EZRA 7:12 - AMÜSÜH HÜM CL Bible (BSI)

¹² “Artazerzes kiulongthsübo kurungkheak kiulongthsüpuh kilimnü Ezra amükeambuh, yinmi Thrünpuh yakzan thrütakhinbuh kilim.

EZRA 7:12 Iomraidhean Croise

1 KIULONG THSÜRÜ 20:1

Siria kiulongthsüpuh Benhadadnü api bonungrü alala bemukhung; khorabo tüsho khoralolungbe lung kiulongthsürü 32 api lung lakheah. Apinü Samaria yanpü yübah zündo tüsho yanabah.

1 KIULONG THSÜRÜ 4:24

Tümüde apinü aniyüzahlim Euphra kewung alala, Tiphsa chingnü Gaza khiungde kiulongthsürübo alala kurungkheak yakzan shuh; tüsho thrip alala ching apinü mungtsü lakheah.

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

EZRA 4:17

Kiulongthsüpuhnü ha thaloa yüshih: “Limthobuh Rehum, athrütbuh Shimshai tüsho rukhüh larübo Samaria tüsho aningkhi aniyüzahlim Euphra ching larü kilim, salüm.

EZRA 7:1

Kam ahihkhüh dunglim, Artazerzes Persia kiulongthsürü thsüchoki, mihtsürü khülang amung Ezra lakheah. Apinü anihbuh jipürü Aron, Achangbe Amükeambuh yande khean: Ezra ju Seraia tsührü, Azaria tsührü, Hilkia tsührü,

EZRA 7:11

Ezra, amükeamrü tüsho athrütakhinrü, shepü Atungpuhnü Israelrü kilim yakzan jihkhi achiaying yüzahde mükheahkhea, api kilim Artazerzesnü mütsan-hüm ha jih:

EZRA 7:6

Babilon chingnü arübuh Ezra ha Israel Thrünpuhnü Mosa kilim jihkhi yakzan thrütakhinrü ayeanzo lakheah. Thrünpuh müngühmühi Ezra kheak lamonü, apinü akheangkhi athrünkhi kiulongthsüpuhnü jih.

ISAIA 10:8

Tümüde apinü tha: “ I yo limthorübo alala kiulongthsürü yung de?

EZEKIEL 26:7

Tümüde Atungpuh Thrünpuhnü ha thachoh: Inü Tair azhihde dukulimnü Babilon kiulongthsüpuh Nebukednezar, kiulongthsürübo kheaknü kiulongthsürü bedarübah, ju lung khorabo, khora-lolungbe, khoraberü tüsho bonungrü ahihdo bebah.

DANIEL 2:37

Nü, O kiulongthsüpuh, kiulongthsürübo kurungkheak kiulongthsüpuh shepü kilim yinmi Thrünpuhnü kiulongthsü, wu, sühmüh, tüsho müretahkhi jihkhea,

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

1 TIMOTHI 6:15

tüsho ha kim dükdü ching, müngühmühi tüsho wuto ju lang, kiulongthsürübo kheaknü Kiulongthsürü tüsho atungrübo kheaknü Atungrü,

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.