EZRA 9:8 - AMÜSÜH HÜM CL Bible (BSI)

⁸ Tüshe kheakü adükeak anikhüh kheak, Atungpuh isa Thrünpuhnü isa kheak mihmüthsüm huhdo tüsho isa chamkhüh azhorü kuhi chingnü tsokhitshihbah küma ha amüsüh dangpung ching lashih. Nünü isa azhorü kuhi chingnü zuzu kamshih tüsho isa kilim ayinatrüm rhangdung aso jih.

EZRA 9:8 Iomraidhean Croise

2 KIULONG THSÜRÜ 19:4

Khükia api putungrü Asiria kiulongthsüpuhnü arhang Thrünpuh münejihshihpü thiyikhi limthobuh yubo Atungpuh nü Thrünpuhnü asobah, tüsho Atungpuh nü Thrünpuhnü asokhi yu dünkheak api thürühbah; jumonü aninga lakhi thsungkheak nünü tamkhüntamnüjang.”

EZRA 9:9

Isa azhorü lakheah, tüshe nünü isa azhorü kuhi ching muzojih. Nünü Persia kiulongthsüpuh ki isa muzhode kamshih tüsho isa thsüphuloshihpü, thsümünima lakhi nü arüngyam thsüloshihpü mülüjih tüsho Juda le Jirusalem ching isa kümshihpü mihmuzho jih.

NEHEMIA 1:11

O Atungpuh kheakü I tamkhüntamnü tüsho nü yamlarü püpürü sherünü nü ki wüntre jihnelanü arü tamkhüntamnü sojang. Khihni I kilim kukzam jihang, tüsho wuto kiulongthsüpuhnü I ki mihmüthsüm huhshang.” Tümüde I wuto kiulongthsüpuh pung adünararü lakheah.

NEHEMIA 9:31

Tütüshe, nü amüthsüm tokhinü, nünü arü mübahyuk yungsho müdükheakshih. Nü a amuzho tüsho amüthsüm Thrünpuh. @1-LINE- SP ACE=

JOB HU H T ANYU 33:30

arü mebo shingkung chingnü belode arüpü, junangde arünü rhangdung ayinatrüm ngübah.

MUNGSHIKHÜN 13:3

Lümakheahang, tüsho I ki alojang, O Atungpuh ; I mük müsüshang, jude yungsho I ayapyamnü sheabahbah;

MUNGSHIKHÜN 13:4

I ririnü athabah, “Inü api kukdo”; tüsho I keamchoki I riribo asühachihbah.

MUNGSHIKHÜN 138:7

I küpkhuk bolung tsahtsah she, nünü I thsüphulojihbah; nünü I riribo bukakhiukkhi azhihde nü khah chungkihbah, tüsho nü khah tsülimnü I khümkhitbah.

MUNGSHIKHÜN 34:5

Junoa larübonü api kheah tüsho zhingzhingde kam, tüsho arü miro achih müngü.

MUNGSHIKHÜN 85:6

Nü mihtsürünü nü lung asühachihpü thsüde, nünü isa müthsüphuloba de?

MÜCHITMUDU 29:13

Zhochih mihtsürü tüsho api junorü ha rukhüh lah: Atungpuhnü ane chido mükbo kilim ayin jihchoh.

T H S AN GYU T H S AN GR ARÜ 12:11

Lümlung larünü athakhibo ju tsomüzhean nangde, müchityu hanmukhungkhi ju namfimihnu neakrünü ashuhkhi, ayümramkhi yinchi thsu nangde lah.

ISAIA 1:9

Wuto Atungpuhnü isa anükhüh aninga mülashihkhülaa, isa Sodom nangde alabah, tüsho Gomorra nangde akambah.

