EZRA 7:6 - AMÜSÜH HÜM CL Bible (BSI)

⁶ Babilon chingnü arübuh Ezra ha Israel Thrünpuhnü Mosa kilim jihkhi yakzan thrütakhinrü ayeanzo lakheah. Thrünpuh müngühmühi Ezra kheak lamonü, apinü akheangkhi athrünkhi kiulongthsüpuhnü jih.

EZRA 7:6 Iomraidhean Croise

THRÜNTAN 32:28

Tüsho apinü tha, “Nü mung kheaküa Jakob de müji, tüshe Israel; tümüde nünü Thrünpuh tüsho mihtsürübo bede shochih, tüsho kukdo.”

EZRA 5:5

Tüshe Thrünpuhnü Jihudarü limberü kurungkheak kheahde alakheah, tüsho Persia kiulongthsü atorübonü arünü Darius kilim thrütbah alo-hüm müngüyichokia mutuklodü lang rhimoshih.

EZRA 6:22

Arünü phaüm muyukkhi yikhap thünio thüne ni asühde mung, tümüde Atungpuh hode Asiria kiulongthsüpuhnü arü ki muzhode kamshih, junangde apinü Israel Thrünpuh arüngyam thsülochoki arü rung.

EZRA 7:21

“Aniyüzahlim Euphrarü lomi ching sho-zhimrübo ki Ezra, amükeambuh tüsho yinmi Thrünpuh yakzan thrütakhinbuh kilim apinü akheangkhi alala jihang de thiyukhüm müküpde inü jihchoh,

EZRA 7:28

Thrünpuh mihmüthsüm hode, kiulongthsürü, api ki lümlungjihrü, tüsho wulakhi atorübonü I muzhode kamshih; Atungpuh I Thrünpuhnü I mulong toshih, tüsho Israel trük ching akuthsürü ahihkhüh I yande alodarüpü mulongkhitshih.”

EZRA 7:5

Abishua tsührü, Phinehas tsührü, Eleazar tsührü, Aron amükeambuh tsührü lakheah.

EZRA 7:9

tümüde khinu akhuhbe atan ni Babilon chingnü tsahmusu, tüsho Thrünpuh arung hode khinu phüngü atan ni Jirusalem khiung.

EZRA 8:1

Artazerzes kiulongthsüchoki Israelrü trükbo ching aku thsürübo sherü Babilon ramtso ching hande yünü alakhea tüsho arü kheaknü atrükkhitrü Ezra lung alode Jirusalem lim arükheanü harü ah:

EZRA 8:18

Thrünpuh mihmüthsüm hode Israelrü Levi tsührü Mahli yamkhün chingnü khiukchim mihtsürü Sherebia arüshih, api lung atsührü athrürü 18 tüsho keoniorübo she arü.

EZRA 8:22

Limro ching isa riribo aheangshihpü bonungrübo tüsho khoraberübo kiulongthsüpuh ki kheangpü inü achih; tümüde Thrünpuhnü api kheak kinrü aban müngühjihchoh, tüshe api kheaknü chamkhide atsorü a apinü masüh tüsho thsümüchichoh de inü kiulongthsüpuh ki thakheah.

EZRA 8:31

Akhuhbe khinu nimung thürükheak mahne nipü isa Ahava yung chingnü Jirusalem lim arü. Limtsahchoki isa Thrünpuh isa lung lade thiriri khah chingnü isa bekhit.

NEHEMIA 12:26

Harübo Jozadak tsührü Jeshua tsührü Joiakim, Nehemia kovünor, tüsho athrütbuh Ezra amükeambuh arü kim ching lakheah.

NEHEMIA 12:36

tüsho api buhtsührü, Shemaia, Azarel, Milalai, Gilalai, Maai, Nethanel, Juda tüsho Hanani, arünü Thrünpuh mihtsürü David yo khungpi aphuaphu shuh. Tüsho arü müngüh Ezra athrütbuhnü thobah dung.

NEHEMIA 2:12

Jirusalem thsungkheaknü arhimopü I mulong ching Thrünpuhnü aqiukhi she ki she mütha. Tüshe thüning dukmuro I asürü tüsho I lung aturü khürü bebah tso. Shiwüh she inü abekhi donki lang isa lung be.

NEHEMIA 2:18

Tüsho Thrünpuhnü küruk I lung lakhea tüsho I rungde, tüsho kiulongthsüpuhnü tümü thakheanü arü ki thaa huh. Arünü alo, “Isanü athsülopü tankihanü!” Tüsho arünü rhimo tankihpü tsanglung.

NEHEMIA 2:8

Tüsho kiulongthsüpuh sangmüküh neakbuh Asaph kilim, arüngyam shahwün chipiripitbo, kiuto chipi thsungkheak tüsho I lapung thsüpü sang jihshihpü kihüm thrütang de inü tha. Inü akheangkhi alala kiulongthsüpuhnü mülüjih, tümüde Thrünpuh I lung lakheah.

