FILIPI 1:1 - AMÜSÜH HÜM CL Bible (BSI)

¹ Jisu Khrista yamlarü, Paul tüsho Timothi kilimnü, Filipi ching Jisu Khrista kheak kinrü, ju lung borü limberü tüsho tankihrübo kilim:

FILIPI 1:1 Iomraidhean Croise

MARK 13:34

Ha mihtsürü khülangnü api yamlarübo aban ki nihbuh rhimo hahmülang tüsho ripit-neakrü ki thiyukhüm jihde nihbuh yam zojihbah limshu lomi ching hantsah yükhi kiphahlah.

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

YUNIRÜBO RHIMO 1:20

Tümüde Mungshikhün ching ha thrüta lah: “ ‘Api lapung zhikrangkhündo kamshang, tüsho ju ching she dülashih, püpürünü api rhimoyam lushang.’

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

YUNIRÜBO RHIMO 9:13

Tüshe Ananianü alo, “Atungpuh, ha mihtsürünü Jirusalem ching nü yo amüsührübo kheak küdükhüh amütsü rhimokheanü ahihdo kilimnü inü sodo;

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

ROMRÜ KILIM PAULNÜ ATHRÜTKHI KIHÜM HUHTANYU 1:7

Thrünpuhnü muzhokhi, amüsührü thsüpü jikhi Rom ching larü alala kilim: Isa Abuh Thrünpuh tüsho Atungpuh Jisu Khrista kilimnü nüsa amüthsüm tüsho mungtsü lashang.

1 KORINT 16:10

Küyimki Timothi arübanü, nüsa bolung api mütrede lashang, tümüde api ju I nangde Atungpuh rhimo thsüchoh.

2 KORINT 1:1

Thrünpuhnü amulongkhi hode Jisu Khrista amüsüh-thsangyurü Paul, tüsho isa keoniorü Timothi kilimnü, Korint ching Thrünpuh borü, ju lung Akaia alala ching lakhi amüsührü alala kilim:

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.

GALATIA 3:26

tümüde nüsa alala Jisu Khrista ching akin hode Thrünpuh tsührübo ah.

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.

EFISIA 1:1

Thrünpuh lümkhi hode Jisu Khrista amüsüh-thsangyurü Paul kilimnü, Jisu Khrista ching thiyuro lakhi amüsührü kilim:

EFISIA 1:15

Jumonü inü she, Jisu Khrista ching nüsa akin tüsho amüsührü alala thsungkheak nüsa amuzho so dunglim,

EFISIA 6:24

Isa Atungpuh Jisu Khrista atsütsünü amuzhorü alala kilim amüthsüm laang.

FILIPI 2:19

Inü nüsa kilim nahde Timothi thiyipü Atungpuh Jisu kheak mulonglam lah, junangde nüsa yusheaknü I reangzahbah.

FILIPI 2:5

Nü yakli ju Khrista nangde alabeah:

FILIPI 3:12

I ha ngüabahdo yungsho I khiukdahabahdo de yung; tüshe inü ju tholopü mürangchoh, tümütüsho Khristanü she I tholodo.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

FILIPI 3:8

Jisu Khrista I Tungpuh de amükheahkhi ching khide athülün lakhinü inü lüpdükhi kukshahkhi khechoh. Tümüde api dünkheaknü alala kukshahkhi inü thsünü, tüsho jurü sünit khejihchoh, junangde inü Khrista alü thsübah

1 TESALONIKA 1:1

Paul, Sela, tüsho Timothi kilimnü, Abuh Thrünpuh tüsho Atungpuh Jisu Khrista ching Tesalonika borü kilim: Nüsa kilim amüthsüm tüsho mungtsü laang.

1 TESALONIKA 2:2

tüshe isa Filipi ching küpkhukde achih ngüa lalashe, azhihkhi ato mikhuh ching Thrünpuh thiyusheak-atsü nüsa ki khipkhitpü isa Thrünpuh kheak isa mulong tode alakheah de nüsanü mükheahlah.

2 TESALONIKA 1:1

Paul, Sila, tüsho Timothi kilimnü, Isa Abuh Thrünpuh tüsho Atungpuh Jisu Khrista ching Tesalonika borü kilim:

2 TESALONIKA 1:10

ju api yo amüsührübo kheak api müretahpü nimung api arüchoki tüsho akinrübo alala kheak amüyinsahpü lachoki labah, tümütüsho isanü nüsa ki thiyusheak thakhi kindo.

1 TIMOTHI 1:2

Akin ching thiyuro I tsührü Timothi kilim: Abuh Thrünpuh tüsho isa khümkhitbuh Jisu Khristanü mihmuzho, mihmüthsüm tüsho mungtsü jihshang.

1 TIMOTHI 3:8

Junangde tankihrübo ju yakli atsü tüsho kurhangrü thsübeah; mulo mahne, yukhu yungrü, yungsho sho muzhorü müthsübeah;

TITA 1:1

Paul, Thrünpuh tankihrü tüsho Jisu Khrista amüsüh-thsangyurü, Thrünpuhnü amokhitrü akin tüsho akin lim bekhi thiyuro mükheahmudu rungpü,

TITA 1:7

Tümüde borü limberü ju Thrünpuh rhimo atoathüprü a le, areak mükihde alabeah; api ju bukmüke yungsho asungsung yungsho amüshangrü yungsho athsümünim yungsho alü thsüpü bukmükhüt mülabeah,

PHILEMON 1:1

I Paul, Jisu Khrista dünkheaknü aramrü, tüsho isa keoniorü Timothi kilimnü, Isa rukhüh rhimorü amuzho Philemon

IBRI 13:23

Isa keoniorü Timothi dükhedo de nüsanü mükheahshihnelah. Api nahde arü khiungsho, nüsa shorupü api bebah arübah.

JAKOB 1:1

Thrünpuh tüsho Atungpuh Jisu khrista tankihrü Jakob kilimnü, Hiumüzüta lakhi trük thürükheak mahne kilim: Salüm.

1 PETER 2:25

Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim:

AMIKHEAKAKHIUKKHI 1:1

Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih,

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.

AMIKHEAKAKHIUKKHI 2:12

“Tüsho Pergamum ching borü yunirü ki thrütang: ‘Khülim khülim ahüyuk nukshang labuh yubo.

AMIKHEAKAKHIUKKHI 2:8

“Tüsho Smyrna borü ching yunirü kilim thrütang: ‘Atankih tüsho akheam, shebah arhang kambuh yubo.

AMIKHEAKAKHIUKKHI 22:9

tüshe apinü I ki tha, “Nünü jude düthsü! I a nü le nü keoniorü wukihrübo, tüsho ha hüm yubo zorü lung rukhüh tankihrü ah. Thrünpuh kingaünang.”