EZRA 6:1 - AMÜSÜH HÜM CL Bible (BSI)

¹ Junangde Darius kiulongthsüpuhnü Babilon ching kiuthsü yakzan hüm zopung ching yimshihpü thiyukhüm jih.

EZRA 6:1 Iomraidhean Croise

EZRA 4:15

Junangde nüsa jipürünü thrüta zokhi thiyukhüm ha jih-a yimshang. Jude athsükhinü ha kiuto yakzan-azhihrü tüsho adüso kim chingnü lomi ching kiulongthsürü tüsho yakzanshuhrü phümüsüp jihpung ah de nünü ayimkhitbah. Tüsho harü mihtsürübo ha yakzannü mürhükkhukde arüchoh. Ju hode lang kiuto thsümünimkheah.

EZRA 4:19

Atsangashua kheahshihpü inü thiyukhüm jihdo, tüsho Jirusalem ha adüso lün chingnü kiulongthsü yakzan-azhihrü tüsho phümüsüp jihrünü lang mibah laa lah de yimkhitdo.

EZRA 5:17

“Jumonü, kiulongthsüpuhnü mulonga lasho, Sairus kiulongthsüpuhnü Jirusalem ching ha Thrünpuh arüngyam thsülopü thsungkheak thiyukhüm jih-a lashi müjihnü Babilon kiuthsü hüm zopung ching yimshang, tüsho ju dünkheak kiulongthsüpuh lümkhi isa ki mükheahshang.”

EZRA 6:22

Arünü phaüm muyukkhi yikhap thünio thüne ni asühde mung, tümüde Atungpuh hode Asiria kiulongthsüpuhnü arü ki muzhode kamshih, junangde apinü Israel Thrünpuh arüngyam thsülochoki arü rung.

EZRA 7:13

“I kiulongthsü aban ching Israelrü amükeamrü tüsho Levirü sherü nü lung Jirusalem ching yünelanü ayüpü kuklah de mülüjihchoh.

JOB HU H T ANYU 29:16

Müthsümülarü thsungkheak I abuh lakheah, tüsho inü mümükheahrü dünkheak yimkhitjih.

MUNGSHIKHÜN 40:7

Judüki inü tha, “ Kheahang, I arüchoh; küpqiu ching ju I dünkheak thrüta lakheah.

MÜCHITMUDU 25:2

Tümükhüh müyimpü ju Thrünpuh müretahkhi, tüshe tümükhüh yimkhitpü ju kiulongthsürübo müretahkhi lah.

JEREMIA 36:29

Tüsho Juda kiulongthsüpuh Jehoiakim dünkheak nünü athabah: Atungpuhnü thachoh, Nünü ha küpqiu takpü tha, “Tsükjide Babilon kiulongthsüpuh arübah tüsho ha lomi, mihtsürü tüsho shiwühbo thsümünimpü tümüde nünü ha ching thrütkhea?”

JEREMIA 36:32

Judüki Jeremianü küpqiu püpü lu tüsho Neria tsührü Baruk kilim jihbah, Juda kiulongthsüpuh Jehoiakimnü mo ching takabahkhi Jeremianü thaa thrütshihkhi küpqiu yubo alala thrütkih; tüsho akiphahkhi yubo ahihdo yukajak.

EZEKIEL 2:9

Judüki inü kheah, tüsho I ki khah chunghuhkhi inü ngü, tüsho ju ching küpqiu khülang lakheah.

EZEKIEL 3:1

Tüsho apinü I ki tha, “Mihtsürü tsührü, nü miki tümü lanü tsühang, küpqiu ha tsühang; jushu yüang tüsho Israel yamkhün ki asukang.”

DANIEL 9:25

Jumonü mükheahang tüsho anikhitang: Jirusalem thsülopü thiyu wukhiukkhi chingnü mujude-mokhitkhi limberü khülang kim khiungde thünenü shu thüne kambo labah; tüsho thünenü shu rukrükheak mahne kambo ching ju kiudunglimrobo tüsho khuhtotsunglobebo bede athsülobah, tüshe ha küpkhuk kim khülang labah.

AMIKHEAKAKHIUKKHI 5:1

Tüsho kiulongthsü-binkiu kheak binbuh khah tsülim ching, thripkhüh thripkhüh thrütkhi küpqiu, mütsanyüm thünenü yümbah inü ngü;