EZRA 5:8 - AMÜSÜH HÜM CL Bible (BSI)

⁸ “Nü ki mükheahshihpü lümkhi ju, isa Juda lomi ching Ato Thrünpuh yam ching yüdo. Lung atotonü khimtanbah thrüna lah, tüsho abinkiu kheak rhü zünlah; ha rhimo ching khide jinjihde rhimokhamde yümuroh.

EZRA 5:8 Iomraidhean Croise

EZRA 2:1

Kheakü harübo ha lomibo ching sherü Nebukednezar nü rama lubah Babilon ching tsokhea, arü Jirusalem tüsho Juda lim buh kiulonglong ching arülo.

EZRA 5:7

Arünü api kilim thrütkhi kihüm ju ha lakheah: “Kiulongthsüpuh Darius, nü kiulongthsü mungtsü thsang.

EZRA 5:9

Tüshe isanü azothsürübo ki, ha arüngyam tüsho chipi thsülopü shenü thiyukhüm jihbah ha banshihcho de keokhi.

EZRA 6:10

Jude athsükhinü arünü yinmi Thrünpuh kilim arhümthüneade kingaünshihbah, tüsho Api müngühmühi I tüsho I tsührübo kheak lashihpü tamkhüntamnüshihbah.

EZRA 6:4

Tüsho khimtan ju lung atoto thürün asamnü khimang tüsho ju kheak sang aso thürünkhüh yihkihang; bahzübahdobe alala ju kiuthsü lakhit chingnü bahshang.

EZRA 7:23

Yinmi Thrünpuhnü arüngyam thsungkheak yihnüpü lakhi akukthülün khide kümkangde jihang, jude müthsüsho I le I tsührübo kheak Thrünpuh bukakhiukbah.

NEHEMIA 11:3

Harü ha Jirusalem ching lakhi lomi limberübo ah; tüshe alala Juda kiutobo ching nihbuh yamalo kheak arü kiutobo ching lakheah: Israelrü, amükeamrü, Levirü, arüngyam tankihrü tüsho Solomon yamlarü tsühsoniusobo.

NEHEMIA 7:6

Harü ha lomi mihtsürü, Nebukednezarnü ramde ayükinü arü yamkhünbo Babilon azhorü kuhi ching lakhi, Babilon lomi bahjihbah Jirusalem tüsho Juda buh kiuto buh kiuto lim alode arü.

ESTER 1:1

Kiulongthsüpuh Zerzes shepü hode Indianü Ethiopia khiungde 127 kiulongthsü kurungkheak,

ESTER 1:22

Kiulongthsü lomi abande thiyutha tüsho athrütkhi limro yande, niubuhrü abannü nihbuh yamkhün ching atungpuh thsüang tüsho adüngakhi thsüde akheamyu thaang de thiyusheak jih.

MUNGSHIKHÜN 145:3

Atungpuh ju ato ah, tüsho tode ashijihpü lah; tüsho api tokhi ju müyimkhitkhukbe lah.

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 3:26

Judüki Nebukednezarnü motrukhi ripit ki yü tüsho zhi, “Shadrak, Meshak tüsho Abednego, khide Achang Thrünpuh yamlarübo, akhiukang! Ha kheak arang!” Jumonü Shadrak, Meshak tüsho Abednego arünü mo chingnü akhiuk,

DANIEL 4:2

Khide Achang Thrünpuhnü I thsungkheak amütsanbo tüsho amüyinsahbebo rhimokhibo inü asühde khechoh.

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

YUZÜNGTHALO 32:31

Tümüde arü thrünpuh ju isa Thrünpuh ruk yung, isa riribonü she arü küdah thsüde mütsanlah.