NEHEMIA 4:15

Küyimki isa riribonü mulomülapkhi isanü mükheahdo de arünü asokhea, tüsho Thrünpuhnü arü lümkhi akeangkeang kamshihkhea, isa alala nihbuh rhimo ching yülo.

NEHEMIA 8:1

Tüsho ju khinu atan ni mihtsürü alala nihbuh langzü mihtsürü khülang kamde Jirusalem ching Ke Chipiripit müngüh wungdo limro mukhungde arü, tüsho arünü Ezra ki Atungpuhnü ajihkhi Mosa Yakzan Hüm lubah arang de tha.

NEHEMIA 8:13

Ju khinu ashidopü trük ching azothsürübonü amükeamrü tüsho Levirü lung nungbah, yakzan yubo yimpü Ezra ki mukhung.

NEHEMIA 8:4

Ezra a ju kim ching thsungkheak thsükhi sang sadam kheak zhip. Mihtsürü harü tsülimpeang zhip: Mattithia, Shema, Anaia, Uria, Hilkia, tüsho Maaseia, tüsho huzulim zhiprü: Pedaia, Mishael, Malkhija, Hashum, Hashbaddana, Zekaria, tüsho Meshullam.

NEHEMIA 8:9

Küyimki mihtsürübonü yakzan sokhea, arü mulong khide qiu tüsho atrippü tankih. Jumonü kovünor Nehemia, amükeambuh tüsho yakzan mükheahmudurü Ezranü mihtsürübo ki tha, “Ha nimung ha Atungpuh nüsa Thrünpuh kilim amüsüh ah, nüsa mulong dürozhak tüsho dütrip.

NEHEMIA 9:13

Nü yinmi chingnü Sinai Müzüng kheak aki; nünü nü mihtsürü ki asukachih tüsho thiyuro yuzüng, yakzan, tüsho thiyukhümbo jih.

MUNGSHIKHÜN 109:27

junangde ha nü khah ah, nü Atungpuhnü ha rhimodo de arünü amükheahbah!

MUNGSHIKHÜN 147:19

Apinü Jakob ki api yu, api yakzan thsükhibo tüsho api mahkhapkhibo Israel ki khipkhitchoh.

MUNGSHIKHÜN 45:1

I mulong ju mükkheahkih atsünü mikhiukde lah; inü athrütmukhungkhi kiulongthsüpuh ki khechoh; I mulo ju athrütpü thsakhama larü dosang nangde lah.

MUNGSHIKHÜN 80:18

Judüki isanü nü kheaknü rholode mutso; isa thsüphulojang, tüsho isanü nü mung jianü.

MÜCHITMUDU 3:6

nü limrobo alala ching api mütsankhitang tüsho apinü nü limro alungki huhbah.

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

ISAIA 59:1

Kheahang, akhümkhitpü thsüde Atungpuh khah khide mükhih, yungsho asopü thsüde api nükhün müpeang.

JEREMIA 8:8

Athrütrü yo dosangnü akeangyu kamshihchoki, “ Isa lümlung lah, tüsho Atungpuh yakzan isa lung lah,” de küde thsah nüsanü thakhukpü?

MATHI 13:52

Judüki apinü arü ki tha, “Jumonü yakzan thsangyurü yinmi kiulongthsü ching jingyanrü kamrü ju thüyam putungrünü anihbuh rahpung chingnü aso tüsho awün kukrukbo lude akhiukkhi kiphahlah.”

MATHI 23:2

“Yakzan thsangyurübo tüsho Pharisirübonü Mosa binkiu kheak binchoh.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

1 KORINT 1:20

Lümlung larü mihtsürü küching la? Mükheahmudurü küching la? Ha lün ching atsangachihrü küching la? Thrünpuhnü alomi lümlung makhashihkhi yung de?

1 KORINT 15:1

Keoniorübo, kheakü inü nüsa ki thsangyuthsangrabah leangkhi tüsho ju kheak nüsa akin düküngde azhipkhi thiyusheak-atsü lümkhitshihnelah.

YUZÜNGTHALO 28:1

“Kheakü nüsanü Atungpuh nüsa Thrünpuh ki mihyuanisho tüsho inü khihni nüsa kilim jihkhi yukhüm ayihyih thsüde yansho, Atungpuh nüsa Thrünpuhnü alomi ching nüsa trükshih alala kurungkheak achangbe kamshihbah.

YUZÜNGTHALO 4:5

“Tsükjide Atungpuh I Thrünpuhnü I ki thiyukhüm jihkhi yande inü nüsa ki thsangyudo, junangde nüsa yübah alupü lakhi lo ching jurübo zhimbah.