EZRA 7:14 - AMÜSÜH HÜM CL Bible (BSI)

¹⁴ I tüsho lümlung-jihrü thünenü, Jirusalem tüsho Juda ching Thrünpuh yakzan künangde anichonü phüzüphüdoa kheahshihpü nü yüshihchoh.

EZRA 7:14 Iomraidhean Croise

EZRA 1:3

Nüsa bolung shepü api mihtsürüanü–api lung Thrünpuh lashang. Tüsho api Juda ching lakhi Jirusalem ching wutubah Atungpuh , Israel Thrünpuh, shepü Jirusalem ching lanü api arüngyam thsüshang.

EZRA 5:8

“Nü ki mükheahshihpü lümkhi ju, isa Juda lomi ching Ato Thrünpuh yam ching yüdo. Lung atotonü khimtanbah thrüna lah, tüsho abinkiu kheak rhü zünlah; ha rhimo ching khide jinjihde rhimokhamde yümuroh.

EZRA 6:12

Ha yukhüm manirü tüsho arüngyam thsümünimrü kiulongthsürü yungsho mihtsürübo, api kingaünshihpü thsüde Jirusalem dangpung mokhitbuh Thrünpuhnü bahyukshang. I Dariusnü ha yukhüm jihchoh; ha dükde arhimobeah.”

EZRA 6:8

Arüngyam thsülochoki nüsanü Jihudarü azothsürübo kilim küruk rungbeanü inü thiyu jihchoh; wukhiukyüzahbe alala Aniyüzahlim Euphrarü ki ruk threkhi kiuthsü lakhit chingnü bahjang, junangde rhimo ju müyanshakshih.

EZRA 7:15

I tüsho lümlungjihrübonü Jirusalem ching lakhi Israel Thrünpuh kilim akeangnü ajihkhi suna tüsho shotoyinchibo she hanjihbah yüang.

EZRA 7:28

Thrünpuh mihmüthsüm hode, kiulongthsürü, api ki lümlungjihrü, tüsho wulakhi atorübonü I muzhode kamshih; Atungpuh I Thrünpuhnü I mulong toshih, tüsho Israel trük ching akuthsürü ahihkhüh I yande alodarüpü mulongkhitshih.”

EZRA 8:25

Jushu, kiulongthsüpuh, api ki lümlung-jihrü, atorübo tüsho Israelrünü shotoyinchi, suna tüsho phühlungbo arüngyam ching ahorishihpü jihkhi adüna amükeamrübo kilim jih.

ESTER 1:14

Arürübo ju, Karshena, Shethar, Admatha, Tarshish, Meres, Marsena tüsho Memukan– harü ha Persia le Midia kiulongthsü ching atorübo ah.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 6:20

Küyimki api Daniel lapung kekhüzü-yam thüninde arükhea, apinü tripnede Daniel ki zhi, “ O Daniel, arhang Thrünpuh yamlarü, nünü thülünde tankihkhi nü Thrünpuhnü kekhüzübo chingnü nü bekhitkhuknah?”

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

ZEKARIA 6:10

Babilon chingnü alungkhi ramtsorü Hildai, Tobija tüsho Jedaia kheaknü shotoyinchi tüsho suna luang; tüsho ju nimungnü Zephania tsührü Josia yam ching yüang.