EZRA 6:16 - AMÜSÜH HÜM CL Bible (BSI)

¹⁶ Tüsho Israel mihtsürü– amükeamrü, Levirü tüsho püpürü ramtso chingnü alungrü alalanü asühde arüngyam müsükhitde mung.

EZRA 6:16 Iomraidhean Croise

1 KIULONG THSÜRÜ 8:62

Judüki kiulongthsüpuh, tüsho api lung Israel alalanü Atungpuh miki laksah-a kingaün.

1 KIULONG THSÜRÜ 8:63

Solomonnü moshipung 22,000 tüsho namfimihnu 120,000 Atungpuh kilim laksah-a mungtsü kingaün jih. Jumonü kiulongthsüpuh tüsho Israel mihtsürü alalanü Atungpuh yam müsükhit.

1 KIUTHSÜYUKHEAN 15:28

jumonü Israel alalanü Atungpuh tangzüng sangdan ju zhide, shihjuh, hulipungpungbo, larüpbo, tüsho bingshangbo le bingkhungbo khungde shuhbah atu.

1 KIUTHSÜYUKHEAN 9:2

Kheakü arü yamalo, kiutobo ching akhuhde alalorü ju Israelrü, amükeamrübo, Levirü, tüsho arüngyam tankihrübo lakheah.

2 KIUTHSÜYUKHEAN 29:30

Kiulongthsüpuh Hezekia tüsho atorübonü, David tüsho angürü Asaph yubo bede Atungpuh kilim mungshi khün thsüshihpü Levirübo kilim thiyukhüm jih. Arünü asühde mungshi khün thsü, tüsho arünü khukning tüsho kingaün.

2 KIUTHSÜYUKHEAN 30:23

Judüki amukhungrü alala rukhühnü thünio ju nimung thüne munglopü mulongkhit; jumonü arünü asühachihde kheaküshe nimung thüne mung.

2 KIUTHSÜYUKHEAN 30:26

Jirusalem ching asühachihkhi ato lakheah, tümüde Israel kiulongthsüpuh David tsührü Solomon kim chingnü Jirusalem ching ha ruk mülaakheah.

2 KIUTHSÜYUKHEAN 7:5

Kiulongthsüpuh Solomonnü moshipung 22,000 tüsho namfimihnu 120,000 laksah-a kingaün. Jumonü kiulongthsüpuh tüsho mihtsürü alalanü Thrünpuh yam müsükhit.

EZRA 4:1

Küyimki Juda tüsho Benjamin riribonü, ramtso chingnü alungrü tsührübonü Israel Thrünpuh Atungpuh arüngyam thsülochoh de asokhea,

EZRA 6:22

Arünü phaüm muyukkhi yikhap thünio thüne ni asühde mung, tümüde Atungpuh hode Asiria kiulongthsüpuhnü arü ki muzhode kamshih, junangde apinü Israel Thrünpuh arüngyam thsülochoki arü rung.

NEHEMIA 12:27

Jirusalem chipi müsüchoki, Levirü alala nihbuh lapung chingnü jiyuk, tüsho arünü larüp, bingshang tüsho bingkhungbo shuhbah makshe jihkhi khünbo thsü.

NEHEMIA 12:43

Ju nimung kingaün ahihkhüh jihde, tüsho mihtsürübo asühkhinü mi tümüde Thrünpuhnü arübo khide asühpü jih. Aliberü tüsho azürübo müsükhitkhi münchi ching be, tüsho arü alalanü alankhi ju limshu chingnü she so.

NEHEMIA 7:73

Amükeamrü, Levirü, arüngyam aheangrü, khün thsürü mihtsürü dümung ahihdo, arüngyam ching tankihrü–alala Israelrü– Juda kiuto tüsho kiulongbo ching la; tüsho khinu thünepü ching a Israelrü tsührübo nihbuh kiuto ching lakham.

NEHEMIA 8:10

Kheakü thüyam lim yüang tüsho aniojiang. Nüsanü tsühyungpü musuhdahrü ki chamachihang. Khihni ha isa Atungpuh kilim amüsüh ah, jumonü mulong dütukthsü. Asühpü Atungpuh nü ajihkhi hode nüsa reangzahshihbah.”

MUNGSHIKHÜN 122:1

Küyimki arünü, “Isanü Atungpuh yam ching yüanü,” de I ki thakheanü I asüh.

DANIEL 5:13

Judüki Daniel ju kiulongthsüpuh miki bede yüzah. Kiulongthsüpuhnü Daniel ki tha, “ Nü Daniel, I buh kiulongthsüpuhnü Juda chingnü bedarükhi, Juda ramtsorü khülang a de?

JOHAN 10:22

Kheakü Jirusalem ching amüsühkhitkhi thünio lakheah, tüsho ju tsüngkam lakheah.

YUZÜNGTHALO 12:7

nüsanü arhimokhi alala ching nüsa le nüsa yambukbonü, Atungpuh nüsa Thrünpuh mikinü atsühbah tüsho asühachihbah, tümütüsho Atungpuh nüsa Thrünpuhnü nüsa müngühjihdo.

FILIPI 4:4

Atungpuh lung kamruhroro asühang; inü thalochoh, asühang.