EZRA 9:6 - AMÜSÜH HÜM CL Bible (BSI)

⁶ tüsho inü tha, “O I Thrünpuh, nü miki I miro huhpü khide achihlah. I Thrünpuh, tümüde isa müneannü isa ku alapdo; tüsho athsümünimkhinü thüning khiungdo.

EZRA 9:6 Iomraidhean Croise

THRÜNTAN 13:13

Tüshe Sodom mihtsürübo hodakde mihbukmuyuk tüsho Atungpuh azhihde neak yihbeaka lakheah.

1 KIULONG THSÜRÜ 8:47

judüalalashe arü ramde ayükhi lomi ching arünü lümrhangde kamsho, tüsho mulong müthribah arü ramrü lomi ching nü ki zhoshede thasho, ‘Isanü neak yihbeakdo, tüsho amülim rhimodo; isanü mihbukmuyuk rhimodo’;

2 KIUTHSÜYUKHEAN 28:9

Tüshe ju ching Atungpuh yo wukihrü khülang lakheah, api mung Oded; apinü Samaria ching arükhi bonungrü shorupü wukhiuk, tüsho arü ki tha, “Nüsa jipürü Thrünpuh, Atungpuhnü Juda kheak bukakhiukmonü, apinü arübo nüsa khah ching jih, tüshe nüsanü bukakhiukde arü laksahkhinü yinmi khiung.

EZRA 9:13

Jurü alala isa münean tüsho amülim dünkheak dünjialalashe, isanü mükheahlah, isa Thrünpuhnü isa kheak thülünkhi kheaknü nükde thsümüchido tüsho isa khürü rhangdung lashih.

EZRA 9:15

O Atungpuh Israel Thrünpuh, nü thiyuro, tümüde isa khürü khihni rhangdung lashihlah. Kheahang, isa nü miki isa neak ching lah, jumonü shenü she nü miki müzhipkhuk.”

NEHEMIA 1:6

Atungpuh , I kilim kheahang, tüsho tsüngre nimung aban nü yamlarübo Israelrü thsungkheak I tamkhüntamnü sojang. Isa Israelrünü neak yihbeakdo de inü alokhichoh. Am isa jipürü tüsho inü neak yihbeakdo.

JOB HU H T ANYU 40:4

Kheahang, I müthülün; inü nü ki tümü aloba? I khahnü I mün kheak hümlah.

JOB HU H T ANYU 42:6

Jumonü inü I mükhemükimchoh tüsho asungthulung le awahbo chingnü mulong müthrichoh.

MUNGSHIKHÜN 38:4

Tümüde I mülimkhibo I ku alapde yükihdo; hahmülang nangde ahanpü khide mülanglah.

MUNGSHIKHÜN 38:5

I makhakhinü I mü arhüm münimlah tüsho shuh-a lah.

ABEKHIT 32:31

Jumonü Mosanü Atungpuh kilim alode yü tüsho tha, “O, harü mihtsürünü tode neak yihbeakdo, tüsho arü thsungkheak suna thrünpuh thsüa lah!

ISAIA 1:18

Kheakü arang, isa rukhühnü lümakheahanü, Atungpuhnü thachoh: nüsa neakbo mürümdo lalashe, jurübo phürüm nangde alabah; jurübo neakrümde mürümrüm she, shihnam nangde akambah.

ISAIA 59:12

Tümüde isanü athsümünimkhibo nü miki hihde lah, tüsho isa neakbonü isa azhihde thiyumütsan jihchoh. Isanü athsümünimkhibo atsütsü isa kheak lah, tüsho isanü isa mülimkhibo mükheahlah:

JEREMIA 3:3

Jumonü müngühmühi tsüngbo tholoabah, tüsho mükhean tsüngbo marü; nü a müzammüramrü miro ah, nünü machih.

JEREMIA 31:19

Tümüde I rholode atso dunglim I mulong müthri; inü anikhit dunglim inü I khüh yüm. I achih ngü tüsho mi müdünkhit tümütüsho I athunuchoki achihbe inü han.”

JEREMIA 51:9

Isanü Babilon thsüngupü mürangdo, tüshe anihbe müthsüngukhuk. Anihbe bahyukang, tüsho isa mihbüm abannü isa nihbuh lomi lim yüanü; tümüde anihbe mahkhapkhi yinmi khiungdo tüsho thüningbo khiungde shuhkihdo.

JEREMIA 6:15

Arünü machihde rhimodo, arünü athraneanbe yihbeakdo; tütüshe arünü machih, arünü achihpüyak mümükheah. Jumonü sherübo angakchonü ju lung arü angakbah. Inü arü thsümüchichoki, arü akeamkhamshihbah, Atungpuhnü thachoh.

JEREMIA 8:12

Arünü machihde rhimodo, arünü athraneanbe yihbeak; tütüshe judü lang machih, arünü achihpüyak mümükheah. Jumonü sherü angakchonü ju lung arü angakbah; inü arü thsümüchichoki, arü akeamkhamshihbah, Atungpuhnü thachoh.

TÜZHOKHI 3:42

Isanü lakmünimdo tüsho azhihdo tüsho nünü neak mübahjih.

EZEKIEL 16:63

Judüki inü küyimki nünü arhimokhi alala dünthsükhibanü, nünü alümkhitbah tüsho achihbah tüsho nü junokhi dünkheaknü küyimkishe nünü nü mün mükhimshuh, Wuto Atungpuhnü thachoh.

LEVI 26:40

Tüshe nüsanü nihbuh neak tüsho jipürü neak alokhisho, küpünü I kheak thiyuro mülashihkhea, tüsho I azhihkhea,

LUKNÜ ATHRÜTKHI THIYUSHEAK-ATSÜ HUHTANYU 15:21

Tüsho atsührünü api ki tha, ‘Abuh, inü yinmi azhihde tüsho nü miki neak yihbeakdo, tüsho I kheaküa nü tsührü de ajipü müthülün.’

LUKNÜ ATHRÜTKHI THIYUSHEAK-ATSÜ HUHTANYU 18:13

Tüshe rukthrebuhnü limshude zhip. Apinü thüning lim she abinkih-a mükheah, tüshe akhüh yümde tha, ‘Thrünpuh, I aneakrü ki amüthsüm laang!’

ROMRÜ KILIM PAULNÜ ATHRÜTKHI KIHÜM HUHTANYU 6:21

Dale tüsho kheakü nüsanü achihde alakhi rhimokhi chingnü nüsa tümü alü thsüde? Jurübo akheam ju ashekhi lah.

AMIKHEAKAKHIUKKHI 18:5

tümüde anihbe neakbo thüning khiungde mujunglah, tüsho Thrünpuhnü anihbe mülimkhibo lümkhitdo.