EZRA 7:28 - AMÜSÜH HÜM CL Bible (BSI)

²⁸ Thrünpuh mihmüthsüm hode, kiulongthsürü, api ki lümlungjihrü, tüsho wulakhi atorübonü I muzhode kamshih; Atungpuh I Thrünpuhnü I mulong toshih, tüsho Israel trük ching akuthsürü ahihkhüh I yande alodarüpü mulongkhitshih.”

EZRA 7:28 Iomraidhean Croise

THRÜNTAN 32:28

Tüsho apinü tha, “Nü mung kheaküa Jakob de müji, tüshe Israel; tümüde nünü Thrünpuh tüsho mihtsürübo bede shochih, tüsho kukdo.”

THRÜNTAN 43:14

Tüsho Wuto Thrünpuhnü mihtsürübuh miki nüsa amüthsüm jihshang, junangde apinü nüsa niurü püpü le Benjamin büne dükhebah. I a tsührübo dükheakpü lasho, tümüyu lapü!”

EZRA 5:5

Tüshe Thrünpuhnü Jihudarü limberü kurungkheak kheahde alakheah, tüsho Persia kiulongthsü atorübonü arünü Darius kilim thrütbah alo-hüm müngüyichokia mutuklodü lang rhimoshih.

EZRA 7:14

I tüsho lümlung-jihrü thünenü, Jirusalem tüsho Juda ching Thrünpuh yakzan künangde anichonü phüzüphüdoa kheahshihpü nü yüshihchoh.

EZRA 7:6

Babilon chingnü arübuh Ezra ha Israel Thrünpuhnü Mosa kilim jihkhi yakzan thrütakhinrü ayeanzo lakheah. Thrünpuh müngühmühi Ezra kheak lamonü, apinü akheangkhi athrünkhi kiulongthsüpuhnü jih.

EZRA 7:9

tümüde khinu akhuhbe atan ni Babilon chingnü tsahmusu, tüsho Thrünpuh arung hode khinu phüngü atan ni Jirusalem khiung.

EZRA 8:1

Artazerzes kiulongthsüchoki Israelrü trükbo ching aku thsürübo sherü Babilon ramtso ching hande yünü alakhea tüsho arü kheaknü atrükkhitrü Ezra lung alode Jirusalem lim arükheanü harü ah:

EZRA 8:15

Ahava kiuto lim bukde ayükhi ayung ki inü arü bemukhung, tüsho ju ching isa nimung mahsam mung. Boto ching inü amükeamrübo ngü, tüshe Levirü tsührübo sheshe müngü.

EZRA 8:18

Thrünpuh mihmüthsüm hode Israelrü Levi tsührü Mahli yamkhün chingnü khiukchim mihtsürü Sherebia arüshih, api lung atsührü athrürü 18 tüsho keoniorübo she arü.

EZRA 9:9

Isa azhorü lakheah, tüshe nünü isa azhorü kuhi ching muzojih. Nünü Persia kiulongthsüpuh ki isa muzhode kamshih tüsho isa thsüphuloshihpü, thsümünima lakhi nü arüngyam thsüloshihpü mülüjih tüsho Juda le Jirusalem ching isa kümshihpü mihmuzho jih.

NEHEMIA 1:11

O Atungpuh kheakü I tamkhüntamnü tüsho nü yamlarü püpürü sherünü nü ki wüntre jihnelanü arü tamkhüntamnü sojang. Khihni I kilim kukzam jihang, tüsho wuto kiulongthsüpuhnü I ki mihmüthsüm huhshang.” Tümüde I wuto kiulongthsüpuh pung adünararü lakheah.

NEHEMIA 2:8

Tüsho kiulongthsüpuh sangmüküh neakbuh Asaph kilim, arüngyam shahwün chipiripitbo, kiuto chipi thsungkheak tüsho I lapung thsüpü sang jihshihpü kihüm thrütang de inü tha. Inü akheangkhi alala kiulongthsüpuhnü mülüjih, tümüde Thrünpuh I lung lakheah.

MUNGSHIKHÜN 109:12

Api ki amüthsüm huhrü she dülashih, yungsho api tsührü mürerü lümrhihrü she dülashih.

JONA 3:7

Judüki apinü Nineve ching zhiyukkhi khülang lakheah: “ Kiulongthsüpuh tüsho api yo atorübo yuzüng hode: Mihtsürü yungsho shiwüh, moshi yungsho mihnunü tümü she mütsühake. Arübo müyimkip, yungsho arünü ke muyung.