5 Nü yakli ju Khrista nangde alabeah:
I sangkap lubah nüsa kheak yihkihang tüsho I kheaknü anikhitang, tümüde I tsüyihrü tüsho mulong athünak, tüsho nüsa me sühakhim ngübah.
Shepü atobe a, dükhüm ki binbuh a shi ahiuhakhipbuh a? Dükhüm ki binbuh yung de? Tütüshe I a nüsa lung ahiuhakhipbuh nangde lah.
Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.
Inü arhimokhi alala ching, hanangde mürangde arhimokhinü reangmüzahrü isanü arungbeah de, ‘Aleangkhikhi kheaknü ajihkhi alü müngühmühi,’ de Jisunü athakhi lümkhitde nüsa ki huhdo.”
Nünü atsühkhinü nü keoniorü yurisho, kheaküa nü amuzho ching mütsahchoh. Nünü atsühkhi junü shepü dünkheak Khrista shekheanü api düyurishih.
Tümütüsho Khristanü nihbuh masühshih; tüshe amüsühyu ching thrütkhi nangde, “Nü mükhemükimkhibo I kheak keam.”
Adüküng tüsho tuthsukkhi Thrünpuhnü Jisu Khrista lung arihde khülangnü khülang arihakode alapü nüsa ki mülüshang,
lüpdükhi limro ching inü she mihbüm aban asühshihpü mürangchoh. Tümüde inü I tsüpü yung tüshe arübo khümkhitpü thsüde ahihdo tsüpü yimchoh.
Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.
Jisu Khrista yamlarü, Paul tüsho Timothi kilimnü, Filipi ching Jisu Khrista kheak kinrü, ju lung borü limberü tüsho tankihrübo kilim:
Tümüde nüsa ha ching jikheah, tümütüsho nüsanü api jingshu ching yanpü amütsan zojihde Khrista she nüsa dünkheaknü thsünü.
Tümütüsho isa dünkheaknü Khrista shih ching thsünüdü le, nüsa ju lümkhinü reangzahang, tümüde shepü shih ching thsünükheanü neak ching mübedebahdo,
Shepünü anihbuh api lung lah de thachonü apinü atsahkhi limro ching anihbuhnü atsahbeah.
