FILIPI 2:8 - AMÜSÜH HÜM CL Bible (BSI)

⁸ Tüsho mihtsürü shihphü nangde azhihayihde kambah ashepü ching, sangkim kheak shepü she mihyuani.

FILIPI 2:8 Iomraidhean Croise

MUNGSHIKHÜN 22:16

Khihnubonü I mükamdoa lah; mihbukmuyuk botonü I sündoa lah. Arünü I khahbo le I jingbo chinkhitshih.

MÜCHITMUDU 15:33

Atungpuh trekhinü lümlung thsangyuchoh, tüsho azhihayih ju wüntre müngüh arüchoh.

MATHI 17:2

Ju ching arü miki api jak müthriabah. Api miro ju ani nangde tah, tüsho api khimmihbo ayinatrüm nangde yinde kam.

MATHI 26:39

Apinü anükhüh limshude yübah amiro mükhüm tüsho tamkhüntamnüde tha, ‘O Abuh, kuksho ha pung I kheaknü luakhinjang; judüalalashe I lümkhi yung, tüshe nü lümkhi ah.’

MATHI 26:42

Apinü mahne kipü yülo tüsho tamkhüntamnüde tha, ‘O Abuh, inü muyungde ha pung luakhinbah mutsokhuksho, nü lümkhi thsang.’

LUKNÜ ATHRÜTKHI THIYUSHEAK-ATSÜ HUHTANYU 9:29

Tüsho api tamkhüntamnüde alachoki, miro müthriabah, tüsho api khimmihbo müyedo tüsho zhingzhing kam.

JOHAN 10:18

Shenü she I kheaknü muluchoh, tüshe I küdahnü jihchoh. Jihabahpü I wu lah, tüsho ju lulopü I wu lah. Ha yukhüm I Buh kilimnü aleangkhikheah.”

JOHAN 14:31

Tüshe inü I Buh muzholah de alominü amükheahpü, tüsho I Buhnü thiyuzüng jihkhi nangde inü rhimochoh. Asürang, isanü ha chingnü yüanü.

JOHAN 15:10

Nüsanü I yuzüng zosho, inü I Buh yuzüng zobah api amuzho ching lakhi nangde nüsanü I muzho ching labah.

JOHAN 4:34

Jisunü arü ki tha, “I tsühyungbe ju I thiyibuh lümkhi rhimopü, tüsho api rhimo banpü lah.

YUNIRÜBO RHIMO 8:33

Api junokhi ching anihbuh kheak thiyuro khenoabah. Shepünü api tsühsoniusobo thakhukba? Tümütüsho api rhangdung alomi chingnü bede yükihdo.”

ROMRÜ KILIM PAULNÜ ATHRÜTKHI KIHÜM HUHTANYU 5:19

Tümüde mihtsürü khülang mihyumanikhinü ahihdo aneakrü kamshih, junangde mihtsürü khülang mihyuanikhinü ahihdo thiyuro-lungki kamshihbah.

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

YUZÜNGTHALO 21:23

api mi ju sangdung kheak tsüngreroro düzo, tüshe nüsanü api ju ninü kiuyuka bahang, tümüde shepü zhindünü Thrünpuh muthrumüneankhi ah. Atungpuh nüsa Thrünpuhnü nüsa kilim yamrüplurüp jihkhi lo nüsanü mümüneanbeah.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

IBRI 12:4

Neak bede shochihkhi ching nüsanü thiyih bukpü khiungde mazhihyi.

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;