FILIPI 2:2 - AMÜSÜH HÜM CL Bible (BSI)

² ju lümkhi, amuzho, arihako tüsho lümkhi khülangnü I asühkhi banthsangshang.

FILIPI 2:2 Iomraidhean Croise

MUNGSHIKHÜN 122:8

I keoniorü tüsho müyamrübo thsülimnü inü kheakü thabah, “Nüsa bolung mungtsü lashang.”

JOHAN 3:29

Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

YUNIRÜBO RHIMO 1:14

Arü alala rukhühnü aliberübo le Jisu abe Mari tüsho api keoniorübo lung tamkhüntamnüpü mutukzhakde mukhungde la.

YUNIRÜBO RHIMO 2:1

Küyimki thünimni-thünio nimung khiungkhea, arü alalanü rukhüh dangpung khülang ching mukhung.

YUNIRÜBO RHIMO 2:46

Tüsho nimung aban arüngyam ching rukhüh mukhungde tüsho arü yambo ching yikhap yihnakde, arünü mulong asühde tsühyungbe tsüh,

YUNIRÜBO RHIMO 5:12

Amüsüh-thsangyurübonü khinthiyinbe tüsho amüyinsahbebo ahihdo mihtsürü bolung rhimo. Tüsho arü alala rukhüh Solomon yam ayinkhe khüp lakheah.

ROMRÜ KILIM PAULNÜ ATHRÜTKHI KIHÜM HUHTANYU 12:16

Khülangnü khülang ki arihakokhi ching laang; dükükheang, tüshe abobe kuhi mihtsürü lung arihpü mulongang. Nü küdahnü lümlung larü ah de dülüm.

1 KORINT 1:10

Keoniorübo, nüsa alala arihakode nüsa bolung achamnak mülapü tüsho lümkhi rukhüh tüsho zanzhak rukhüh ching arihakopü inü nüsa ki tuthsukchoh.

2 KORINT 13:11

Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah.

2 KORINT 2:3

I asühshihpü larünü I mulong mutukthsüshihbeah de lümbah inü thrütdo, tümüde I asühkhi ju nüsa alala asühkhi labah de nüsa alala kheak mulonglam lah.

2 KORINT 7:7

tüsho api arükhinü lang yung, tüshe nüsanü api kilim mulong shukheam jihkhinü she ah. Nüsanü I mürheangkhi, sükde nüsa mulong rozhakkhi, nüsanü mulongsahde lümrhihkhi isa ki thado, junangde inü alü thsüde asüh.

FILIPI 1:4

kamruhroro nüsa thsungkheak I tamkhüntamnü aban ching asühde tamkhüntamnüchoh,

FILIPI 2:16

rhangdung yu kheak düngde aramrihbah, junangde Khrista nimung ching I akeangkeang ching malih yungsho akeangkeang ching mükhisah de inü akükheangbah.

FILIPI 2:20

Nüsa arung thsungkheak atsütsünü amulongrü I lung api nangde she müla.

FILIPI 4:2

Inü Euodia tüsho Syntake ki keoniorü nangde Atungpuh lung arihang de mushuchoh.

KOLOSI 2:5

Tümütüsho pangnü I mülalashe, me ching I nüsa lung lade, nüsa tsüde alakhi tüsho Khrista ching nüsa akin düküngkhi asühde kheahchoh.

2 TESALONIKA 2:13

Tüshe Atungpuhnü muzhokhi keoniorübo, isanü kamruhroro Thrünpuh ki makshe jihpü lah, tümütüsho Menü atsangkhitkhi hode akhümkhitpü tüsho thiyuro ching kinpü atankih chingnü Thrünpuhnü nüsa mokhit.

2 TIMOTHI 1:4

Inü nü chikebo lümkhitchoki nü shorupü künde kamchoh, junangde I asühkhinü mide akambah.

PHILEMON 1:20

Am, keoniorü, Atungpuh lung inü nü kilimnü alü thsükhi khürü lunelah. Khrista ching I mulong rhüngrhüngshang.

2 JOHAN 1:4

Abuhnü isa ki thiyukhüm jihkhi nangde, nü tsührü khürü thiyuro ching yande ngübah I khide asühdo.

3 JOHAN 1:4

I tsührübonü thiyuro ching tsahkhi sokhi kheak hode asühpü atobe müla.