FILIPI 1:20 - AMÜSÜH HÜM CL Bible (BSI)

²⁰ inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah.

FILIPI 1:20 Iomraidhean Croise

MUNGSHIKHÜN 119:116

I rhangdung lapü thsüde nü yu yande I tholojang; tüsho I mulonglam achih düngüshih.

MUNGSHIKHÜN 119:80

Nü yakzan thsükhibo dünkheak I mulong mudomüra dülashih, junangde I achih müngüde alabah.

MUNGSHIKHÜN 25:2

O I Thrünpuh, nü kheak inü kinchoh, I achih düngüshih; I riribonü I dükukshih.

MUNGSHIKHÜN 62:5

I menü Thrünpuh thsungkheak lang zhikde aleangchoh, tümüde I mükkin ju api kilimnü lah.

MÜCHITMUDU 10:28

Thiyuro-lungkirü mulonglam ju asühkhi labah, tüshe mihbukmuyuk mükkin thsükhi adükheakbah.

MÜCHITMUDU 23:18

Tsükjide nü thsungkheaknü mulonglamkhi arübe lah, tüsho nü mulonglam müdükheak.

ISAIA 45:17

Tüshe Israel a Atungpuhnü akheam müla akhümkhit hode khümkhita lah; nü a küyimkishe achih müngüshih yungsho müyingyingshih.

ISAIA 50:7

Atungpuh Thrünpuhnü I rungchoh; jumonü I achih müngü; jumonü inü molaklung nangde I miro kheah, tüsho I achih müngü de inü mükheah;

ISAIA 54:4

Dütre, tümüde nü achih müngü; mulong dünini, tümüde nü achih ngüde müküpkhuk; nü athunu achihahean nünü amihbah, tüsho nü khimokhi achihahean nünü mülümkhitlo.

JOHAN 21:19

Ha tümü limronü Peter shebah Thrünpuh müretahpü lanü amütsan apinü athakheah. Tüsho küyimki apinü ha thakheanü anihbuh ki tha, “I dunglim yanang.”

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 21:13

Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.”

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

ROMRÜ KILIM PAULNÜ ATHRÜTKHI KIHÜM HUHTANYU 5:5

tüsho mulonglamnü isa müshangmangshih, tümütüsho isa kilim jihkhi Amüsüh Me hode Thrünpuh amuzho isa mulong ching yüzahshih.

ROMRÜ KILIM PAULNÜ ATHRÜTKHI KIHÜM HUHTANYU 6:13

Nü pang shihchambo ju mihbukmuyuk rhimopü neak kilim düjih, tüshe ashe chingnü arhang kamlokhi mihtsürü nangde tüsho nü pang shihchambo thiyurolungki rhimopü Thrünpuh kilim jihang.

ROMRÜ KILIM PAULNÜ ATHRÜTKHI KIHÜM HUHTANYU 6:19

Nüsa yakli mukhiukdahkhinü inü mihtsürü lalim yande thachoh. Khülangki nüsa pang shihcham mütsangkhitkhi tüsho amülim atobe lim jihkhi nangde kheakü nüsanü atsangkhitpü thsungkheak thiyuro-lungki lim jihang.

ROMRÜ KILIM PAULNÜ ATHRÜTKHI KIHÜM HUHTANYU 8:19

Thrünpuh tsührübo thsungkheak amikheak akhiukpü thrüna lakhi alalanü mulong dukde aleanglah;

ROMRÜ KILIM PAULNÜ ATHRÜTKHI KIHÜM HUHTANYU 9:33

ha thrüta lakhi nangde, “Kheahang, mihtsürübo jingmükhepü thsüde inü Zion ching lung khülang, arü keamshihbe lungto khülang zochoh; tüsho shepünü api kheak kinbanü achih müngüshih.”

1 KORINT 15:31

Keoniorübo, isa Atungpuh Jisu Khrista ching I nüsa kurungkheak müretahkhinü I nimung aban shechoh de khipkhitshihchoh.

1 KORINT 6:20

nüsa ju amo jihbah athulokheah. Jumonü nüsa pang ching Thrünpuh müretahshang.

1 KORINT 7:34

tüsho api lümkhi lümtrüp thsülah. Tüsho mürhangkhi liberü yungsho anünürünü, künangde pang tüsho me ching amüsüh laba de Atungpuh rhimo dünkheak mulong sansanchoh; tüshe arhangkhi liberü a künangde aniubuh asühshihbaki de alomi rhimo dünkheak mulong sansanchoh.

2 KORINT 10:8

Atungpuhnü isa kilim, nüsa thokheampü yungde abekihpü thiyukhüm-sühmüh jihkhi dünkheak inü khü alü thsüde kükheangkheang she, ju dünkheak I achihpü müla.

2 KORINT 3:12

Tümütüsho isa hadürü mulonglam lakhinü, isa khide mulong tolah.

2 KORINT 4:10

isa pang ching Jisu rhangdung ngüshihpü kamruhroro pang ching Jisu shekhi hanlah.

2 KORINT 5:15

Tüsho alala dünkheaknü api she, junangde sherü rhangdung lanü kheaküa nihbuh thsungkheak müla tüshe arü dünkheak shebah arhang kamlobuh thsungkheak labah.

2 KORINT 7:14

Tümüde inü nüsa dünkheak api ki kükheangkhi ching nüsanü I achih müngüshih; tüshe isanü nüsa ki thakhi lüpdükhi thiyuro lakhi nangde, Tita miki isanü kükheangkhi thiyuro mütsando.

2 KORINT 7:4

Inü nüsa kheak mulongram ato lah; nüsa hode kükheangkhi ato lah; I a sühakhimnü mide lah. Isa thsünü alala ching I khide asühdo.

FILIPI 1:14

tüsho I rihyam ching lakhinü keoniorü ahihdo Atungpuh kheak mulongramde kamshih, tüsho Atungpuh yu mulong tode mütrede thachoh.

FILIPI 2:17

Tüshe nüsa akinnü Thrünpuh kilim jihkhi shuhmülanga kingaünkhi kheak I thiyih bukkihkih she, inü nüsa alala kheak asühlah tüsho asühachihchoh.

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

1 PETER 4:16

tüshe khürü Khristan thsümo thsünüsho, apinü dachih, tüshe ju mung ching apinü Thrünpuh müretahshang.

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.