EZRA 9:7 - AMÜSÜH HÜM CL Bible (BSI)

⁷ Isa jipürü nimung chingnü kheakü khiungde isanü tode neak yihbeakde arüdo; tüsho neak hode isa kiulongthsürübo tüsho amükeamrübo püpürü kiulongthsü khah ching, khihni hanangde, thsühnuk ching, ramtso ching, jangkhijangra ching, tüsho achih ngüde lashih.

EZRA 9:7 Iomraidhean Croise

1 KIULONG THSÜRÜ 8:47

judüalalashe arü ramde ayükhi lomi ching arünü lümrhangde kamsho, tüsho mulong müthribah arü ramrü lomi ching nü ki zhoshede thasho, ‘Isanü neak yihbeakdo, tüsho amülim rhimodo; isanü mihbukmuyuk rhimodo’;

2 KIUTHSÜYUKHEAN 29:6

Tümüde isa jipürübonü thiyuro mülade arüdo tüsho Atungpuh isa Thrünpuh miki amütsü rhimodo; arünü api bahyuk, tüsho arü miro Atungpuh lakhi chingnü anguhde tso, tüsho arü dunglim anguh.

2 KIUTHSÜYUKHEAN 30:7

Nüsa jipürü tüsho nüsa buhtsührünü Atungpuh arü Thrünpuh ki akin mülakhi nangde düla, junangde nüsanü angükhi nangde apinü arü zhikrangkhündo kamshih.

2 KIUTHSÜYUKHEAN 34:24

Atungpuhnü ha thachoh: Juda kiulongthsüpuh miki khekhi hüm ching thrütkhi muthrumünean alala inü ha dangpung tüsho ju ching larü kheak thsümütsü hande arübah.

EZRA 9:13

Jurü alala isa münean tüsho amülim dünkheak dünjialalashe, isanü mükheahlah, isa Thrünpuhnü isa kheak thülünkhi kheaknü nükde thsümüchido tüsho isa khürü rhangdung lashih.

NEHEMIA 9:30

Kam ashang nünü arü ki arümkheam, tüsho nü memüsühnü wukihrübo hode thashih; tüshe arü nükhünnü mani, jumonü nünü arübo püpürü lomi khah ching jihabah.

ISAIA 64:4

Ahokhi lünbo ching shenü muso, she nükhünnü musokhit, api aleangrü thsungkheak shepünü rhimocho, nü hobah she müknü tümü Thrünpuh müngü.

JEREMIA 25:18

Jirusalem tüsho Juda kiutobo, kiulongthsürübo tüsho atorübo, arübo zhikrangkhündo thsümünimshihpü, arübo khihni lakhi nangde ish thsüpü tüsho muthrumüneanpü;

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 32:23

arünü yüzah tüsho alakukruk lu. Tüshe arünü nü düsheak mani yungsho nü yakzan ching mütsah; nünü arü ki thiyukhüm jihkhi alala arünü tümü mürhimo. Jumonü nünü harü thsümütsü alala arü kheak arüshih.

JEREMIA 32:32

Israel mihtsürü tüsho Juda mihtsürünü amütsü rhimode I bukakhiukshihkhi alala dünkheaknü– arü, arü kiulongthsürübo, arü torübo, arü amükeamrü tüsho wukihrübo, Juda mihkhungbo tüsho Jirusalem ching larübo.

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

JEREMIA 44:9

Nüsa jipürü, Juda kiulongthsürübo, arü niuberü tüsho nüsa le nüsanü alakmihkhibo, Juda lomi tüsho Jirusalem kiudunglimrobo ching arünü ayihbeakkhibo nüsanü mihabahdo de?

TÜZHOKHI 5:7

Isa jipürübonü neak yihbeak; arü kheaküa müla, tüsho isanü arü amülimbo hanlah.

EZEKIEL 11:9

Inü kiuto chingnü nü yankhitbah tüsho khiungkerü khah ching nü yukjihbah tüsho nü kheak mahkhapbah.

EZEKIEL 39:23

Tüsho arü mülimkhi dünkheak Israel yamkhün aramkhi ching yükheah de trükshihbonü mükheahbah, tümütüsho arünü I ki mülimde rhimo. Jumonü arü kheaknü inü I miro jik tüsho arü riribo khah ching arübo jih, tüsho arübo nukshangnü keam.

WÜHKHE 32:14

Tüsho kheahang! Nüsanü nüsa buhrübo müthride, lün aso aneak mihtsürübonü Israelrü kheak Atungpuh buk alü akhiukshihpü lah.

1 SAMUEL 12:15

tüshe nüsanü Atungpuh yu manide api yukhüm azhihsho, nüsa jipürü kheak azhihkhi nangde Atungpuh khahnü nüsa le nüsa kiulongthsüpuh azhihbah.