EZRA 7:5 - AMÜSÜH HÜM CL Bible (BSI)

⁵ Abishua tsührü, Phinehas tsührü, Eleazar tsührü, Aron amükeambuh tsührü lakheah.

EZRA 7:5 Iomraidhean Croise

1 KIUTHSÜYUKHEAN 6:4

Eleazar tsührü Phinehas, Phinehas tsührü Abishua,

2 KIUTHSÜYUKHEAN 19:11

Kheahang, Amaria amükeam putungpuh Atungpuh dünkheak alala ching nüsa kurungkheak lah; tüsho kiulongthsüpuh dünkheak alala ching Israel tsührü Zebadia, Juda yamkhün yo kovünor lah; tüsho Levirünü nüsa ki atorübo thsüde tankihbah. Mulong tode rhimoang, tüsho tsüde arhimorü lung Atungpuh lashang!”

2 KIUTHSÜYUKHEAN 26:20

Küyimki amükeam putungpuh Azaria, tüsho amükeamrübo alalanü api kheak kheahkhea, api kingkang kheak apham akhiuka lakheah. Arünü api niokheamde bekhit, tüsho anihbuh langzü wukhiukpü niokheam, tümütüsho Atungpuhnü anihbuh shik.

EZRA 7:4

Zerahia tsührü, Uzzi tsührü, Bukki tsührü,

EZRA 7:6

Babilon chingnü arübuh Ezra ha Israel Thrünpuhnü Mosa kilim jihkhi yakzan thrütakhinrü ayeanzo lakheah. Thrünpuh müngühmühi Ezra kheak lamonü, apinü akheangkhi athrünkhi kiulongthsüpuhnü jih.

ABEKHIT 6:25

Aron tsührü Eleazarnü Putiel tsührü bolungnü khülang lu; tüsho alibenü api kilim Phinehas zübejih. Harü ha Levi trük gukbo tüsho buhtsühbo ching akubo lakheah.

LEVI 10:12

Mosanü Aron tüsho atsührü aningkhi Eleazar le Ithamar ki tha, “Atungpuh kilim taka kingaünkhi chingnü aningkhi hi kingaün ju luang tüsho phaüm muyukde kingaünpung mungyeannü tsühang; tümütüsho ha kingaün khide amüsüh.

LEVI 10:16

Tüsho Mosanü neak kingaünpü mihnu dünkheak düshihde atsangashu tüsho ju takabah-a lakheah. Ju dünkheaknü Aron tsührübo aninga lakhi Eleazar le Ithamar büne ki bukakhiuk, tüsho tha,

LEVI 10:6

Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah.

WÜHKHE 27:2

Tüsho arünü arüngyam ripit ki Mosa le amükeambuh Eleazar, tüsho limberü le boto alala miki zhipbahle tha,

WÜHKHE 3:32

Levirü limberü kurungkheak akubeatobuh ju amükeambuh Aron tsührü Eleazar, tüsho arüngyam kümrü kurungkheak kheahpü lakheah.

WÜHKHE 31:31

Jumonü Mosa tüsho amükeambuh Eleazar anenü Atungpuhnü Mosa ki thiyukhüm jihkhi yande rhimo.

WÜHKHE 31:54

Tüsho Mosa le amükeambuh Eleazar anenü chithürü kumung wühkenorü tüsho chi kumung wühkenorübo kheaknü suna leangkhi, tüsho ju Israel mihtsürü thsungkheak lümkhitde alapü thsüde Atungpuh miki arüngyam ching handarü.

WÜHKHE 31:6

Junangde Mosanü keochihpü arübo trük aban chingnü 1000 yüshih; apinü arübo amükeambuh Eleazar tsührü Phinehas yande, amüsüh kukrukbo tüsho akhah ching amütpü hulipungpung shuhbah yüshih.

IBRI 5:4

Shenü she nihbuh küdahnü wüntre muluchoh; Aron nangde api ju Thrünpuhnü jia labeah.

JIHUSUA 14:1

Harü ha amükeambuh Eleazar, Nun tsührü Jihusua tüsho Israel trük gukbo chingnü akuthsürübonü mihtsürübo kilim chama jih Kananrü lo ching Israelrünü yamrüplurüp lukhi ah.

JIHUSUA 22:13

Jumonü Israelrünü amükeambuh Eleazar tsührü Phinehas ju Reuben, Gad tüsho aniakhiuklim Manase trükbo kilim Gilead ching yüshih.

JIHUSUA 22:31

Eleazar tsührü amükeambuh Phinehasnü Reubenrü, Gadrü tüsho Manaserü ki tha, “ Khihni isa lung Atungpuh lah de isanü mükheahlah, tümütüsho nüsanü api mazhih, kheakü nüsanü Israelrü Atungpuh khah chingnü bekhitdo.”

JIHUSUA 24:33

Aron tsührü Eleazar sheabah; tüsho atsührü Phinehas kilim jihkhi Ephraim awung lomi Gibea ching arünü api mi kiuyukabah.

MAHKHAPRÜ 20:28

tüsho judüki Aron tsührü, Eleazar tsührü Phinehasnü Atungpuh miki tankihde alakheah,) “ Kheaküshe isanü wutuba shi, dashi arün thsüba?” Atungpuhnü tha, “Wutuang; tümüde inü shido arübo nüsa khah ching jihbah.”