FILIPI 2:21 - AMÜSÜH HÜM CL Bible (BSI)

²¹ Arü alalanü Jisu Khrista thsungkheak yungde arü nihbuh künkhi yimchoh.

FILIPI 2:21 Iomraidhean Croise

2 KIULONG THSÜRÜ 12:6

Tüshe kiulongthsüpuh Joash kam mukukheak mahsam thsüde amükeamrübonü thüyam masuhlo.

ISAIA 56:11

Arübo bukmükhüt yihnubo ah; arü küyimkishe suhdahdo de müla. Mihnu neakrübo she anikhitkhi müla; arü alala nihbuh limro ching arü nihbuh alü thsüpü, alala tsodo.

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

LUKNÜ ATHRÜTKHI THIYUSHEAK-ATSÜ HUHTANYU 14:26

“Khürünü I dunglim arübah abuh, abe, aniube, atsührübo, khiungmungrü le chiniurü, tüsho nihbuh rhangdung she müthraneansho, api I jingyanrü thsüpü müthülün.

YUNIRÜBO RHIMO 13:13

Paul tüsho api müyamrübo Paphos chingnü hantsahmusu tüsho Pamphylia ching lakhi Perga ching arü. Tüsho Johannü arü zojihbah Jirusalem lim alode yü;

YUNIRÜBO RHIMO 15:38

Tüshe shepü Pamphylia ching tuklobah arü lung rhimo ching müyükheanü Paulnü arü lung mübepü tsülah de lüm.

1 KORINT 10:24

Shenü she nihbuh tsüpü yung tüshe nihbuh yamhingrü tsüpü yimang.

1 KORINT 10:33

lüpdükhi limro ching inü she mihbüm aban asühshihpü mürangchoh. Tümüde inü I tsüpü yung tüshe arübo khümkhitpü thsüde ahihdo tsüpü yimchoh.

1 KORINT 13:5

amuzho ju kükheangküyang, mükhütmüra yungsho phümüsüpbe yung; amuzhonü amülim muzochoh;

2 KORINT 1:5

Tümüde isanü Khrista thsünükhi ching suhdahde chamachihkhi nangde, Khrista hode isanü mulong shukheampü ching suhdahde chamachihchoh.

FILIPI 2:4

Nüsa mihbüm abannü nihbuhnü amulongkhi lang dükheah, tüshe püpürünü amulongkhi she kheahang.

2 TIMOTHI 1:15

Asia ching larü alala I kheaknü rholode tsoabahdo de nünü mükheahlah, tüsho arü bolung Phygela tüsho Hermogenea belah.

2 TIMOTHI 3:2

Tümüde mihtsürübo ju nihbuh muzhorü, sho muzhorü, akükheang, bukakhiuk, lülüshishi, bebuhrü ki mihyumanikhi, makshemüjihkhi, mümüsühkhi,

2 TIMOTHI 4:10

Tümüde Demanü kheakü ha lomi muzhode I bahbah Tesalonika ching yüdo; Kresen Galatia ching, tüsho Tita Palmatia ching yüdo.

2 TIMOTHI 4:16

I akhuhbe alim thade alachoki shenü she I murung; alalanü I bahbah tsodo. Ju arü ki azhihkhi dülashih.