FILIPI 2:3 - AMÜSÜH HÜM CL Bible (BSI)

³ Yihnelune yungsho shilode tümü she düthsü, tüshe azhihayih chingnü nü kheaknü püpürü atsübe khejang.

FILIPI 2:3 Iomraidhean Croise

MÜCHITMUDU 13:10

Lülüshishikhinü rukachihpü lang akhiukshihchoh, tüshe tsüde thsangdankhi ju lümlung ah.

LUKNÜ ATHRÜTKHI THIYUSHEAK-ATSÜ HUHTANYU 18:14

Inü nüsa ki thachoh, ha buh mihtsürü ju püpürü kheaknü alimbe thsübah anihbuh yam ching yükido; tümüde shepünü küdah thsüde shuhkihchonü abobe kambah, tüsho shepünü küdah thsüde aninibe kamchonü ashuhkihbah.”

ROMRÜ KILIM PAULNÜ ATHRÜTKHI KIHÜM HUHTANYU 12:10

keoniorü amuzhonü khülangnü khülang muzhoachihang; khülangnü khülang wüntre jihang.

ROMRÜ KILIM PAULNÜ ATHRÜTKHI KIHÜM HUHTANYU 13:13

isanü animung lakhi nangde rhimoanü–kushimkhi yungsho amüshangkhi, müzammüram yungsho mümüsühkhi, rukachihkhi yungsho mükthsükhi yung.

ROMRÜ KILIM PAULNÜ ATHRÜTKHI KIHÜM HUHTANYU 2:8

Tüshe yihnelunerü tüsho thiyuro bahyukbah amütsü yimrü thsungkheak mulong zhipzhip tüsho bukakhiuk labah.

1 KORINT 15:9

Tümüde I a amüsüh-thsangyurü bolung aninibe, amüsüh-thsangyurü de ajipü müthülün, tümütüsho inü Thrünpuh borü thsümüchikheah.

1 KORINT 3:3

tümüde nüsa kheakü khiungde shih kilim lah. Tümütüsho nüsa bolung mükthsü tüsho rukachih lachoki, nüsa shih kilim yung de tüsho mihtsürü yancho nangde yakli huhchoh yung de?

2 KORINT 12:20

Tümüde küyimki I arübanü inü alümkhi nangde nüsa mülapü tüsho nüsanü alümkhi I mülapü inü trede lah; junangde rukachih, mükthsü, bukakhiuk, yihnelune, mülapmüji, dünthamungtha, mungshilokhi, tüsho ayingying lapü kuklah.

GALATIA 5:15

Tüshe nüsanü nguhachihde tüsho tsühachihsho, khülangnü khülang mütsühkhamachihpü thsüde kümkangang.

GALATIA 5:26

Isanü khülangnü khülang ki mükükheangnü, bukmakhiukshihnü yungsho mulungkhangnü.

EFISIA 4:2

azhihayihde tüsho tsüyihde, arümkheamde, amuzho ching khülangnü khülang arümkheamachihde,

EFISIA 5:21

Khrista ki wüntre jihkhi hode khülangnü khülang bukkhüp laang.

FILIPI 2:14

Matsangde yungsho mükeokhide lüpdükhi rhimoang,

KOLOSI 3:12

Thrünpuhnü mokhitkhi, amüsüh tüsho amuzhokhi a le, amuzho, tsüyihkhi, aninirü kamkhi, azhihayih tüsho arümkheam yihang,

KOLOSI 3:8

Tüshe kheakü alala chamkhia bahang: bukakhiuk, mulong zhipzhip, lungchihlunghean, dünthamungtha, nü mün chingnü makhamaleak thakhi.

1 TIMOTHI 6:4

api kükheanglah tüsho tümü mümükheah; api a alanaji lümkhi amütsü tüsho atsangachihpü künkhi lah, junü mükthsü, marüpachih, dünthamungtha, mulong rüngkhi,

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”