FILIPI 1:6 - AMÜSÜH HÜM CL Bible (BSI)

⁶ Tüsho shepünü nüsa lung rhimo atsü tankihkheanü Jisu Khrista nimung khiungde akhik thsüde arhimobah de inü mütsanlah.

FILIPI 1:6 Iomraidhean Croise

MUNGSHIKHÜN 138:8

Atungpuhnü I thsungkheak apinü alokhikhi dünjishihbah; O Atungpuh , nü amüthsüm lünnü rünkhiungde lah; nü khah rhimobo dübahyuk.

JOHAN 6:29

Jisunü alo tüsho arü ki tha, “Apinü athiyibuh kheak nüsanü akinpü ju Thrünpuh rhimo ah.”

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 16:14

Isa ki anide alarü bolung aliberü khülang amung Lydia, Thyatira kiuto chingnü, mürümmuchu khimmih yinrü Thrünpuh kingaünrü lakheah. Paulnü athakhi anipü Thrünpuhnü anihbe mulong khimshuhjih.

1 KORINT 1:8

apinü akheam khiungde nüsa kümbah, junangde isa Atungpuh Jisu Khrista nimung ching nüsa amülim mülade alabah.

2 KORINT 1:15

Tümütüsho nüsa alü asühkhi ngüpü thsüde I nüsa kilim akhuhde arüpü mütsande alakheah.

2 KORINT 2:3

I asühshihpü larünü I mulong mutukthsüshihbeah de lümbah inü thrütdo, tümüde I asühkhi ju nüsa alala asühkhi labah de nüsa alala kheak mulonglam lah.

2 KORINT 7:16

I asühchoh, tümütüsho inü nüsa kheak athülünkhi mulongram lah.

2 KORINT 9:4

jude yungsho Macedoniarü khürü I lung arübah nüsa müthsakhamde ngüsho, khide mulong tode labah nüsa dünkheak thapü tümü mülade isa achih ngübah.

GALATIA 5:10

Nüsanü püpü lümkhi müthsüpü inü Atungpuh kheak mulongram lah. Nüsa yingyingshihbuh ju shepü shepü thsüthsü she Atungpuhnü thsümüchibah.

EFISIA 4:12

tankih rhimo thsungkheak amüsührü düküngshihpü, Khrista pang zokihshihpü,

FILIPI 1:10

junangde tümü atsübeanü nüsanü mütsankhitbah tüsho tsangkhitde Khrista nimung khiungde areak mükihde,

FILIPI 1:29

Tümüde Khrista thsung thsüde api kheak kinpü lang nüsa ki mülüjihkhi yung, tüshe api dünkheak thsünüpü she ah,

FILIPI 2:12

Jumonü amuzho müyamrübo, nüsanü kamruhroro mihyuanikhi nangde kheaküshe I lachoki lang yung tüshe alü thsüde I mülachoki trede tüsho ajande nüsa akhümkhit rhimokhitang;

FILIPI 2:13

tümüde amulongpü tüsho api lümkhi atsü rhimopü nü kheak rhimokhi ju Thrünpuh ah.

FILIPI 2:16

rhangdung yu kheak düngde aramrihbah, junangde Khrista nimung ching I akeangkeang ching malih yungsho akeangkeang ching mükhisah de inü akükheangbah.

KOLOSI 2:12

tüsho baptikhi ching nüsa api lung kiuyuka bah, ju ching api ashe chingnü arhang kamloshihbuh Thrünpuh rhimo akin hode api lung nüsa she arhang kamloshih.

1 TESALONIKA 1:3

nüsa akin tüsho amuzho rhimo tüsho isa Atungpuh Jisu Khrista ching düküngde mulonglamkhi isa Thrünpuh tüsho Abuh miki lümkhitchoh.

2 TESALONIKA 1:11

Hamonü isa Thrünpuhnü nüsa apinü ajikhi thülünde akamshihpü, tüsho api wu hode akinnü apungkhikhi rhimo atsü aban akuk ngübah,

2 TESALONIKA 3:4

Tüsho nüsa dünkheak isanü Atungpuh kheak mulongram lah, junangde isanü thiyukhüm jihkhi nüsanü rhimochoh, tüsho mutuklode arhimobah.

PHILEMON 1:21

Nü mihyuanikhi mulongram lade, inü athakhi kheaknü she nünü alü rhimobah de mükheahbah inü nü kilim thrütchoh.

IBRI 10:35

jumonü thsambah ato lakhi nüsa mulongram dübah.

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

2 PETER 3:10

Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.