EZRA 7:25 - AMÜSÜH HÜM CL Bible (BSI)

²⁵ “Nü Ezra, nü Thrünpuhnü ajihkhi lümlung yande, yakzanshuhrü tüsho mahkhaprübo sherünü Aniyüzahlim Euphrarü mihtsürü limbekhukbanü, nünü arü rhimo ching yüzahshang. Amükeamrü aban hoju yakzan nünü thsangyuang.

EZRA 7:25 Iomraidhean Croise

THRÜNTAN 41:38

Tüsho Pharaonü ayamlarübo ki tha, “Thrünpuh me lakhi mihtsürü hadürü isanü angükhukba de?”

THRÜNTAN 41:39

Pharaonü Josep ki tha, “Thrünpuhnü ha alala nü ki huhdo, nü nangde sheshe mütsankhitkhi tüsho lümlung larü müla.

1 KIULONG THSÜRÜ 3:28

Kiulongthsüpuhnü mahkhapjihkhi Israel alalanü so; tüsho arünü kiulongthsüpuh trezung thsüde zhip, tümütüsho mahkhappü thsüde Thrünpuh lümlung api kheak lah de arünü ngükhit.

2 KIULONG THSÜRÜ 17:27

Judüki Asiria kiulongthsüpuhnü thiyukhüm jih, “Nünü Samaria chingnü bede arükhi amükeamrü bolung khülang ju ching yübah lashang tüsho arü ki lomi thrünpuh yakzan thsangyushang.”

1 KIUTHSÜYUKHEAN 22:12

Atungpuhnü lang nü kilim mükheahmudu tüsho lümlung jihshang, junangde apinü nü Israel kurungkheak limberü thsüshihchoki nünü Atungpuh nü Thrünpuh yakzan anibah.

1 KIUTHSÜYUKHEAN 23:4

Davidnü tha, “ha chingnü, 24,000nü Atungpuh arüngyam rhimokhi kheahbah tüsho 6000nü atorübo tüsho mahkhaprübo thsübah,

EZRA 10:4

Asürang tümüde ha nü rhimo ah, nü rungpü isa lah, reangzahang tüsho ju rhimoang.”

EZRA 6:6

Dariusnü thiyusheak ha ruk yüshih: “Kethripkhüh lakhi kovünor Tattenai, Shethar-bozenai tüsho nü lung rhimorü atorübo arüngyam kinü akhinang;

EZRA 7:10

Tümüde Ezranü Atungpuh yakzan yimde arhimopü tüsho api yakzan le thiyuzüngbo Israelrü ki thsangyupü mulongkhit.

EZRA 7:14

I tüsho lümlung-jihrü thünenü, Jirusalem tüsho Juda ching Thrünpuh yakzan künangde anichonü phüzüphüdoa kheahshihpü nü yüshihchoh.

NEHEMIA 9:3

Kimkhü 3 bande arü ki Atungpuh arü Thrünpuh yakzan kheyuk, jushu kimkhü 3 arü neak alokhide Atungpuh arü Thrünpuh kingaün.

MUNGSHIKHÜN 19:7

Atungpuh yakzan ju banthsanglah, hanü sühmüh aso jihchoh; Atungpuh yukhümbo ju mulonglambe, amülarü kilim lümlung jihchoh.

MÜCHITMUDU 2:6

Tümüde Atungpuhnü lümlung jihchoh; api mün chingnü mükheahmudu tüsho anikhitkhi arüchoh;

MÜCHITMUDU 6:23

Tümüde thiyukhüm ju tsün, tüsho yakzan ju ayin ah; tüsho adanyukkhi thsülangkhi ju rhangdung limro ah,

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

MATHI 13:52

Judüki apinü arü ki tha, “Jumonü yakzan thsangyurü yinmi kiulongthsü ching jingyanrü kamrü ju thüyam putungrünü anihbuh rahpung chingnü aso tüsho awün kukrukbo lude akhiukkhi kiphahlah.”

MARK 6:34

Tüsho küyimki Jisu akhiukkhea, yimto ato ngü tüsho muzhode lüm, tümütüsho arübo aneakrü mülakhi namfimihnubo nangde alakheah. Jumonü apinü arü ki ahihdo thsangyupü tankih.

YUZÜNGTHALO 16:18

“Atungpuh nüsa Thrünpuhnü ajihkhi chipimurungbo ching nüsanü mahkhaprü tüsho atorübo nüsa trükbo yande moyukang, tüsho arünü thiyuro mahkhapkhi yande mihtsürübo ki mahkhapbah.

KOLOSI 1:28

Isanü mihtsürü aban Khrista ching khiukdahkhi kamshihpü mihtsürü aban lümlung alala ching dande thsangyuchoh.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.