EZRA 8:22 - AMÜSÜH HÜM CL Bible (BSI)

²² Limro ching isa riribo aheangshihpü bonungrübo tüsho khoraberübo kiulongthsüpuh ki kheangpü inü achih; tümüde Thrünpuhnü api kheak kinrü aban müngühjihchoh, tüshe api kheaknü chamkhide atsorü a apinü masüh tüsho thsümüchichoh de inü kiulongthsüpuh ki thakheah.

EZRA 8:22 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

EZRA 7:28

Thrünpuh mihmüthsüm hode, kiulongthsürü, api ki lümlungjihrü, tüsho wulakhi atorübonü I muzhode kamshih; Atungpuh I Thrünpuhnü I mulong toshih, tüsho Israel trük ching akuthsürü ahihkhüh I yande alodarüpü mulongkhitshih.”

EZRA 7:6

Babilon chingnü arübuh Ezra ha Israel Thrünpuhnü Mosa kilim jihkhi yakzan thrütakhinrü ayeanzo lakheah. Thrünpuh müngühmühi Ezra kheak lamonü, apinü akheangkhi athrünkhi kiulongthsüpuhnü jih.

EZRA 7:9

tümüde khinu akhuhbe atan ni Babilon chingnü tsahmusu, tüsho Thrünpuh arung hode khinu phüngü atan ni Jirusalem khiung.

EZRA 8:31

Akhuhbe khinu nimung thürükheak mahne nipü isa Ahava yung chingnü Jirusalem lim arü. Limtsahchoki isa Thrünpuh isa lung lade thiriri khah chingnü isa bekhit.

NEHEMIA 2:9

Kiulongthsüpuhnü bonungrü aberü tüsho khoraberü khürü I lung arüshih, tüsho Aniyüzahlim Euphra thrip hantsahmusu. Ju ching kovünorbo kilim inü kihüm jih.

MUNGSHIKHÜN 20:8

Arübo khukning tüsho keamdo; tüshe isa asürü tüsho langde zhiplah.

MUNGSHIKHÜN 34:22

Atungpuhnü api yamlarübo rhangdung rhokhitchoh; api kheak tsoyukrü sheshe mübahyuk.

MUNGSHIKHÜN 90:11

Shepünü nü bukakhiukkhi wu mükheahla? Tümüde nü trekhi nangde, nü mulong zhipzhipkhi lah.

TÜZHOKHI 3:25

Atungpuhnü api aleangrü, api yimrü kheak tsülah.

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

1 KORINT 9:15

Tüshe inü harü alimbo mahori, yungsho hadürü ngüpü inü müthrüt. Khürünü kükheangde junoshihpü dün a I ashekhi atsübe labah.

2 KORINT 7:14

Tümüde inü nüsa dünkheak api ki kükheangkhi ching nüsanü I achih müngüshih; tüshe isanü nüsa ki thakhi lüpdükhi thiyuro lakhi nangde, Tita miki isanü kükheangkhi thiyuro mütsando.

IBRI 10:38

tüshe I yo thiyuro-lungkirü akin hode alabah, tüsho apinü tuklode tsosho I menü api kheak masüh.”

JIHUSUA 22:16

tüsho Atungpuh borü alala mung chingnü arü ki tha, “Nüsanü Atungpuh azhihde kingaün sadam thsübah khihni api yankhi chingnü tuklode Atungpuh Israel Thrünpuh azhihkhi rhimo amütsü ha tümüa?

JIHUSUA 23:16

Nüsanü Atungpuh nüsa Thrünpuhnü tangzüngkhi thsümünimbah püpü thrünpuhbo ki mükhümde kingaünsho Atungpuh bukakhiukkhi nüsa kheak alü labah, tüsho apinü nüsa kilim jihkhi lo atsü chingnü nüsa nahde adükheakbah.”

1 PETER 3:12

Tümüde thiyuro-lungkirü kheak Atungpuh mükbo lah, tüsho api nükhünbo arü tamkhüntamnükhi lim lah. Tüshe Atungpuh miro amütsü rhimorü azhihde lah.”