FILIPI 2:27 - AMÜSÜH HÜM CL Bible (BSI)

²⁷ Atsütsü api ashepü thsüde tukthsüde alakheah. Tüshe Thrünpuhnü api le I kheak mihmüthsüm huhdo, jude yungkhülaa I a mulong rozhaknü mulong rozhak lapü lakheah.

FILIPI 2:27 Iomraidhean Croise

2 KIULONG THSÜRÜ 20:1

Judüki nimung ching Hezekia tukthsü tüsho ashepü thsüde alakheah. Amoz tsührü wukihbuh Isaia api kilim arü tüsho tha, “Atungpuhnü ha thachoh: Nü yam tsüde tsanglunga zoang, tümüde nü ashebah, nü mungu.”

JOB HU H T ANYU 5:19

Apinü thsümütsü thuruk chingnü nü bekhitbah; thsümütsü thüne ching tümünü nü muqiu.

MUNGSHIKHÜN 34:19

Thiyuro-lungkirü küpkhuk hihde lah, tüshe Atungpuhnü jurü alala chingnü api bekhitchoh.

ISAIA 27:8

Yankhita bahde, ramtso hode nünü arü azhihde thirithsü; abukakhiukde apinü arü aniakhiuklim pung yünkhi nimung lahkhita bah.

ISAIA 38:17

Tsükjide ha I sühakhimpü thsungkheaknü I tode akhühkhi lado; tüshe athsümünimrü shingkung chingnü nünü I me bekhit, tümüde nünü I neak alala nü dunglim bahjih.

ISAIA 43:2

Küyimki nü ke hode yübanü, I nü lung labah; tüsho ayungbo hode yüchoki nü müzhido: küyimki nü mo tsahhobanü nü mütak tüsho motrunü nü maniu.

JEREMIA 10:24

I thsülangang, O Atungpuh , tüshe thiyuro akekhi chingnü; nü bukakhiukkhi ching yung, jude yungsho nünü I akeangkeang kamshihbah.

JEREMIA 45:3

Nünü tha, “ I are! Atungpuhnü I thsünükhi alü kamshihdo; I ashearakhinü khia lah tüsho sühakhim müngü.”

JEREMIA 8:18

I mulong rozhak müthsüngukhuk, I mulong ching sheshichoh.

HABAKKUK 3:2

Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

YUNIRÜBO RHIMO 9:37

Ju kim ching alibe tukthsü tüsho sheabah; alibe pang ju müsüh tüsho achangbe khiungshak ching yapshih.

1 KORINT 10:13

Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.

2 KORINT 2:7

Kheakü nüsanü rholobah api neak bahjang; tüsho api mulong shukheamang, jude yungsho api khide mulong rozhakbah.

FILIPI 2:26

tümüde apinü nüsa alala thsungkheak mürheangde lüm, tüsho nüsanü api tukthsülah de asokhi hode api lümthsünü.

FILIPI 2:28

Jumonü api thiyipü inü alü thsüde mulonglah, junangde nüsanü api ngülochoki asühachihbah tüsho I mulong sansan nükde alabah.

FILIPI 2:30

tümütüsho nüsanü mukukkhi, api rhangdung jihde I rungpü ching, Khrista rhimo thsungkheaknü api shemüchihdo.