EZRA 8:23 - AMÜSÜH HÜM CL Bible (BSI)

²³ Jumonü isanü Thrünpuh ki isa kümshihpü khümkeak thsü tüsho tamkhüntamnü, tüsho apinü isa tamkhüntamnübo alojih.

EZRA 8:23 Iomraidhean Croise

THRÜNTAN 25:21

Kheakü Isaknü aniube thsungkheak Atungpuh ki mushu, tümütüsho alibe bünkeangberü lakheah; apinü amushukhi Atungpuhnü alojih, tüsho aniube Rebeka mübünkeangde kam.

2 KIULONG THSÜRÜ 13:4

Tüshe Jehoahaznü Atungpuh ki mushu, tüsho Atungpuhnü api ki anijih; tümüde Siria kiulongthsüpuhnü Israel junokhi apinü ngü.

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

EZRA 8:31

Akhuhbe khinu nimung thürükheak mahne nipü isa Ahava yung chingnü Jirusalem lim arü. Limtsahchoki isa Thrünpuh isa lung lade thiriri khah chingnü isa bekhit.

NEHEMIA 9:1

Ju khinu nimung mukukheak phüyi ni Israelrübonü shungliukhim phuyu tüsho arü ku kheak asungthulung kamkihde khümkeak thsüde mukhung.

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

MÜCHITMUDU 3:5

Nü mulong athrünkhinü Atungpuh kheak kinang tüsho nü anikhitkhi kheak dangükih;

ISAIA 19:22

Atungpuhnü Ijip shikbah tüsho athsüngubah; arünü Atungpuh kilim rholobah tüsho apinü arünü mushukhibo anibah tüsho arü thsüngujihbah.

JEREMIA 33:3

I ki jiang tüsho inü nü ki alobah, tüsho nünü mümükheahkhi ato tüsho aramyu nü ki thabah.

DANIEL 9:3

Jushu inü tamkhüntamnü chingnü mushude khümkeak thsüde tüsho shungliukhim yihbah awah ching awuhde Atungpuh T H RÜ NPU H kilim rholode yü.

LUKNÜ ATHRÜTKHI THIYUSHEAK-ATSÜ HUHTANYU 2:37

tüsho anihbe kam 84 khiungde khimode la. Alibenü küyimkishe arüngyam bahbah mutso tüshe azhing ayin kingaünde, khümkeakde tüsho tamkhüntamnüde alakheah.

YUNIRÜBO RHIMO 10:30

Tüsho Kornelianü tha, “Nimung phüyi hode, ha kim ching, anirelim 3 king ching I yam ching I tamkhüntamnüde alakheah; tüsho kheahang, mihtsürü khülang I müngüh khimmih azhingzhing yihbah zhip,

YUZÜNGTHALO 4:29

Tüshe ju ching Atungpuh nüsa Thrünpuh nüsanü ayimbah, tüsho nüsanü mulong tüsho me athrünkhinü api yimsho angübah.