EZRA 9:2 - AMÜSÜH HÜM CL Bible (BSI)

² Jihudarü athrürübonü khiungkerü liberü yihlu; jumonü Thrünpuh mihtsürü amüsüh müneanabah. Limberü tüsho atorübonü alübe thsüde lakmih.

EZRA 9:2 Iomraidhean Croise

THRÜNTAN 6:2

Thrünpuh tsührübonü mihtsürü tsührü liberübo jaktsüde ngü; tüsho arünü amürühkhi yamkhün thsü.

1 KIULONG THSÜRÜ 11:1

Kiulongthsüpuh Solomonnü Pharao tsührü lungnü khiungkerü liberü ahihdo muzho: Moabberü, Amonberü, Edomberü, Sidonberü, tüsho Hitberü.

EZRA 10:2

Tüsho Elam yamkhün chingnü Jehiel tsührü Shekanianü Ezra ki tha, “Lomi ching khiungkeberü yihlumonü isanü Thrünpuh kheak akin thsümünimdo, judüalalashe Israelrü thsungkheak mulonglam judü lang lah.

EZRA 9:12

Jumonü nüsa tsührübo arü ki dürhangshih yungsho arü tsührü nüsanü dulu, tüsho küyimkishe arü ki mungtsü tüsho lakhit düyim, junangde nüsa sühmüh lade alo chingnü akhiukkhi atsü tsühbah, tüsho ju nüsa tsührübo kilim lünnü yamrüplurüp labah.’

EZRA 9:14

Dale tüsho küde thsah kheaküshe isanü nü yukhüm manide harü amütsü mihtsürü ki yihluachihpü? Isanü rhimosho, nü bukakhiukbah tüsho isa athrünkhi sheshe rhangdung mülashihde adükheakbah.

NEHEMIA 13:17

Inü Jihudarü limberübo ki müdande tha, “Tümü thsükhi nüsanü Amunimung mükhemükimde amünean rhimocho le?

NEHEMIA 13:28

Joiada ju Eliashib Achangbe Amükeambuh tsührü ah tüshe api tsührü bolung khülangnü Sanballat tsührü, Beth Horon kiuto ching lakhi yihlu, jumonü inü Joiada ju Jirusalem chingnü yana tsoshih.

ABEKHIT 19:6

Tüsho nüsa ju I kilim amükeamrü kiulongthsü tüsho amüsüh trükshih khülang thsübah. Harü yubo ha nünü Israelrü ki thaang.”

ABEKHIT 22:31

“Tüsho nü I mihtsürü amüsüh labah: nünü thulu ching arishiwühnü anguhsahkhi shih tümü dütsüh; nünü ju khihnu kilim jipa bahang.

ABEKHIT 34:16

Tüsho küyimki nüsa tsührü niuberü thsüpü arü tsührübebo lujihbanü arü thrünpuhbo kheak müzammüramkhinü nüsa tsührübo junangde arhimoshihbah.

ISAIA 6:13

Thürü ching khülang aningning she, kheaküshe athsümünimbah, mudungsang yungsho ame wokhi nangde.” Müjih amüsüh ju hoju ame ah.

LEVI 21:15

yungsho apinü api mihtsürü bolung nihbuh keoniorü mümüneanjihbeah; tümüde I Atungpuh , inü api müsühkhit.

MALAKI 2:11

Judanü akin mülade lado, tüsho Israel le Jirusalem ching athraneanbe yihbeakdo; tümüde Judanü Atungpuh arüngyam apinü amuzhokhi müneanjih, tüsho sangthsü thrünpuh kingaünberü yihlu.

MALAKI 2:15

Thrünpuh khülangnü anihbe thrünkhi yung de? Shih tüsho me chido api yo ah. Tüsho Thrünpuhnü tümü lunela? Apinü Thrünpuh mükheahkhi tsührü yimchoh. Jumonü nüsa me ching kümkangang, tüsho nü athunuchoki yamkhünbe kheak nünü alokhikhi düthsümünim.

1 KORINT 7:14

Tümütüsho amükinrü niubuhrü ju aniube hode müsühkhitchoh, tüsho amükinrü niuberü ju aniubuh hode müsühkhitchoh. Jude yungsho, nüsa tsührübo mümüsühde alabah, tüshe ha hode arü amüsüh ah.

2 KORINT 6:14

Amükinrü lung arihde rukhüh dürhimo. Tümütüsho thiyuro-lungki le amülim arih-rhimo tümü la? Yungsho ayinnü amiting lung arihkhi tümü la?

YUZÜNGTHALO 14:2

Tümüde Atungpuh nüsa Thrünpuh kilim nüsa amüsüh mihtsürü ah, tüsho alomi mihtsürü alala kurungkheak lakhit atsübe Atungpuhnü api thsungkheak nüsa mokhit.

YUZÜNGTHALO 7:6

Tümüde nüsa Atungpuh Thrünpuh kilim amüsüh mihtsürü lah; Atungpuh nüsa Thrünpuhnü nüsa api mihtsürü thsüpü alomi ching mihtsürü alala kurungkheak atsüdakbe lakhit thsüde nüsa mokhit.

JIHUSUA 22:15

Arübo Reuben, Gad, tüsho aniyüzahlim Manase mihtsürübo yimde Gilead ching arü,

JIHUSUA 23:12

Tümüde nüsanü rholode yübah nüsa lung aninga larü trükbo lung thsürude yihluachihsho,