EZRA 5:3 - AMÜSÜH HÜM CL Bible (BSI)

³ Judüki Euphra kethripkhüh lakhi kovünor Tattenai, Shetharbozenai tüsho arü rukhüh tankihrübo nungde Jirusalem lim arübah arü ki keokhi: “Ha arüngyam thsülopü tüsho chipi thsükhipü shenü thiyukhüm jihkhea?”

EZRA 5:3 Iomraidhean Croise

EZRA 1:3

Nüsa bolung shepü api mihtsürüanü–api lung Thrünpuh lashang. Tüsho api Juda ching lakhi Jirusalem ching wutubah Atungpuh , Israel Thrünpuh, shepü Jirusalem ching lanü api arüngyam thsüshang.

EZRA 4:12

“ Kiulongthsüpuhnü mükheahshihnekhi ju, Jihudarübo nü kilimnü aturünü Jirusalem ching isa lung arübah ha amünean tüsho yakzanazhih kiuto thrünlochoh. Arübo rhü zünmusudo tüsho banmuroh.

EZRA 4:9

“Limthobuh Rehum, athrütbuh Shimshai, rukhüh rhimorü, mahkhaprü, tüsho Elam lomi ching mihkhung larü, Erek, Babilon tüsho Susa ching larü ato thsürübo,

EZRA 5:6

Euphra kethripkhüh lakhi Kovünor Tattenai, Shethar-bozenai tüsho api müyamrü kethripkhüh lakhi atorübonü Darius kiulongthsüpuh kilim kihüm thrüt.

EZRA 5:9

Tüshe isanü azothsürübo ki, ha arüngyam tüsho chipi thsülopü shenü thiyukhüm jihbah ha banshihcho de keokhi.

EZRA 6:13

Junangde Tattenai kovünor, Shethar-bozenai tüsho atorübonü kiulongthsüpuhnü athiyikhi nangde jinjihde rhimo.

EZRA 6:6

Dariusnü thiyusheak ha ruk yüshih: “Kethripkhüh lakhi kovünor Tattenai, Shethar-bozenai tüsho nü lung rhimorü atorübo arüngyam kinü akhinang;

EZRA 7:21

“Aniyüzahlim Euphrarü lomi ching sho-zhimrübo ki Ezra, amükeambuh tüsho yinmi Thrünpuh yakzan thrütakhinbuh kilim apinü akheangkhi alala jihang de thiyukhüm müküpde inü jihchoh,

HAGGAI 1:1

Darius kiulongthsü mahnepü kam khinu thuruk, atan ni wukihbuh Haggai hode Shealtiel tsührü, Juda kovünor Zerubbabel, tüsho Jehozadak tsührü, achangbe amükeambuh Jihusua kilim Atungpuh yu arü:

MATHI 21:23

Küyimki api arüngyam ching yüzahkhea, amükeam putungrübo tüsho mihtsürü azothsürübo api thsangyude alachoki arü tüsho tha, “Tümü thiyukhüm-sühmüh hode nünü harü alala rhimocho? Tüsho ha thiyukhüm-sühmüh nü kilim shenü ajihkhea?”

YUNIRÜBO RHIMO 4:7

Arünü arübo arü müngüh zhipshihbah keokhi, “Tümü wunü yungsho tümü mung hode nüsanü ha rhimokhea?”