ISAIA 14:3

Küyimki nüsa thsünü le thsümüchi tüsho nüsa rhimo amüküp tankihpü chingnü Atungpuhnü nüsa sühakhimshihbanü,

ISAIA 56:5

inü I yam tüsho I chipibo ching tsührübo tüsho tsührübebo kheaknü mung atsüdakbe zojihbah; inü arü kilim akheam mülakhi mung jihbah, ju kheamamübah.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 6:13

Thürü ching khülang aningning she, kheaküshe athsümünimbah, mudungsang yungsho ame wokhi nangde.” Müjih amüsüh ju hoju ame ah.

JEREMIA 42:2

wukihbuh Jeremia ki tha, “ Isanü mushukhi tsüde anijang, tüsho isa thsungkheak Atungpuh nü Thrünpuh ki tamkhüntamnüjang– harü aningkhi alala thsungkheak. Tümüde nü müknü ngülah, ahihdo chingnü isa anükhüh lang aningdo.

JEREMIA 44:14

junangde Juda aningkhi, Ijip lomi ching lapü arürü mutsokhi yungsho rhangdung müla yungsho Juda lomi ching malodarü. Arünü ju ching lapü yünede lümlüm she tsokhia larü khürü kheak hode, arü alode müyü.

EZEKIEL 14:22

Tütüshe ju ching rhangdung larü khürü labah–tsührübo ju chingnü bekhitbah. Arübo nü ki arübah, tüsho küyimki nünü arü limrobo tüsho rhimobo ngüba, inü Jirusalem kheak thsümütsü lüpdükhi handarükhi dünkheak mulong shukheambah.

HOSEA 6:2

Nimung mahne dunglim apinü isa thsüphulobah; mahsam nipü apinü isa yihmusubah, junangde api miki isa labah.

HABAKKUK 3:2

Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

ZEPHANIA 3:12

Tümüde inü nüsa bolung azhihayih tüsho akheamkhibe mihtsürü zojihbah. Arünü Atungpuh mung ching tsoyukpung yimbah–

ZEKARIA 10:4

Arü bolung chingnü amühit-lung arübah, arü bolungnü khimyam ashungdung labah, arü bolungnü keochih sanglüh labah, arü bolungnü limthorü labah.

ZEKARIA 8:12

Tümütüsho judüki mungtsü yangkhi labah; kurungasonü aso asobah, alonü amukhuhshihbah, tüsho thüningbonü ayinke jihbah; tüsho inü ha mihtsürü aningkhi ki harü alala yamrüplurüp lushihbah.

ZEKARIA 8:6

Wuto Atungpuhnü ha thachoh: Harü nimungbo ching aningkhi mihtsürübo ki amukukbe thsüa lalashe, Wuto Atungpuhnü thachoh, I ki she amukukbe laba shi?

ROMRÜ KILIM PAULNÜ ATHRÜTKHI KIHÜM HUHTANYU 9:27

Tüsho Isaianü Israel dünkheak zhi: “Israel tsührübo khekhi ju loyi nangde lalashe, arü aningkhi lang akhümkhitbah;

AMIKHEAKAKHIUKKHI 3:12

Shepünü akuk ngüchonü, inü I Thrünpuh arüngyam ching dungto kamshihbah; küyimkishe api yu chingnü muwukhiuk, tüsho inü api kheak I Thrünpuh mung, tüsho yinmi chingnü akikhi Jirusalem aso I Thrünpuh kiuto mung tüsho I mung aso thrütkihbah.

1 SAMUEL 14:27

Tüshe Jonathannü abuhnü thirithsürü kheak thiyuchihchimde athakhi muso; jumonü apinü akhah ching zhimkhi tso mulo mukhukerüp ching athso, tüsho mukhuke ju tsüh; tüsho amükjibo rhüngrhüngde kam.

1 SAMUEL 14:29

Judüki Jonathannü tha, “I buhnü lomi küpkhukshihdo; kheahang I mükjibo küdükhüh rhüngrhüng la tümütüsho inü ha mukhuke anikhüh tsühakeakheah.