EZRA 6:8 - AMÜSÜH HÜM CL Bible (BSI)

⁸ Arüngyam thsülochoki nüsanü Jihudarü azothsürübo kilim küruk rungbeanü inü thiyu jihchoh; wukhiukyüzahbe alala Aniyüzahlim Euphrarü ki ruk threkhi kiuthsü lakhit chingnü bahjang, junangde rhimo ju müyanshakshih.

EZRA 6:8 Iomraidhean Croise

EZRA 4:16

Jumonü isanü alümkhi ju ha kiuto thrünlosho tüsho chipi ju bansho, nü kiulongthsünü küyimkishe aniyüzahlim Euphrarü mükhümkhuk.”

EZRA 4:23

Ha kihüm Artazerzesnü athrütkhi Rehum, Shimshai tüsho rukhüh larübo ki khea huhkhi yanalünde, arünü nanachihde Jirusalem lim yübah Jihudarübo kiuto thrünlokhi ju thsühnuk shuhbah yankhiabah.

EZRA 5:5

Tüshe Thrünpuhnü Jihudarü limberü kurungkheak kheahde alakheah, tüsho Persia kiulongthsü atorübonü arünü Darius kilim thrütbah alo-hüm müngüyichokia mutuklodü lang rhimoshih.

EZRA 6:14

Wukihrü Haggai le Iddo tsührü Zekaria bünenü thsangyude mulong toshihkhi hode, Jihudarü limberübonü arüngyam thsüde jakih. Israel Thrünpuh, Sairus, Darius tüsho Persia kiulongthsüpuh Artazerzes pürünü abekhi nangde arünü arüngyam thsükham.

EZRA 6:4

Tüsho khimtan ju lung atoto thürün asamnü khimang tüsho ju kheak sang aso thürünkhüh yihkihang; bahzübahdobe alala ju kiuthsü lakhit chingnü bahshang.

EZRA 6:7

tüsho arü kimlak düjih. Juda kovünor le Jihudarü limberünü Thrünpuh arüngyam püpüki yampungnü thsüloshang.

EZRA 6:9

Nimung aban Jirusalem ching amükeamrübo yihnüpü mülakphahde jihang; moshi nunu, mihnu, yungsho namfimihnunü yinmi Thrünpuh kilim taka kingaünpü thsüde, yungsho wheat hi, thimi, yukhu, yungsho oliv müdangkebo jihang.

EZRA 7:14

I tüsho lümlung-jihrü thünenü, Jirusalem tüsho Juda ching Thrünpuh yakzan künangde anichonü phüzüphüdoa kheahshihpü nü yüshihchoh.

NEHEMIA 11:23

Judüki kiuthsü yukhüm ching lakhi yande guk aban chingnü nimung aban arüngyam ching akhinashu thsüde khün be.

NEHEMIA 2:8

Tüsho kiulongthsüpuh sangmüküh neakbuh Asaph kilim, arüngyam shahwün chipiripitbo, kiuto chipi thsungkheak tüsho I lapung thsüpü sang jihshihpü kihüm thrütang de inü tha. Inü akheangkhi alala kiulongthsüpuhnü mülüjih, tümüde Thrünpuh I lung lakheah.

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

HAGGAI 2:8

Shotoyinchi I yo, tüsho suna I yo, Wuto Atungpuhnü thachoh.