbah.

1 JOHAN 2:5

tüshe shepünü api yu zochonü, thiyuronü Thrünpuh muzhokhi banthsangde lah, ha hode isa api lung lah de amütsanbah:

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.