FILIPI 1:13 - AMÜSÜH HÜM CL Bible (BSI)

¹³ Junangde kiulongthsürüyam aheangrü tüsho aningkhi alalanü Khrista thsungkheak I rihyam ching lah de mükheah;

FILIPI 1:13 Iomraidhean Croise

YUNIRÜBO RHIMO 26:29

Tüsho Paulnü alo, “Kim khihang yungsho shangang, harü arhükkhibo kheak hode, nü lang yung tüshe khihni I ki anirü alala I nangde akampü inü Thrünpuh ki tamkhüntamnüchoh.”

YUNIRÜBO RHIMO 26:31

tüsho küyimki arübo tsokheanü arü khülangnü khülang ki thaachih, “Ha mihtsürünü ashepü yungsho aramyukpü thülünde tümü mürhimo.”

YUNIRÜBO RHIMO 28:17

Nimung mahsam dunglim apinü Jihudarü limberübo jimukhung; tüsho küyimki arübo mukhungkhea, apinü arü ki tha, “Keoniorübo, inü I mihtsürü yungsho isa jipürü yakli azhihde tümü mürhimomo she Jirusalem ching I ram tüsho Romrü kilim jih.

YUNIRÜBO RHIMO 28:20

Jumonü ha dünkheaknü inü nü shorubah asukachihpü keokheah, tümütüsho Israel mulonglam lakhinü ha wuhrünliunü I rhüka lah.”

YUNIRÜBO RHIMO 28:30

Judüki Paulnü kam mahne amuyung müshihyih-yam ching la, tüsho api ki arürü alala beyuk.

EFISIA 3:1

Ha thsungkheaknü, I Paul, nüsa khiungkerü dünkheak Jisu Khrista aramrü–

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

EFISIA 6:20

ju thsungkheak I arhükkhi ching limburü ah; junangde inü athapü lakhi yande mulong tode ju khipkhitbah.

FILIPI 1:30

tümütüsho nüsanü angükhi tüsho kheakü I kheak sode alakhi shochihkhi ruk nüsanü dünjide lah.

FILIPI 1:7

Inü nüsa alala thsungkheak lümpü alungki lah, tümütüsho inü nüsa I mulong ching hanlah, tümüde I rihyam ching lachoki tüsho thiyusheak-atsü chilopü le mütsanmükhipü ching I lung nüsa alala amüthsüm shihcham lurü ah.

FILIPI 4:22

Amüsührü alala, adungto thsüde Kaesar yamkhünnü nüsa kilim salüm jihchoh.

2 TIMOTHI 2:9

tümüde ha dünkheak I thsünüchoh tüsho khukshikrü nangde rhüka lah, tüshe Thrünpuh yu a mürhük.