FILIPI 2:13 - AMÜSÜH HÜM CL Bible (BSI)

¹³ tümüde amulongpü tüsho api lümkhi atsü rhimopü nü kheak rhimokhi ju Thrünpuh ah.

FILIPI 2:13 Iomraidhean Croise

1 KIULONG THSÜRÜ 8:58

tüshe api limrobo alala ching tsahpü tüsho isa jipürü ki thiyukhüm jihkhi api yukhümbo, api yakzanbo, tüsho yuzüngbo zopü isa mulong api kilim anguhanü.

2 KIUTHSÜYUKHEAN 30:12

Kheaküshe kiulongthsüpuh tüsho atorübo ki Atungpuh yunü thiyukhüm jihkhi kheak mulong khülangnü arholopü Thrünpuhnü Juda kheak rhimode alakheah.

EZRA 1:1

Sairusnü Persia kiulongthsükhi akhuhbe kam ching, Jeremia mün hode Atungpuh yu dünjishihpü thsüde, Atungpuhnü Persia kiulongthsüpuh Sairus me tuthsukmusu tüsho api kiulongthsü bukkhüp lomi alala ching thrüta zhiyukshihpü tha:

EZRA 1:5

Junangde Juda tüsho Benjamin trük chingnü gukbo aban ching azothsürübo, amükeamrübo, Levirübo tüsho sherü Thrünpuh nü ayüpü mulong athsungkheanü arübo Jirusalem ching arüngyam thsülopü tsahmusu.

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

NEHEMIA 2:4

Kiulongthsüpuhnü keokhi, “Nünü akünkhi ju tümü a?” Inü yinmi Thrünpuh ki tamkhüntamnü,

JOB HU H T ANYU 33:29

Thrünpuhnü atsütsü harü alala mihtsürübo kheak mahne ki, mahsam ki rhimochoh,

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

MUNGSHIKHÜN 119:36

Nü yakzan thsükhibo lim I mulong rholoshang tüsho mükhütmüra alü thsükhi lim yung.

MUNGSHIKHÜN 141:4

Amütsü rhimorünü mihbukmuyuk rhimokhi ching berungshihpü thsüde amütsü lim I mulong danguhshih; inü arü jimpung dütsühshih.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

ISAIA 26:12

O Atungpuh , nünü isa thsungkheak mungtsü lashihbah, atsütsü, isanü arhimokhi alala, nünü isa thsungkheak rhimokheah.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

JEREMIA 32:38

Arübo I mihtsürü thsübah, tüsho I arü Thrünpuh thsübah.

LUKNÜ ATHRÜTKHI THIYUSHEAK-ATSÜ HUHTANYU 12:32

“Dütre, aninibe boto, tümüde nüsa Abuhnü nüsa kilim kiulongthsü jihpü mulonglah.

LUKNÜ ATHRÜTKHI THIYUSHEAK-ATSÜ HUHTANYU 2:14

“Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

JOHAN 3:27

Johannü alo, “Yinmi chingnü api ki müjih-a lasho mihtsürünü tümü leangkhikhukpü.”

JOHAN 6:45

Ha wukihrübonü thrüta lah, ‘Tüsho arü alala Thrünpuhnü thsangyubah.’ Jumonü Abuh kilimnü asorü tüsho anikhitrü abannü I kilim arüchoh.

JOHAN 6:65

Tüsho apinü tha, “Jumonü I Buhnü api ki mümülüjihsho shenü she I ki marükhuk de inü nüsa ki thado.”

YUNIRÜBO RHIMO 11:21

Atungpuh wu arü kheak lakheah, tüsho akinrü ahihkhüh Atungpuh kilim rholo.

ROMRÜ KILIM PAULNÜ ATHRÜTKHI KIHÜM HUHTANYU 12:3

Tümütüsho I kilim jih-a lakhi amüthsüm hode inü nüsa aban ki thachoh: Nü thülünkhi kheaknü nü küdahnü khide changde dülüm, tüshe Thrünpuhnü nü kilim jihkhi akin ayannü athülün atsüngalimnü lümang.

ROMRÜ KILIM PAULNÜ ATHRÜTKHI KIHÜM HUHTANYU 9:11

Thrünpuhnü amokhitkhi lümkhi mutukzhakde ayüpü thsüde arü müzübeyia lalashe tüsho atsü yungsho amütsü tümü mürhimoyia lalashe, rhimobo hode yung tüshe apinü ajikhinü,

ROMRÜ KILIM PAULNÜ ATHRÜTKHI KIHÜM HUHTANYU 9:16

Jumonü mihtsürü lümkhi tüsho mürangkhi kheak yung tüshe Thrünpuh mihmüthsüm kheak lah.

1 KORINT 12:6

rhimo aphuaphu lah, tüshe arü aban kheak athsükhukpü jihkhi Thrünpuh rukhüh.

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

2 KORINT 3:5

Isanü tümükhüh lang she isa küdahnü athsükhukkhi lah de alümkhi müla; isanü athsükhukpü ju Thrünpuh kilimnü lah.

EFISIA 1:11

Lüpdükhi api lümthiyan yande rhimobah, api lümkhi yande akhujungkhinü, isanü api lung yamrüplurüp ngü,

EFISIA 1:5

Api lümkhi ayannü Jisu Khrista hode isa api tsührü thsüpü lümjung,

EFISIA 1:9

Tüsho Khrista ching apinü alümkihkhi atsü yande api aram lümkhi isa ki mükheahshih,

EFISIA 2:8

Tümüde akin hode amüthsümnü nüsa khümkhit; tüsho ha nüsa rhimo yung, ha Thrünpuh thsambah lah,

2 TESALONIKA 1:11

Hamonü isa Thrünpuhnü nüsa apinü ajikhi thülünde akamshihpü, tüsho api wu hode akinnü apungkhikhi rhimo atsü aban akuk ngübah,

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,