EZRA 6:22 - AMÜSÜH HÜM CL Bible (BSI)

²² Arünü phaüm muyukkhi yikhap thünio thüne ni asühde mung, tümüde Atungpuh hode Asiria kiulongthsüpuhnü arü ki muzhode kamshih, junangde apinü Israel Thrünpuh arüngyam thsülochoki arü rung.

EZRA 6:22 Iomraidhean Croise

2 KIULONG THSÜRÜ 23:29

Api nimungbo ching Ijip kiulongthsüpuh Pharao Nekonü Asiria kiulongthsüpuh kilim Euphra ayung ching wutu. Josia kiulongthsüpuhnü api shorupü yü; tüshe küyimki Pharao Nekonü Megiddo ching api shorukhea, apinü anihbuh laksah.

2 KIUTHSÜYUKHEAN 23:18

Jehoiadanü Atungpuh yam kümshihpü Levirü amükeamrübo ki thiyi. Arübo Mosa yakzan ching thrüta lakhi nangde Atungpuh yam neakpü, David yukhüm yande asühachihde tüsho khün thsüde Atungpuh kilim taka kingaünkhi jihpü Davidnü thiyia lakheah.

2 KIUTHSÜYUKHEAN 29:30

Kiulongthsüpuh Hezekia tüsho atorübonü, David tüsho angürü Asaph yubo bede Atungpuh kilim mungshi khün thsüshihpü Levirübo kilim thiyukhüm jih. Arünü asühde mungshi khün thsü, tüsho arünü khukning tüsho kingaün.

2 KIUTHSÜYUKHEAN 30:21

Jirusalem ching lakhi Israel mihtsürübo tode asühachihde phaüm muyukkhi yikhap thünio nimung thüne mung; tüsho Levirü le amükeamrübonü Atungpuh yo kingzükingdobe bebah nimung abande Atungpuh mung shi.

2 KIUTHSÜYUKHEAN 33:11

Jumonü Atungpuhnü arü azhihde Asiria kiulongthsüpuh bonungrü wühkenorübo bedarü; arünü khoyangnü Manase wuh-a lubah müwayinchi wuhrünnü rhük, tüsho api Babilon ching bede yü.

2 KIUTHSÜYUKHEAN 35:17

Israel mihtsürübo bede alarünü ju kim ching phunghothünio tüsho phaüm muyukkhi thünio nimung thüne mung.

EZRA 1:1

Sairusnü Persia kiulongthsükhi akhuhbe kam ching, Jeremia mün hode Atungpuh yu dünjishihpü thsüde, Atungpuhnü Persia kiulongthsüpuh Sairus me tuthsukmusu tüsho api kiulongthsü bukkhüp lomi alala ching thrüta zhiyukshihpü tha:

EZRA 6:1

Junangde Darius kiulongthsüpuhnü Babilon ching kiuthsü yakzan hüm zopung ching yimshihpü thiyukhüm jih.

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

NEHEMIA 13:6

Harü dünjide alachoki, I Jirusalem ching müla tümüde Artazerzes Babilon kiulongthsü samrükheak mahnepü kam ching api ki thiyukheang

MÜCHITMUDU 16:7

Küyimki mihtsürü limrobonü Atungpuh asühshihbanü, apinü anihbuh riribo she api lung mungtsü lashichoh.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

EZEKIEL 23:23

Babilonrü tüsho Kaldearü alala, Pekod, Shoa tüsho Koa chingnü tüsho arü lung Asiriarü alala, akheahakham athrününgtsüngbo, kovünorbo tüsho arü lung wühkenorübo alala, atorübo tüsho thirithsürübo, arü alala khorabo kheak binlah.

MATHI 26:17

Kheakü phaüm muyukkhi thünio akhuhbe nimung jingyanrübonü arübah Jisu ki tha, “Nü thsungkheaknü phungho-thünio tsühpü isanü küching thsakhamshihnela?”

JOHAN 19:11

Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”