EZRA 6:3 - AMÜSÜH HÜM CL Bible (BSI)

³ “Sairus kiulongthsü atan kam Jirusalem ching arüngyam ju taka kingaünde alapung ching thsüloshang de apinü thiyukhüm jih: Arüngyam ju achanglim limthrip 27 tüsho apunglim limthrip 27 thüne thsübeah.

EZRA 6:3 Iomraidhean Croise

2 KIUTHSÜYUKHEAN 2:3

Solomonnü Tair kiulongthsüpuh Hiram kilim thiyu yüshih: “ Khülang ki nünü I buh David kheak tsüde lado tüsho api lapü thüyam thsüshihpü cedar sang mühahdo, junangde I ki rhimoang.

2 KIUTHSÜYUKHEAN 2:6

Tüshe shepünü api kilim thüyam khülang thsükhukba, tümüde yinmi, achangbe yinminü she api mülüngüm? Api miki kingaünpü dangpung kheak hode, api arüngyam khülang thsüpü I she a?

2 KIUTHSÜYUKHEAN 36:22

Persia kiulongthsüpuh Sairus kam akhuhbe ching, Jeremianü athakhi Atungpuh yu dünjipü thsungkheaknü, Atungpuhnü Persia kiulongthsüpuh Sairus me thurumusu, junangde apinü anihbuh kiulongthsü alala ching yunithsürü khülang yüshih tüsho athrütkhi yukhüm chingnü she thari:

EZRA 1:1

Sairusnü Persia kiulongthsükhi akhuhbe kam ching, Jeremia mün hode Atungpuh yu dünjishihpü thsüde, Atungpuhnü Persia kiulongthsüpuh Sairus me tuthsukmusu tüsho api kiulongthsü bukkhüp lomi alala ching thrüta zhiyukshihpü tha:

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

EZRA 3:7

Arünü lungzünrü tüsho yümzüyümdorü jihshihpü sho jihchung tüsho Tair le Sidon kiutobo ching cedar sangthulung Lebanon chingnü Joppa khiungde keto chingnü handarüde alakhi ching jihshihpü tsühyungpü, tüsho oliv müdangkebo jih. Harü alala Persia kiulongthsüpuh Sairus yu hode lang rhimo.

EZRA 6:14

Wukihrü Haggai le Iddo tsührü Zekaria bünenü thsangyude mulong toshihkhi hode, Jihudarü limberübonü arüngyam thsüde jakih. Israel Thrünpuh, Sairus, Darius tüsho Persia kiulongthsüpuh Artazerzes pürünü abekhi nangde arünü arüngyam thsükham.

MUNGSHIKHÜN 122:4

Ha Israel kilim jihkhi yakzan thsükhi yande Atungpuh mung shipü Atungpuh trükbo wutupung ah.

AMIKHEAKAKHIUKKHI 21:16

Kiuto ju thrip phüyi thsübah, ayunglim ju apunglim lokhüh lakheah; tüsho apinü aketsonü kiuto ju kilomitir 2400 ake tüsho ayunglim, apunglim tüsho achanglim rukhüh lakheah.