EZRA 5:6 - AMÜSÜH HÜM CL Bible (BSI)

⁶ Euphra kethripkhüh lakhi Kovünor Tattenai, Shethar-bozenai tüsho api müyamrü kethripkhüh lakhi atorübonü Darius kiulongthsüpuh kilim kihüm thrüt.

EZRA 5:6 Iomraidhean Croise

EZRA 4:11

Kihüm thrütkhi ju ha: “Artazerzes kiulongthsüpuh kilim, ayamlarübo aniyüzahlimrü Euphrarü kilimnü.

EZRA 4:23

Ha kihüm Artazerzesnü athrütkhi Rehum, Shimshai tüsho rukhüh larübo ki khea huhkhi yanalünde, arünü nanachihde Jirusalem lim yübah Jihudarübo kiuto thrünlokhi ju thsühnuk shuhbah yankhiabah.

EZRA 4:9

“Limthobuh Rehum, athrütbuh Shimshai, rukhüh rhimorü, mahkhaprü, tüsho Elam lomi ching mihkhung larü, Erek, Babilon tüsho Susa ching larü ato thsürübo,

EZRA 5:3

Judüki Euphra kethripkhüh lakhi kovünor Tattenai, Shetharbozenai tüsho arü rukhüh tankihrübo nungde Jirusalem lim arübah arü ki keokhi: “Ha arüngyam thsülopü tüsho chipi thsükhipü shenü thiyukhüm jihkhea?”

EZRA 5:7

Arünü api kilim thrütkhi kihüm ju ha lakheah: “Kiulongthsüpuh Darius, nü kiulongthsü mungtsü thsang.

EZRA 6:6

Dariusnü thiyusheak ha ruk yüshih: “Kethripkhüh lakhi kovünor Tattenai, Shethar-bozenai tüsho nü lung rhimorü atorübo arüngyam kinü akhinang;

EZRA 8:36

Arünü kiulongthsüpuhnü ajihkhi mütsanhüm she lubah Aniyüzahlim Euphrarü kovünor tüsho atorübo kilim jih, tüsho arünü alode mihtsürü tüsho arüngyam thsungkheak arung jih.