EZRA 8:21 - AMÜSÜH HÜM CL Bible (BSI)

²¹ Judüki isa tsührübo, kukrukbo tüsho isa thsungkheaknü limro mukhiungarihdo yimkhita lupü thsüde, Thrünpuh ki isa küdah thsüde azhihayihde khümkeak thsüpü Ahava ayung kinü inü zhiyuk.

EZRA 8:21 Iomraidhean Croise

2 KIUTHSÜYUKHEAN 20:3

Jehoshaphatnü trede alakheah; apinü Atungpuh yimpü thsakham, tüsho Juda alala ching, khümkeak thsüpü zhiyuk.

2 KIUTHSÜYUKHEAN 20:4

Judanü Atungpuh kilimnü arung yimpü mukhung; Juda kiuto alala chingnü arünü Atungpuh yimpü arü.”

EZRA 8:15

Ahava kiuto lim bukde ayükhi ayung ki inü arü bemukhung, tüsho ju ching isa nimung mahsam mung. Boto ching inü amükeamrübo ngü, tüshe Levirü tsührübo sheshe müngü.

EZRA 8:31

Akhuhbe khinu nimung thürükheak mahne nipü isa Ahava yung chingnü Jirusalem lim arü. Limtsahchoki isa Thrünpuh isa lung lade thiriri khah chingnü isa bekhit.

NEHEMIA 9:1

Ju khinu nimung mukukheak phüyi ni Israelrübonü shungliukhim phuyu tüsho arü ku kheak asungthulung kamkihde khümkeak thsüde mukhung.

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

MUNGSHIKHÜN 137:1

Babilon ayungbo ki isa bin, küyimki isanü Zion lümkhitkheanü isa trip.

MUNGSHIKHÜN 5:8

O Atungpuh , I riribo thsungkheaknü nü thiyuro-lungki ching I beang; nü limro I miki langakindo kamshang.

MUNGSHIKHÜN 5:9

Tümüde arü mün ching thiyuro müla; arü mulong athsümünimnü milah; arü thrukeang ju khimshuh-a lakhi kiuyuk ah; arü mulonü mülapmüjichoh.

MUNGSHIKHÜN 8:2

Ha azürü tüsho khungarübonü khün thsü. Nü a nü riri kheaknü khümkhita tüsho tsokhita lah; nünü nü azhihrü zhikde kamshih.

MÜCHITMUDU 3:6

nü limrobo alala ching api mütsankhitang tüsho apinü nü limro alungki huhbah.

ISAIA 30:21

Tüsho küyimki nüsanü tsülim yungsho huzulim rholoba, nüsa nükhünnü nüsa dunglim thakhi yu sobah, “Ha limro ah; ju ching tsahang.”

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 49:10

arü mükhüm yungsho kemüthüri yungsho apung atak yungsho aninü arü kheak mütak, tümüde shepünü arü kheak müthsümchonü arü bebah, tüsho ayung limpeang arü bebah.

ISAIA 58:3

“Tümü thsükhi isanü khümkeak thsücho, tüshe nünü müngü? Tümü thsükhi isanü azhihayihcho, tüshe nünü mükheahkhit?” Kheahang, nü khümkeak nimung nü künkhi nünü rhimochoh, tüsho nü rhimobo alala junochoh.

ISAIA 58:5

Inü mokhitkhi khümkeak ha, nihbuh azhihayihpü nimung yung de? Sangrung nangde aku koyupü, tüsho shungliukhim le awah ching yapbea de? Nünü ha Atungpuhnü leangkhikhukbe nimung, khümkeak ah de ajiba de?

JEREMIA 10:23

Inü mükheahlah, O Atungpuh , mihtsürübo limro arü danyukkhi ching müla, mihtsürübonü atsahkhi ching arünü jing düküpü khuhlanga muhuhkhuk.

JEREMIA 42:3

Isa küching yüba tüsho isa tümü rhimobeanü Atungpuh nü Thrünpuhnü isa ki huhshang.”

DANIEL 9:3

Jushu inü tamkhüntamnü chingnü mushude khümkeak thsüde tüsho shungliukhim yihbah awah ching awuhde Atungpuh T H RÜ NPU H kilim rholode yü.

JOEL 1:14

Khümkeak khülang lapü zhiyukang, amüsüh amukhung khülang lapü jiang. Azothsürübo tüsho lomi mihtsürü alala Atungpuh nüsa Thrünpuh yam ching mukhungang tüsho Atungpuh ki zhiang.

LEVI 16:29

Ha nüsa thsungkheak lünnü thiyuzüng thsübah: Khinu thüne nimung athürü nipü nüsa Israelrü tüsho nüsa lung lakhi khiungkerübonü khümkeak thsübeah tüsho tümü she mürhimobeah.

LEVI 16:31

Ha nüsa thsungkheaknü sühakhim amunimung tüsho nüsanü khümkeak thsübeah. Ha kamruhroro thsungkheak yakzan thsükhi lah.

LEVI 23:29

Tümütüsho shepünü ha nimung ching müthsünübanü api mihtsürü bolungnü khekhita bahbah.

JONA 3:5

Tüsho Nineve mihtsürübonü Thrünpuh kin; arünü khümkeak thsüpü zhiyuk tüsho mihbüm aban ato tüsho anininü shungliukhim phuyu.

JONA 3:7

Judüki apinü Nineve ching zhiyukkhi khülang lakheah: “ Kiulongthsüpuh tüsho api yo atorübo yuzüng hode: Mihtsürü yungsho shiwüh, moshi yungsho mihnunü tümü she mütsühake. Arübo müyimkip, yungsho arünü ke muyung.

WÜHKHE 14:3

Tümüde Atungpuhnü isa ha lo ching nukshangnü asheshihpü bede yücho le? Isa niuberü tüsho isa tsührübo laksahkhambah; isa Ijip lim alode ayükhipü atsübe thsüba shi?”

WÜHKHE 14:31

Tüshe thsümütsü ngübah de nüsanü athakhi nüsa tsührübo a, nüsanü abahyukkhi lomi ching inü bede yüzahbah tüsho arünü ju lomi mükheahbah.

YUNIRÜBO RHIMO 2:39

Tümüde alokhikhi ju nüsa le nüsa tsührübo tüsho limshu ching larü, Atungpuh isa Thrünpuhnü ajirü aban kilim lah.”

MAHKHAPRÜ 20:26

Judüki Israel mihtsürü bonungrü athrünkhi wutubah Bethel ching arü tüsho trip; arünü Atungpuh miki bin tüsho ju nimung arelim khiungde khümkeak thsü, tüsho Atungpuh miki taka kingaünkhi le mungtsü kingaünbo jih.

1 SAMUEL 7:6

Jumonü arünü Mizpa ching bemukhung, tüsho ke khipbah Atungpuh miki buka bah. Arünü ju nimung khümkeak thsü, tüsho tha, “Isanü Atungpuh azhihde neak yihbeakdo.” Tüsho Samuelnü Mizpa ching Israel mihtsürü mahkhap.