FILIPI 2:26 - AMÜSÜH HÜM CL Bible (BSI)

²⁶ tümüde apinü nüsa alala thsungkheak mürheangde lüm, tüsho nüsanü api tukthsülah de asokhi hode api lümthsünü.

FILIPI 2:26 Iomraidhean Croise

2 SAMUEL 13:39

Tüsho kiulongthsüpuh mulong ching Absalom lümrhihde yüabah; tümüde kheaküa Amnon shekhi dünkheak api mulong shukheamabah.

2 SAMUEL 24:17

Küyimki Davidnü mihtsürü thsümünimde alakhi yunirü ju angükhea, apinü Atungpuh ki tha, “I langzünü neak yihbeakdo, tüsho I langzünü mihbukmuyuk rhimodo; tüshe harü namfimihnubonü tümü rhimoa la? Inü tamkhüntamnüchoh, nü khahnü I tüsho I buh yamkhün kheak azhihang.”

JOB HU H T ANYU 9:27

Inü thakhülaa, “Inü atsangkhi mihbah; I mulong tukthsükhi miro yinbah tüsho münemüzhibah.”

MUNGSHIKHÜN 69:20

Mükhemükimnü I mulong thsümünimdo, junangde I mulong dükheakkhi ching lah. Amuzho tüsho mulong shukheamrü inü kheah tüshe inü she müngü.

MÜCHITMUDU 12:25

Mulong sansankhinü lümthsünü kamshihchoh, tüshe thiyu atsünü ju asühshihchoh.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

MATHI 11:28

Nüsa rozhakrü tüsho hahmülang hanrübo alala I kilim arang, tüsho inü nüsa kilim sühakhim jihbah.

MATHI 26:37

Apinü anihbuh lung Peter tüsho Zebedee tsührü mahne bea lu tüsho mulong rozhakde sükde lümthsünüpü tankih.

YUNIRÜBO RHIMO 21:13

Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.”

ROMRÜ KILIM PAULNÜ ATHRÜTKHI KIHÜM HUHTANYU 1:11

Tümüde nüsa düküngshihpü thsüde me thsambah jihpü inü nüsa shorupü mulong duklah,

ROMRÜ KILIM PAULNÜ ATHRÜTKHI KIHÜM HUHTANYU 12:15

Asühachihrü lung asühachihang, atriprü lung tripang.

ROMRÜ KILIM PAULNÜ ATHRÜTKHI KIHÜM HUHTANYU 9:2

junangde I mulong ching mulong rozhak ato tüsho mükheamkhi thsünü lah.

1 KORINT 12:26

Achamnak khülang thsünüsho, alala rukhüh thsünüchoh; achamnak khülang wüntre jihsho, alala rukhüh asühachihchoh.

2 KORINT 9:14

Tüsho Thrünpuhnü nüsa kilim münchi hode amüthsüm jihkhinü, arünü sükde amuzho lade nüsa thsungkheak tamkhüntamnüjihbah.

GALATIA 6:2

Khülangnü khülang hahmülang hanrungachihang, tüsho junangde Khrista yakzan dünjishang.

EFISIA 3:13

Jumonü inü nüsa thsungkheak thsünükhi, nüsa müretah thsungkheak nüsa mulong müninipü inü nüsa ki mushuchoh.

FILIPI 1:3

Inü nüsa lümkhitkhi alala ching I Thrünpuh ki makshe jihchoh,

FILIPI 1:8

Tümüde Jisu Khrista amuzhonü inü künangde nüsa alala thsungkheak mulong dukchonü Thrünpuh ju I thiyumütsan lah.

FILIPI 2:25

I keoniorü rukhüh rhimorü tüsho rukhüh bonungrü, tüsho nüsa yunithsürü tüsho I yihnüpü ching tankihrü Epaphrodita nüsa kilim thiyipü yihnüpü lah de inü lüm,

FILIPI 2:27

Atsütsü api ashepü thsüde tukthsüde alakheah. Tüshe Thrünpuhnü api le I kheak mihmüthsüm huhdo, jude yungkhülaa I a mulong rozhaknü mulong rozhak lapü lakheah.

FILIPI 4:1

Jumonü inü muzhokhi tüsho lümrhihkhi, I asühkhi tüsho I kuthran, I keoniorü, inü muzhokhi müyamrübo Atungpuh lung düküngde zhipang.

1 PETER 1:6

Anükhüh labah rükaki aphuaphu ching nüsa thsünüpü laa lalashe, ha dünkheak nüsanü asühachihang,