EZRA 7:1 - AMÜSÜH HÜM CL Bible (BSI)

¹ Kam ahihkhüh dunglim, Artazerzes Persia kiulongthsürü thsüchoki, mihtsürü khülang amung Ezra lakheah. Apinü anihbuh jipürü Aron, Achangbe Amükeambuh yande khean: Ezra ju Seraia tsührü, Azaria tsührü, Hilkia tsührü,

EZRA 7:1 Iomraidhean Croise

2 KIULONG THSÜRÜ 22:4

“Hilkia achangbe amükeambuh kilim wutuang, tüsho ripit aheangrünü mihtsürübo kheaknü athremukhungkhi sho alala apinü kheshang;

2 KIULONG THSÜRÜ 22:8

Hilkia achangbe amükeambuhnü athrütbuh Shaphan ki tha, “Inü yakzan hüm Atungpuh yam ching ngüdo.” Küyimki Hilkianü hüm Shaphan kilim jihkhea, apinü ju khe.

2 KIULONG THSÜRÜ 25:18

Aheangrü wühkenobuhnü Seraia achangbe amükeambuh, ju khinbuh Zephania amükeambuh tüsho ripit-limro aheangrü 3 bea lu;

1 KIUTHSÜYUKHEAN 9:11

tüsho Thrünpuh yam atorü Ahitub tsührü, Meraioth tsührü, Zadok tsührü, Meshullam tsührü, Hilkia tsührü Azaria;

2 KIUTHSÜYUKHEAN 34:15

Hilkianü athrütbuh Shaphan ki tha, “Inü Atungpuh yam ching yakzan hüm ngüdo;” tüsho Hilkianü hüm ju Shaphan kilim jih.

2 KIUTHSÜYUKHEAN 34:9

Arünü achangbe amükeambuh Hilkia kilim arü tüsho Levirü le ripit-limro neakrübonü Manase, Ephraim, tüsho aninga lakhi Israel, Juda, Benjamin tüsho Jirusalem ching larü alala kheaknü thremukhungbah Thrünpuh yam ching lude arükhi sho yihkhita lu.

EZRA 4:7

Artazerzes Persia kiulongthsüchoki she Bishlam, Mithredath, Tabeel tüsho rukhüh rhimorübonü kiulongthsüpuh kilim kihüm thrüta jih. Kihüm ju Aramik khahthrütnü dokihbah Aramik yuthanü khea huh.

EZRA 6:14

Wukihrü Haggai le Iddo tsührü Zekaria bünenü thsangyude mulong toshihkhi hode, Jihudarü limberübonü arüngyam thsüde jakih. Israel Thrünpuh, Sairus, Darius tüsho Persia kiulongthsüpuh Artazerzes pürünü abekhi nangde arünü arüngyam thsükham.

EZRA 7:10

Tümüde Ezranü Atungpuh yakzan yimde arhimopü tüsho api yakzan le thiyuzüngbo Israelrü ki thsangyupü mulongkhit.

EZRA 7:12

“Artazerzes kiulongthsübo kurungkheak kiulongthsüpuh kilimnü Ezra amükeambuh, yinmi Thrünpuh yakzan thrütakhinbuh kilim.

EZRA 7:2

Shallum tsührü, Zadok tsührü, Ahitub tsührü,

EZRA 7:21

“Aniyüzahlim Euphrarü lomi ching sho-zhimrübo ki Ezra, amükeambuh tüsho yinmi Thrünpuh yakzan thrütakhinbuh kilim apinü akheangkhi alala jihang de thiyukhüm müküpde inü jihchoh,

NEHEMIA 11:11

Meshullam tsührü Hilkia tsührü Seraia, api jipürü püpürü Zadok, Meraioth, tüsho Ahitub ju Thrünpuh yam ching yakzanshuhrü lakheah.

NEHEMIA 2:1

Kiulongthsüpuh Artazerzes kiulongthsü kam muku bankhitchoki, Nisan khinu ching api yimtsühde alachoki inü yukhu hande yünü jih. Küyimkishe I mulong tukthsüde api miki muhuhakheah,

NEHEMIA 8:1

Tüsho ju khinu atan ni mihtsürü alala nihbuh langzü mihtsürü khülang kamde Jirusalem ching Ke Chipiripit müngüh wungdo limro mukhungde arü, tüsho arünü Ezra ki Atungpuhnü ajihkhi Mosa Yakzan Hüm lubah arang de tha.