FILIPI 1:18 - AMÜSÜH HÜM CL Bible (BSI)

¹⁸ Dale tümü a? Limro aban, mülapyukde yungsho thiyuro ching thsüthsü, Khrista zhiyuka lah; tüsho ju ching I asühchoh.

FILIPI 1:18 Iomraidhean Croise

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

MARK 12:40

shepünü khimoberü yambo thsümünimcho, tüsho rük thsüde ashangshang tamkhüntamnücho. Arü abahyukkhi ato leangkhibah.”

LUKNÜ ATHRÜTKHI THIYUSHEAK-ATSÜ HUHTANYU 9:45

Tüshe ha thakhi arünü manikhit, tüsho ha arü kheaknü rama lakheah, junangde arünü müramkhit; tüsho ha dünkheak api ki keopü arünü trede alakheah.

LUKNÜ ATHRÜTKHI THIYUSHEAK-ATSÜ HUHTANYU 9:50

Tüshe Jisunü api ki tha, “Api düyanlo, tümüde shepünü nüsa mazhihnü nüsa kilim lah.”

ROMRÜ KILIM PAULNÜ ATHRÜTKHI KIHÜM HUHTANYU 3:9

Dale tüsho isa ju arü kheaknü atsübea shi? Jude yung. Tümüde isanü akhuhlim Jihudarü le Greekrü chido neak bukkhüp lah de thado.

ROMRÜ KILIM PAULNÜ ATHRÜTKHI KIHÜM HUHTANYU 6:15

Dale tüsho tümü a? Isa yakzan khüp müla tüshe mihmüthsüm khüp lamonü isanü neak yihbeakba shi? Jude yung!

1 KORINT 10:19

Dale tüsho sangthsü kilim shuhmülanga kingaünkhi ju tümükhüh a shi, yungsho sangthsü tümükhüh a?

1 KORINT 14:15

Judüasho inü tümü thsüba? Inü menü tamkhüntamnübah tüsho lümnü she tamkhüntamnübah; inü menü khün thsübah tüsho lümnü she khün thsübah.

1 KORINT 15:11

I yungsho arü thsüthsü, isanü thsangyuthsangra tüsho nüsanü kin.

FILIPI 1:19

Tümüde nüsa tamkhüntamnü tüsho Jisu khrista Me arung hode I adükhebah de inü mükheahlah,