EZRA 9:11 - AMÜSÜH HÜM CL Bible (BSI)

¹¹ Küpü nü yamlarübo, wukihrübo hode isa ki ha thashihkhea, ‘ Alo küpü nüsanü amükühpü lanü, mihtsürü neak hode mümüsüh, arü thraneanachihkhi hode akheam thripkhühnü khülim khiungde müneana lah.

EZRA 9:11 Iomraidhean Croise

2 KIULONG THSÜRÜ 21:16

Kheaküshe apinü Juda neak yihbeakshihde arünü Atungpuh miki amütsü rhimokhi kheak khiode, Manasenü Jirusalem akheamnü akheam khiungde mümiyi khiungde amülim mükihrü thiyih hihde bukshih.

2 KIUTHSÜYUKHEAN 33:2

Apinü Atungpuhnü Israel mihtsürü müngühnü yankhita bahkhi trükshihbo athraneanbe rhimobo yande Atungpuh miki amütsü rhimo.

EZRA 6:21

Ramtso chingnü alunglorü Israelrü tüsho ju lo ching larü amünean trük kheaknü bahkhibah alarü tüsho sherübo Atungpuh Israel Thrünpuh kingaünpü arükheanü alalanü arüng-jimpung ju tsüh.

EZRA 9:1

Harü alala rhimokhamshu, Israelrü limberü khürünü arübahle I ki thakhi ju, amükeamrübo le Levirübonü hingrü Amon, Moab, tüsho Ijip yungsho Kananrü, Hitrü, Perizrü, Jebusrü, tüsho Amorrü athraneanbe rhimo chingnü müchamachihde lah de tha.

EZRA 9:10

“Tüshe O isa Thrünpuh, jurü alala dünjishu kheakü isanü tümü thakhukba? Tümüde isanü nü yakzan bahyukdo,

JEREMIA 26:5

tüsho nüsanü mania lalashe inü I yamlarü wukihrübo niokheamde nüsa kilim arüshihkhi yubo manisho,

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

YUZÜNGTHALO 12:31

Nünü Atungpuh nü Thrünpuh judürü limro chingnü dükingaün; tümüde Atungpuhnü athraneankhi alala arünü arü thrünpuhbo ki rhimodo; tümüde arünü arü tsührü tüsho tsührübebo she arü thrünpuhbo kilim kingaünde mo ching takdo.

YUZÜNGTHALO 18:12

Tümüde sherünü harü alala rhimochonü Atungpuh kilim athraneanbe lah, tümütüsho harü athraneanbe dünkheaknü Atungpuh Thrünpuhnü arübo nüsa müngühnü yankhita bahchoh.