EZRA 9:1 - AMÜSÜH HÜM CL Bible (BSI)

¹ Harü alala rhimokhamshu, Israelrü limberü khürünü arübahle I ki thakhi ju, amükeamrübo le Levirübonü hingrü Amon, Moab, tüsho Ijip yungsho Kananrü, Hitrü, Perizrü, Jebusrü, tüsho Amorrü athraneanbe rhimo chingnü müchamachihde lah de tha.

EZRA 9:1 Iomraidhean Croise

THRÜNTAN 15:16

Nü tsühsoniuso ha ching alode marüchoki lün phüyi labah, tümütüsho inü Amorrü yankhitpü thsüde arü mülimkhi musuhdahyi.”

1 KIULONG THSÜRÜ 11:1

Kiulongthsüpuh Solomonnü Pharao tsührü lungnü khiungkerü liberü ahihdo muzho: Moabberü, Amonberü, Edomberü, Sidonberü, tüsho Hitberü.

2 KIUTHSÜYUKHEAN 33:2

Apinü Atungpuhnü Israel mihtsürü müngühnü yankhita bahkhi trükshihbo athraneanbe rhimobo yande Atungpuh miki amütsü rhimo.

2 KIUTHSÜYUKHEAN 8:7

Mihtsürü alala Hitrü, Amorrü, Perizrü, Hivrü, tüsho Jebusrü aningkhi, sherübo Israel yungnü,

EZRA 10:2

Tüsho Elam yamkhün chingnü Jehiel tsührü Shekanianü Ezra ki tha, “Lomi ching khiungkeberü yihlumonü isanü Thrünpuh kheak akin thsümünimdo, judüalalashe Israelrü thsungkheak mulonglam judü lang lah.

EZRA 10:8

Shepü nimung mahsam dükeak chingnü mübebanü atorü tüsho azothsürü yukhüm yande, alakhit alala lujihbah tüsho amung she ramtso arihako chingnü abahjihbah de thsakham.

NEHEMIA 13:23

Judüki Jihudarü ahihdonü Ashdod, Amon tüsho Moabberübo yihlukhi inü yimkhit.

NEHEMIA 4:3

Amonrü Tobianü she arheang ki zhipbah tha, “Arünü tümü thsüchonü–rimre khülang künde yükihsho arü lung-chipi keamabahbah.”

NEHEMIA 4:7

Küyimki Sanballat, Tobia, tüsho Amonrü tüsho Ashdodrünü Jirusalem chipi thsüchoh tüsho akhünbitbo lakdokhamchoh de asokheanü arünü khide bukakhiuk.

NEHEMIA 9:2

Tüsho arünü khiungkerü kheaknü chamkhi, tüsho zhipbahle arü neak le jipürü neak alokhi.

MUNGSHIKHÜN 106:35

tüshe arünü khiungkerü lung yihluachih tüsho arü rhimobo anikhit;

ABEKHIT 13:5

Küyimki Atungpuhnü nüsa jihpü nüsa jipürü ki alokhikhi Kananrü, Hitrü, Amorrü, Hivrü tüsho Jebusrü niuhke tüsho mukhuke bukkhi lo ching bede yüzahbanü nüsanü ha khinu ching amukhung laang.

ABEKHIT 23:23

Tümütüsho I yunirü nüsa müngüh yübah tüsho nüsa Amorrü, Hitrü, Perizrü, Kananrü, Hivrü tüsho Jebusrü lomi ching bede yüzahbah; tüsho inü arübo dükheakshihbah.

ABEKHIT 33:16

Nü isa lung müyüsho, nü mihtsürü tüsho I nü miki mihmüthsüm ngüdo de küde thsah amükheahpü? Nü mihtsürü tüsho I, alomi ching lakhi mihtsürü alala kheaknü büthsükhi labah.”

ISAIA 52:11

Tsoang, tsoang, ha chingnü wukhiukang! mümüsühkhi tümü düqiu; nüsa sherünü Atungpuh pungphuru hanla, ha bolung chingnü wukhiukang, nüsa tsangkhitang.

JEREMIA 26:10

Küyimki Juda torübonü harü sokhea, arünü kiulongthsüpuh yam chingnü Atungpuh yam lim atu tüsho Atungpuh yam ching yüzahpung chipiripit aso kheak arübah bin.

JEREMIA 26:16

Judüki atorü tüsho mihtsürü alalanü amükeamrü tüsho wukihrübo ki tha, “Ha mihtsürü asheshihpü müthülün, tümüde apinü Atungpuh isa Thrünpuh mung chingnü isa ki asukdo.”

LEVI 18:3

Nüsa lapung Ijip ching arünü arhimokhi düyan, tüsho inü nüsa bede arüpung Kanan ching arünü arhimokhi dürhimo. Nüsanü arü yakzan thsükhibo düyan.

MALAKI 2:11

Judanü akin mülade lado, tüsho Israel le Jirusalem ching athraneanbe yihbeakdo; tümüde Judanü Atungpuh arüngyam apinü amuzhokhi müneanjih, tüsho sangthsü thrünpuh kingaünberü yihlu.

WÜHKHE 23:9

Lunghü mujuk chingnü inü arü ngüchoh, awungbo chingnü inü arü chinzhina kheahchoh, arübo büthsüde alakhi trükshih khülang ah; tüsho püpü trükshih kheaknü arü alü müngühmühibe de arünü mükheahlah.

WÜHKHE 25:6

Tüsho kheahang, Israelrü mihtsürü boto arüngyam ripit ki tripde aleangchoki, Israelrü khülangnü Midiaberü bebah Mosa tüsho botonü ngüde anihbuh betsührü kilim arü.

YUZÜNGTHALO 18:9

“Küyimki nüsa Atungpuh nüsa Thrünpuhnü ajihkhi lo ching arübanü, harü trükshihnü athraneanbe rhimokhibo kheahkhipü dümükheah.

YUZÜNGTHALO 23:8

Arü tsührübo lün mahsampü chingnü ründe Atungpuh mihtsürü lung bepü kuklah.

YUZÜNGTHALO 7:1

“Küyimki Atungpuh nüsa Thrünpuhnü nüsanü amükühpü lakhi lo ching bedarübanü, tüsho nüsa müngühnü trükshihbo, Hitrü, Girgashrü, Amorrü, Kananrü, Perizrü, Hivrü tüsho Jebusrü, trükshih atoto thüne nüsa kheaknü sühmüh lakhi yankhitbanü,

JIHUSUA 23:12

Tümüde nüsanü rholode yübah nüsa lung aninga larü trükbo lung thsürude yihluachihsho,