FILIPI 2:20 - AMÜSÜH HÜM CL Bible (BSI)

²⁰ Nüsa arung thsungkheak atsütsünü amulongrü I lung api nangde she müla.

FILIPI 2:20 Iomraidhean Croise

MUNGSHIKHÜN 55:13

Tüshe nü, I thülünrü, rukhüh rhimorü tüsho I müyamrü khung ah.

MÜCHITMUDU 31:29

“Aliberü ahihdonü tsüde rhimodo, tüshe nünü arü kiholah.”

JOHAN 10:13

Amulokhinü alihde tsochoh tümütüsho api ju amulokheah tüsho namfimihnubo thsungkheak sükde mülüm.

JOHAN 12:6

Ha apinü zhochihrü lümrhihmonü athakhi yung, tüshe api ju ahührü tüsho sho qiuqiu lamonü ah; tüsho ju ching yukkhi apinü lude la.

ROMRÜ KILIM PAULNÜ ATHRÜTKHI KIHÜM HUHTANYU 15:5

Adüküng tüsho tuthsukkhi Thrünpuhnü Jisu Khrista lung arihde khülangnü khülang arihakode alapü nüsa ki mülüshang,

1 KORINT 16:10

Küyimki Timothi arübanü, nüsa bolung api mütrede lashang, tümüde api ju I nangde Atungpuh rhimo thsüchoh.

FILIPI 2:2

ju lümkhi, amuzho, arihako tüsho lümkhi khülangnü I asühkhi banthsangshang.

FILIPI 2:22

Tüshe künangde tsührü thsüde buhrü ki thiyusheakatsü ching I tankihkheanü Timothi thülünkhi nüsanü mükheahlah.

KOLOSI 4:11

tüsho Justa de ajikhi Jisunü she salüm mühahchoh. Thrünpuh kiulongthsü thsungkheak rukhüh rhimorü bolung harü lang tsütabahkhi mihtsürübo ah, tüsho arü ju I mulong shukheam khülang lakheah.

1 TIMOTHI 1:2

Akin ching thiyuro I tsührü Timothi kilim: Abuh Thrünpuh tüsho isa khümkhitbuh Jisu Khristanü mihmuzho, mihmüthsüm tüsho mungtsü jihshang.

1 TIMOTHI 4:6

Nünü harü thsangdankhibo keoniorübo ki thasho, nü ju thiyuro akin tüsho nünü anide alakhi thsangyukhi atsü ching bezokhi, Jisu Khrista tankihrü atsü thsübah.

2 TIMOTHI 1:5

Nü ji Lois tüsho nü be Euni büne akin nangde nü akin düküngde alakhi inü lümkhitchoh, tüsho kheakü nü kheak lah de inü kinlah.

2 TIMOTHI 3:10

Kheakü nünü I thsangyukhi, rhimo, I rhangdung mükkheahkih, akin, arümkheam, amuzho, arorikhi,

1 SAMUEL 18:1

Küyimki Davidnü Saul ki asukachihkhamkhea, Jonathan menü David me kheak lümshede kam, tüsho Jonathannü nihbuh me nangde api muzho.

1 SAMUEL 18:3

Judüki Jonathannü David kheak tangzüng khülang thsü, tümütüsho anihbuh me nangde api muzho.